រាជធានីភ្នំពេញ ៖ បុរសជាកម្មករសំណង់ម្នាក់ ឃើញបុរសជាភេទទីបីម្នាក់ (ប្រុសតែងខ្លួនជាស្រី) ពាក់ម៉ាសជិតមុខ ស្លៀកពាក់ស្អាតបាត ក៏យល់ច្រលំថាជាមនុស្សស្រី រួចក៏បានលួងលោមសាសងគ្នា រហូតព្រមព្រៀងគ្នាជិះកង់ឌុបគ្នាទៅបន្ទប់ជួលរបស់បុរសកម្មករសំណង់…
រាជធានីភ្នំពេញ ៖ បុរសជាកម្មករសំណង់ម្នាក់ ឃើញបុរសជាភេទទីបីម្នាក់ (ប្រុសតែងខ្លួនជាស្រី) ពាក់ម៉ាសជិតមុខ ស្លៀកពាក់ស្អាតបាត ក៏យល់ច្រលំថាជាមនុស្សស្រី រួចក៏បានលួងលោមសាសងគ្នា រហូតព្រមព្រៀងគ្នាជិះកង់ឌុបគ្នាទៅបន្ទប់ជួលរបស់បុរសកម្មករសំណង់ ខណៈ ពេលជិះកង់ឌុបគ្នាមិនទាន់ដល់បន្ទប់ជួលផង បុរសជាកម្មករសំណង់នោះបានលូកដៃស្ទាបអង្អែលទៅក៏ដឹងថានាងជាភេទទី៣ ក៏ស្រែកឆោឡោថា ភេទទីបីនោះបោកខ្លួន និងលួចយកកាបូបលុយរបស់ខ្លួនបាត់ ចំណែកបុរសជាភេទទីបី បានប្រកែកថា ខ្លួនមិនបានលួចនោះទេ ទើបបង្កឲ្យមានការឈ្លោះប្រកែកគ្នាបែកផ្សែង ។
ហេតុការណ៍ខាងលើនេះបានកើតឡើងកាលពីវេលាម៉ោង៩និង៣០នាទីយប់ថ្ងៃទី២២ ខែ មិនា ឆ្នាំ២០២១ នៅចំនុចផ្លូវចូលភូមិ CPC កែងផ្លូវសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បុរសជាភេទទីបីម្នាក់ខាងលើត្រូវបានគេស្គាល់ថាឈ្មោះ ពុធ រិទ្ធី អាយុ២០ឆ្នាំ (ប្រុសតែងខ្លួនជាស្រី) មុខរបរមិនពិតប្រាកដ ស្នាក់នៅជិតកន្លែងកើតហេតុ ។ ចំណែកបុរសជាកម្មករសំណង់សុំមិនបញ្ចេញឈ្មោះ ស្នាក់នៅបន្ទប់ជួលក្បែរកន្លែងកើតហេតុ ។
តាមប្រភពពីសមត្ថកិច្ចបានប្រាប់ព័ត៌មានលម្អិតអោយដឹងថា ហេតុការណ៍ខាងលើនេះគឺជារឿងយល់ច្រឡំទេ នៅមុនកើតហេតុ បុរសជាកម្មករសំណង់ទើបនឹងចេញពីធ្វើការនៅជិតម្តុំស្ពាន7មករា បានដើរត្រឡប់ទៅបន្ទប់ជួលវិញ ខណៈពេលដើរមកដល់ចំណតឡានក្រុង នៅតាមបណ្ដោយផ្លូវសហព័ន្ធរុស្សី មានសភាពហត់ពេក ក៏បានឈប់អង្គុយលេងបានមួយសន្ទុះ ក្រោយមកស្រាប់តែមានបុរសភេទទីបីខាងលើ ជិះកង់មួយគ្រឿង មកឈប់និយាយញ៉ែបុរសនោះ ធ្វើឲ្យបុរសកម្មករសំណង់ឃើញបុរសភេទទីបីស្លៀកពាក់ស្អាតបាត ពាក់ម៉ាសជិតមុខ មើលទៅ គិតថាជាមនុស្សស្រីក៏និយាយសាសងលួងលោម រហូតព្រមព្រៀងគ្នាទៅរួមរ័កមេត្រីនៅបន្ទប់ជួលខាងបុរសកម្មករសំណង់នោះ ។
តាមប្រភពដដែលបានបន្តថា បន្ទាប់ពីនិយាយត្រូវរ៉ូវគ្នាហើយក៏បាននាំគ្នាជិះកង់របស់ភេទទី៣ឌុបគ្នាមកដល់ផ្លូវបត់ចូលបន្ទប់ជួលបានឈប់ទិញទឹក និងភេសជ្ជៈផឹក និងនិយាយលេងលែបខាយ ហើយបុរសជាកម្មករបានលូកដៃស្ទាបប៉ះប្រដាប់ភេទ.ភេទទីបីនោះ ទើបដឹងថាជាមនុស្សប្រុសដូចគ្នា ក៏ភ្ញាក់ព្រឺត ដោយចោទប្រកាន់ថាបុរសភេទទីបីបោកខ្លួន និងលួចកាបូបលុយរបស់ខ្លួនដែលមានលុយចំនួន៤៩០០០រៀល បង្កឲ្យមានការឈ្លោះប្រកែកគ្នាផ្អើលអ្នកជិតខាងចោមរោមមើលគ្រប់គ្នា ហើយបុរសជាភេទទី៣នោះបានដោះសម្លៀកបំពាក់ចេញអស់ ក៏នៅតែរកលុយនោះមិនឃើញទៀត ។
តាមប្រភពពីបុរសជាភេទទីបីបានឆ្លើយសារភាពថា រូបគាត់មិនបានលួចលុយរបស់បុរសជាកម្មករសំណង់ខាងលើនោះទេ គឺបុរសនោះស្មានតែគាត់ជាមនុស្សស្រី និងចង់រួមភេទ លុះពេលប្រឡែងគ្នា បុរសរូបនោះបន្លំលូកដៃស្ទាបប៉ះប្រដាប់ភេទគាត់ ក៏ដឹងថាគាត់ជាមនុស្សប្រុស ស្រាប់តែបុរសរូបនោះរករឿងឈ្លោះប្រកែក និងចោទប្រកាន់គាត់ថាលួចលុយតែម្ដង ។ ដោយមិនអស់ចិត្តទៀត បុរសរូបនោះបានអោយគាត់ស្រាតខោអាវអោយគេឆែកឆេរ ហើយគាត់ក៏ព្រមស្រាតខោអាវអោយឆែកឆេរ ដើម្បីបញ្ជាក់ការពិត ដោយនៅក្នុងខ្លួនគាត់មានលុយតែ10000រៀលប៉ុណ្ណោះ ក៏ត្រូវបុរសរូបនោះលួចយកទៅវិញបាត់ទៀត ។ ការឈ្លោះប្រកែកគ្នាបែកផ្សែង បង្កការភ្ញាក់ផ្អើលដល់សមត្ថកិច្ច ចុះមកអន្តរាគមន៍ និងនាំពួកគាត់ទៅកាន់ប៉ុស្តិ៍នគរបាលទឹកថ្លា ដើម្បីដោះស្រាយគ្នា។
ក្រោយពេលទៅដល់ប៉ុស្តិ៍នគរបាលទឹកថ្លា សមត្ថកិច្ចសួរនាំដំណើររឿងក៏សុំឆែកឆេរបុរសសំណង់រូបនោះបានរកឃើញកាបូបលុយ នៅក្នុងកាតាបស្ពាយ ហើយមានលុយចំនួន49000រៀល ប័ណ្ណបើកបររថយន្ត និងក្រដាសបញ្ចាំមួយសន្លឹក នៅគ្រប់ចំនួនទាំងអស់ ទើបបុរសជាកម្មករសំណង់រូបនោះភ្ញាក់ខ្លួន ដឹងកំហុស ក៏សុំទោសបុរសជាភេទទីបី ដើម្បីបញ្ចប់រឿង ៕
ចែករំលែកព័តមាននេះ