រាជធានីភ្នំពេញ ៖ នៅមុននេះបន្តិច អាជ្ញាធរខណ្ឌទួលគោកបានមកនាំអំណោយជាអង្ករ និងគ្រឿងឧបភោក បរិភោគមួយចំនួនទៅចែកជូនដល់បងប្អូនប្រជាពលរដ្ឋ និងកម្មករ កម្មការិនីចំនួន53គ្រួសារស្មើនឹង53បន្ទប់ ដែលកំពុងស្នាក់នៅធ្វើចត្តាឡីស័ក បន្ទាប់ពីគ្រូពេទ្យរកឃើញកម្មកររោងចក្រកាត់ដេរម៉េង…
រាជធានីភ្នំពេញ ៖ នៅមុននេះបន្តិច អាជ្ញាធរខណ្ឌទួលគោកបានមកនាំអំណោយជាអង្ករ និងគ្រឿងឧបភោក បរិភោគមួយចំនួនទៅចែកជូនដល់បងប្អូនប្រជាពលរដ្ឋ និងកម្មករ កម្មការិនីចំនួន53គ្រួសារស្មើនឹង53បន្ទប់ ដែលកំពុងស្នាក់នៅធ្វើចត្តាឡីស័ក បន្ទាប់ពីគ្រូពេទ្យរកឃើញកម្មកររោងចក្រកាត់ដេរម៉េង អៀង មួយរូបវិជ្ជមានកូវីដ១៩។
ការចែកអំណោយខាងលើនេះបានរៀបចំឡើងនៅមុខផ្ទះជួលលេខ10 ផ្លូវលេខ 528 សង្កាត់បឹងកក់ទី 1 ខណ្ឌទួលគោក រាជធានីភ្នំពេញដែលជាផ្ទះជួលរបស់កម្មករ កម្មការីនីខាងលើ ដោយមានការអញ្ជើញចូលរួមដោយផ្ទាល់ពីលោកឯក ឃុនដឿន អភិបាលខណ្ឌទួលគោកនិងលោកចៅសង្កាត់បឹងកក់ទី 1 ព្រមទាំងសមត្ថកិច្ចនិងអាជ្ញាធរផងដែរ។
អំណោយដែលត្រូវចែកជូនដល់បងប្អូនប្រជាពលរដ្ឋ និងកម្មករ កម្មការិនីដែលកំពុងធ្វើចត្តាឡីស័កខាងលើ ក្នុងមួយគ្រួសារៗ អង្ករ១០គីឡូក្រាម ទឹកត្រី មី និងម៉ាស់មួយចំនួន។
ក្នុងឱកាសនោះដែរ លោកអភិបាលក៏បានណែនាំដល់បងប្អូនធ្វើអនាម័យនិងគោរពតាមការណែនាំរបស់ក្រសួងសុខាភិបាលនិងសម្តេចតេជោហ៊ុន សែន។
ទន្ទឹមនោះ ស្ត្រីជាម្ចាស់ផ្ទះជួលឈ្មោះអ៊ុក ពុទ្ធថាវី ក៍បានចូលរួមជាមួយរដ្ឋាភិបាល ក្នុងការបញ្ចុះតម្លៃបន្ទប់ជួលចំនួន២ខែ ក្នុង១ខែមួយបន្ទប់បញ្ចុះចំនួន២០ដុល្លារ។
គួរបបញ្ជាក់ថា កម្មករកាត់ដេរម្នាក់ត្រូវបានរកឃើញវិជ្ជមានកូវីដ 19 ហើយត្រូវបានក្រុមគ្រូពេទ្យការជាមួយអាជ្ញាធរខណ្ឌទួលគោកចុះទៅយកបញ្ជូនទៅកាន់មន្ទីរពេទ្យដើម្បីព្យាបាលកាលពីវេលាម៉ោង៥និង៤០នាទីថ្ងៃទី៤ ខែមេសា ឆ្នាំ២០២១។
ទន្ទឹមនឺងការរកឃើញកម្មករវិជ្ជមានកូវីដ19 នោះនៅព្រឹកថ្ងៃទី 5 ខែមេសា ឆ្នាំ 2021 នេះអាជ្ញាធរខណ្ឌទួលគោកសហការជាមួយក្រុមគ្រូពេទ្យបានចុះទៅយកសំណាកអ្នកដែលពាក់ព័ន្ធដោយប្រយោលនិងផ្ទាល់ប្រមាណជាង 100 នាក់ទៀត។
អ្នកវិជ្ជមានកូវីដ19 ដែលរកឃើញឈ្មោះភោគ គង់ ភេទប្រុស អាយុ២៦ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនរោងចក្រម៉េង អៀង ស្នាក់នៅចំណុចផ្ទះលេខ១០ ផ្លូវ៥២៨ ភូមិ២សង្កាត់បឹងកក់ទី១ខណ្ឌទួលគោក ។ ជាមួយគ្នានោះប្រពន្ធដែលជាកម្មការីនីកាត់ដេរ ងប្អូនប្រុសម្នាក់ដែលជាកម្មករនៅផ្សារអូឬស្សីត្រូវបានក្រុមគ្រូពេទ្យដឹកបញ្ជូនយកទៅធ្វើចិត្តតែសាក់នៅមណ្ឌលចិត្តាឡីស័ករាជធានីភ្នំពេញដែលស្ថិតនៅក្នុងខណ្ឌព្រែកព្នៅផងដែរ។
ដោយឡែកផ្ទះជួលប្រមាណ៥៣បន្ទប់ដែលភាគច្រើនជាកម្មករស្នាក់នៅត្រូវបានអាជ្ញាធរនិងសមត្ថកិច្ចធ្វើការឡោមព័ទ្ធដើម្បីឱ្យធ្វើចត្តឡីស័កចំនួន 14 ថ្ងៃ៕
ចែករំលែកព័តមាននេះ