រាជធានីភ្នំពេញ ៖ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញបានឱ្យដឹងថា ទីតាំងដែលរដ្ឋបាលរាជធានីភ្នំពេញរាំងខ្ទប់រហូតមកដល់ពេលនេះមានចំនួន៣ខណ្ឌ រួមមានខណ្ឌមានជ័យ ខណ្ឌពោធិសែនជ័យ និង ខណ្ឌសែនសុខ ដូចមានបង្ហាញនៅក្នុងផែនទីទីតាំងដែលត្រូវបិទខ្ទប់ក្នុងភូមិសាស្ត្ររាជធានីភ្នំពេញ ។
លោកបន្តថា ទីតាំងទាំងនោះរួមមាន៖ ការបិទខ្ទប់ភូមិទ្រុង់មាន់នៃសង្កាត់អូរបែកក្អម ខណ្ឌសែនសុខ ភូមិត្រពាំងថ្លឹង២ និងភូមទួលពង្រ នៃសង្កាត់ចោមចៅទី១ ភូមិចំការឳឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមត្រពាំងល្វា១ នៃសង្កាត់កាកាបទី១ និង ភូមិចំការឳឡឹក១ នៃសង្កាត់កាកាបទី២ ខណ្ឌពោធិ៍សែនជ័យ សង្កាត់ស្ទឹងមានជ័យទី១ សង្កាត់ស្ទឹងមានជ័យទី២ ភូមិទ្រា៤ ភូមិដំណាក់ធំ២ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ដែលជាតំបន់មានការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ ២០២១៕
ចែករំលែកព័តមាននេះ