ខេត្តសៀមរាប ៖ នាថ្ងៃទី១៥ ខែមេសា ឆ្នាំ២០២១នេះក្រុមការងាររដ្ឋបាលខេត្តសៀមរាបបានចុះធ្វើការអប់រំផ្សព្វផ្សាយដល់អាជីវករនៅក្នុងផ្សារលើធំថ្មី ដើម្បីឱ្យប្រជាពលរដ្ឋទាំងអស់អនុវត្តវិធានការពាក់ម៉ាស់ឲ្យបានគ្រប់ៗគ្នា ។ ក្នុងកិច្ចប្រតិបត្តិការនេះ ក្រោមការដឹកនាំរបស់លោក ពិន…
ខេត្តសៀមរាប ៖ នាថ្ងៃទី១៥ ខែមេសា ឆ្នាំ២០២១នេះក្រុមការងាររដ្ឋបាលខេត្តសៀមរាបបានចុះធ្វើការអប់រំផ្សព្វផ្សាយដល់អាជីវករនៅក្នុងផ្សារលើធំថ្មី ដើម្បីឱ្យប្រជាពលរដ្ឋទាំងអស់អនុវត្តវិធានការពាក់ម៉ាស់ឲ្យបានគ្រប់ៗគ្នា ។
ក្នុងកិច្ចប្រតិបត្តិការនេះ ក្រោមការដឹកនាំរបស់លោក ពិន ប្រាកដ អភិបាលរងនៃគណៈអភិ បាលខេត្តសៀមរាប រួមជាមួយមន្ត្រីជំនាញមន្ទីរសុខាភិបាលខេត្ត កងកម្លាំងសមត្ថកិច្ចផងដែរ ។ នាឱកាសនោះលោក ពិន ប្រាកដ អភិបាលរងនៃគណៈអភិបាលខេត្តសៀមរាប បានធ្វើការនាំដល់ប្រជាពលរដ្ឋដែលចេញ.ចូលផ្សារ និងតាមទីប្រជុំជន គឺត្រូវពាក់ម៉ាស់ឱ្យបានគ្រប់ៗគ្នា កាលណាបងប្អូនមិនចូលរួមពាក់ម៉ាស់នោះទេ ប្រសិនបើមានការឆ្លងជំងឺកូវី-១៩នោះនឹងត្រូវបិទផ្សារនេះតែម្តង ។
ក្នុងការចុះមកផ្ទាល់ យើងក៏សង្កេតឃើញថា ប្រជាពលរដ្ឋមានការភ្ញាក់រលឹក ម្ចាស់ការខ្លួនឯង ដោយបានពាក់ម៉ាសស្ទើរតែ៩៥ភាគរយ អ្នកខ្លះការប្រើម៉ាស់បានត្រឹមត្រូវ និងអ្នកខ្លះទៀតនៅមិនទាន់បានត្រឹមត្រូវនៅឡើយ ក្នុងនោះដែរ លោកបានបញ្ជាក់ថា គណៈកម្មការនៅមិនទាន់អនុវត្តវិធានការក្នុងការផាកពិន័យនូវឡើយទេ គឺគ្រាន់តែចុះមកអប់រំណែនាំបងប្អូនជាបន្តបន្ទាប់ទៀត ។
ជាមួយនឹងការអប់រំផ្សព្វផ្សាយនេះ ក្រុមការងារបានផ្សព្វផ្សាយដល់ផ្សារចំនួនបីមានផ្សារលើធំថ្មី ផ្សារសាមគ្គី និងផ្សារទំនើបអង្គរ ហើយថ្ងៃបន្តក្រុមការងារ និងចុះអប់រំនៅតាមផ្សារមួយចំនួនទៀត ដោយបែងចែកក្រុមការងារតាមការកំណត់ទុក ។
លោក អភិបាលរងខេត្តក៏បានអំពាវនាវឱ្យបងប្អូនប្រជាពលរដ្ឋបន្តអនុវត្តឱ្យបានខ្ជាប់ខ្ជួន និងកុំមើលស្រាលលើជំងឺដ៏កាចសាហាវនេះ ដោយអនុវត្តវិធានការរបស់ប្រមុខរាជរដ្ឋា ភិបាល ៣កុំ-កុំនៅបន្ទប់បិទជិត-កុំនៅកន្លែងកុះករ-កុំប៉ះពាល់គ្នា និង៣ការពារ-ត្រូវពាក់ម៉ាស់-ត្រូវលាងដៃ-ត្រូវរក្សាគម្លាតបុគ្គល ។
សូមបញ្ជាក់ផងដែរថា រដ្ឋបាលខេត្តបានរៀបចំគោលដៅក្រុមការងារចុះអប់រំ ណែនាំ មានចំនួន៣ក្រុម ដោយក្រុមទី១ ចុះគោលដៅ នៅ ផ្សារដើមក្រឡាញ់ , ផ្សារទល់មុខវត្តព្រះឥន្ទ កោសា , ផ្សារវត្តពោធិលង្កា , ក្រុមទី២ ,ផ្សារកន្ត្រក ,ផ្សារពោធិ៍ក្រោម ,ផ្សារ ភ្នំក្រោម និង ក្រុមទី៣ ,ផ្សារចាស់ ,ផ្សារ ខ្នារ និង ផ្សារស្វាយធំ ៕
ចែករំលែកព័តមាននេះ