ព្រោនឬបង្គាជាពពួកសត្វដែលគេពេញនិយមយកមកធ្វើជាគ្រឿងក្លែមក៏ដូចជាទទួលទានជាលក្ខណៈអាហារប្រណីត ។ ប៉ុន្តែការញ៉ាំបង្គាដែលផ្ទុកមេរោគឬក្រខ្វក់អាចនាំឲ្យអ្នកពុលបាន ហើយថែមទាំងនាំឲ្យមានបញ្ហាឈឺក្រពះ និងរកកល់ក្អួតចង្អោរទៀតផង ។ រោគសញ្ញាមួយចំនួនដែលបានលើកឡើងនេះអាចគំរាមគំហែងដល់អាយុជីវិតអ្នកផងដែរ ។
មានវិធីសាស្ត្រមួយចំនួនជាការកត់សម្គាល់ចំពោះករណីពុលព្រោនឬបង្គានេះ ៖
បង្គាក្រខ្វក់ដែលមានផ្ទុកបាក់តេរី ឬតូស៊ីនផ្សេងៗដែលអាចបណ្តាលឲ្យអ្នកទទួលទានពុលអាហារ ប៉ុន្តែអ្នកនឹងមិនប្រាកដជាញ៉ាំអាហារដែលផ្អូមឬខូចគុណភាពនោះឡើយ រហូតទាល់តែមានពេលមួយដែលវិវឌ្ឍន៍ទៅរកភាពឈឺក្បាល រាករុស ឬអាការដទៃៗទៀត ។ ចំពោះការពុលអាហារដែលចម្អិនពីបង្គាជាក់លាក់គឺផ្អែកទៅតាមបាក់តេរីជាក់ស្តែងដែលចម្លងរោគដល់បង្គានោះ ។ ជាទូទៅបើទោះជាសញ្ញាក្រៅពីនេះរួមមានដូចជាធីងធោងវិលមុខ ឈឺចុកពោះ និងភាពចុះខ្សោយនៃសាច់ដុំ(អស់កម្លាំង)ជាដើម ។ អ្នកអាចជួបអាការគាំងកម្រើកមិនកើត ឬដំណើរដែលញ័រឬស្ពឹកនៅនឹងបបូរមាត់ អណ្តាត ដៃ ឬជើងជាដើម ។ តូស៊ីននៅក្នុងបង្គាក៏អាចបណ្តាលឲ្យអ្នកមានបញ្ហានៅក្នុងការលេបចូលអាហារឬការនិយាយផងដែរ ។ ការពុលអាហារក៏អាចបណ្តាលឲ្យមានឈាមជាប់នឹងលាមកមកជាមួយផងក៏មានដែរ ។ ការពុលអាហារអាចនឹងកើតមានចាប់ពីអំឡុងពេលកន្លះម៉ោងទៅបីបួនថ្ងៃ ដែលភាគច្រើនសញ្ញាទូទៅនឹងលេចចេញក្នុងរយៈពេល១២ម៉ោងទៅ៧២ម៉ោង ។
ការព្យាបាល ៖
ស្វែងរកគ្រូពេទ្យព្យាបាលភ្លាមប្រសិនជាអាការនេះធ្ងន់ធ្ងរ ជាពិសេសគឺអាការស្ពឹកឬកម្រើកខ្លួនមិនរួចដែលអាចប៉ះពាល់ដល់សមត្ថភាពដកដង្ហើមរបស់អ្នក ។ អ្នកផ្តល់សេវាថែទាំអាចជ្រើសរើសវិធីសាស្ត្រព្យាបាលចម្រោះនូវតូស៊ីនចេញពីរាងកាយរបស់អ្នក ។ ជាងនេះទៅទៀតគន្លឹះដែលធ្វើឲ្យកាន់តែឆាប់ជាសះស្បើយឡើងគឺពាក់ព័ន្ធនឹងការរក្សាជាតិទឹកនៃសរីរាងរបស់អ្នកផ្ទាល់តាមរយៈការពិសាទឹក និងវត្ថុធាតុរាវដទៃទៀតឲ្យបានច្រើនដើម្បីបំពេញបន្ថែមនូវវត្ថុធាតុរាវដែលអ្នកបានបាត់បង់ ។
របៀបបង្ការ ៖
ការពុលអាហារដែលបណ្តាលមកពីបង្គាជានិច្ចកាលអាចចៀសផុតបាន ។ នេះគឺជាមធ្យោបាយមួយចំនួនគួរអនុវត្ត ៖ ក្លាសេបង្គាឲ្យត្រជាក់ ហើយអ្នកកុំញ៉ាំវាភ្លាមៗនោះដែរ ។ ចៀសវាងការញ៉ាំបង្គាពុលប្រសិនជាអ្នកមិនច្បាស់ថាតើគេក្លាសេវាក្នុងរយៈពេលយូរប៉ុណ្ណានោះ ។ លាងសម្អាតដៃរបស់អ្នកឲ្យបានស្អាតខណៈពេលចម្អិនវា ឬទទួលទានវា ។ ម្យ៉ាងទៀតត្រូវពិនិត្យមើលថាតើការចម្អិនបង្គាគេប្រើប្រាស់សីតុណ្ហភាពឬកំដៅត្រឹមត្រូវហើយឬនៅ ៕
ចែករំលែកព័តមាននេះ