បន្ទាយមានជ័យ ៖ រដ្ឋបាលខេត្តបន្ទាយមានជ័យអំពាវនាវដល់ម្ចាស់ផ្ទះ ឬបន្ទប់ជួល គួរតែលើកលែងយកថ្លៃជួលឬ បញ្ចុះតំលៃក្នុងឱកាសកូវីដ១៩ កំពុងរីករាលដាលក្នុងសហគមន៍សេចក្តីអំពាវនាវ ត្រូវបានជូនដំណឹង នៅថ្ងៃទី២៩ ខែមីនា ឆ្នាំ២០២១ ។
ឯកឧត្តម អ៊ុ រាត្រី អភិបាលខេត្តបន្ទាយមានជ័យបានជូនដំណឹងតាមបណ្តាញសង្គម Facebookផ្ទាល់ខ្លួនថា ៖ រដ្ឋបាលសាលាខេត្តបន្ទាយមានជ័យ សូមអំពាវនាវដល់ម្ចាស់ផ្ទះជួលឬ បន្ទប់ជួលគួរតែលើកលែងការបង់ថ្លៃបន្ទប់ ឬបញ្ចុះតំលៃបន្ទប់សម្រាប់បងប្អូនប្រជាពលរដ្ឋដែលកំពុងស្នាក់នៅផ្ទះជួល និងបន្ទប់ជួយក្នុងឱកាសកូវីដ១៩ ដែលកំពុងរីករាលដាលក្នុងសហគមន៍២០ កុម្ភៈ នេៈជាការរួមចំណែកជាមួយរាជរដ្ឋាភិបាលកម្ពុជា ។
ឯកឧត្តមបានបញ្ជាក់ថា ការផ្ទុះរីករាលដាលនៃមេរោគកូវីដ១៩ ក្នុងប្រត្តិការណ៍ (សហគមន៍ ២០ កុម្ភៈ )នៅតែបន្តកើនឡើងពីមួយថ្ងៃទៅមួយថ្ងៃ បានធ្វើអោយបងប្អូនប្រជាពលរដ្ឋមួយចំនួនបានទទួលរងផលប៉ះពាល់ខ្លាំង ក្នុងនោះអ្នកជួលផ្ទះ និងរស់នៅបន្ទប់ជួលដែលកំពុងជួបការលំបាកក្នុងការបង់ថ្លៃឈ្នួលផ្ទះ ឬឈ្នួលបន្ទប់ ។
ឯកឧត្តម អ៊ុ រាត្រី បានបញ្ជាក់ថា ក្នុងន័យនេះដើម្បីរួមចំណែកជាមួយរាជរដ្ឋាភិបាលកម្ពុជា និងរដ្ឋបាលសាលាខេត្តបន្ទាយមានជ័យ ក្នុងការគិតគូរ និងជួយទ្រទ្រង់ជីវភាពរបស់បងប្អូនប្រជាពលរដ្ឋ ដែលកំពុងស្នាក់នៅផ្ទះជួល ឬបន្ទប់ជួលនោះ រដ្ឋបាលខេត្តបន្ទាយមានជ័យ សូមអំពាវនាវដល់ម្ចាស់ផ្ទះជួល ឬបន្ទប់ជួលគួរលើកលែងការបង់ថ្លៃឈ្នួលផ្ទះ និងបន្ទប់ជួល ឬបញ្ចុះតំលៃ ក្នុងអំឡុងពេលផ្ទុះព្រឹត្តិការណ៍ (សហគមន៍ ២០ កុម្ភៈ) នេះរហូតដល់ស្ថានភាពនៃការរីករាលមេរោគកូវីដ១៩ មានសភាពធូរស្រាលឡើងវិញ ៕
ចែករំលែកព័តមាននេះ