ខេត្តបន្ទាយមានជ័យ ៖ ស្ត្រីម្នាក់ត្រូវបានគេប្រទះឃើញបញ្ចប់ជីវិតក្នុងបន្ទប់ទឹក បង្កឱ្យមានការភ្ញាក់ផ្អើលកាលពីថ្ងៃទី១០ ខែមេសា ឆ្នាំ២០២១ ស្ថិតភូមិជំទាវ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។
មន្ត្រីនគរបាលស្រុកមង្គលបូរីបានប្រាប់ថា ស្ត្រីរងគ្រោះឈ្មោះ ភឿន សាវរី អាយុ៣១ឆ្នាំ រស់នៅភូមិខាងលើ។
មន្ត្រីនគរបាលបានបញ្ជាក់ថា តាមការបំភ្លឺពីប្តីរបស់ស្ត្រីរងគ្រោះបានអោយដឹងថា មុនពេលកើតហេតុ គាត់បានជិះម៉ូតូទៅផ្សារ ហើយពេលត្រឡប់មកវិញបានហៅប្រពន្ធអោយដាំបាយធ្វើម្ហូប ដោយហៅ២ទៅ៣ដងមិនឮឆ្លើយនោះទេ ដោយមានការសង្ស័យគាត់ដើរទៅមើល ស្រាប់តែឃើញប្រពន្ធយកខ្សែអង្រឹងចងភ្ជាប់នឹងរនូតបន្ទប់ទឹក បន្ទាប់ពីឃើញហេតុការណ៍បែបនេះ គាត់ក៏ស្រែកអោយអ្នកជិតខាងជួយស្រាយខ្សែទំលាក់ចុះ ដើម្បីសង្គ្រោះដែរ ប៉ុន្តែប្រពន្ធរបស់គាត់បានបាត់បងជីវិតបាត់ទៅហើយ ។
មន្ត្រីនគរបាលបានបញ្ជាក់ថា ក្រោយពីទទួលព័ត៌មានខាងលើរួចហើយ សមត្ថកិច្ចបានចុះទៅពិនិត្យស.ពស្ត្រីរងគ្រោះ និងបានបញ្ជាក់ថា ស្ត្រីរងគ្រោះពិតជាបានបញ្ចប់ជីវិតក្នុងបន្ទប់ប្រាកដមែន ព្រោះតែជំពាក់បំណុលច្រើន និងមានជម្ងឺរោគស្ត្រី ដោយកាលពីពេលកន្លងមក បើតាមសំដីសាច់ញាតិរបស់ស្ត្រីរងគ្រោះបានឱ្យដឹងថា នាងធ្លាប់ព្យាយាមលេបថ្នាំបញ្ចប់ជីវិតជាច្រើនលើកមកហើយ ទើបពេលនេះស្ត្រីរងគ្រោះបញ្ចប់ជីវិតបានសម្រេច នៅពេលប្តីចេញទៅផ្សារ ។
ក្រោយពេលពិនិត្យរួចហើយ សមត្ថកិច្ចបានប្រគល់ស.ពជូនក្រុមគ្រួសារដើម្បីធ្វើបុណ្យតាមប្រពៃណី៕
ចែករំលែកព័តមាននេះ