រាជធានីភ្នំពេញ ៖ តារាសម្តែង សារ៉ាយ សក្ខណា បាននិងកំពុងរស់នៅសហរដ្ឋអាមេរិក ជាមួយស្វាមី និងកូន២នាក់។ អ្នកនាងមិនអាចមកលេងមាតុភូមិបានទេ អំឡុងពេលនេះ…
រាជធានីភ្នំពេញ ៖ តារាសម្តែង សារ៉ាយ សក្ខណា បាននិងកំពុងរស់នៅសហរដ្ឋអាមេរិក ជាមួយស្វាមី និងកូន២នាក់។ អ្នកនាងមិនអាចមកលេងមាតុភូមិបានទេ អំឡុងពេលនេះ ព្រោះតែបញ្ហាកូវីដ១៩ ផ្ទុះឡើងពេញពិភពលោក។ ស្របពេលដែរ កម្ពុជាផ្ទុះបញ្ហាកូវីដ១៩គួរឱ្យភ្ញាក់ផ្អើល សារ៉ាយ សក្ខណា ក៏បានចេញវីដេអូខ្លីមួយ ស្តីអំពីការចាក់វាក់សាំងការពារ កូវីដនៅលើទឹកដីមហាអំណាយ តើគេធ្វើឡើងរបៀបណា?
ក្នុងរូបភាពវីដេអូ ដែលមានរយៈពេលប៉ុន្មាននាទី តារាសម្តែងក្រមិចក្រមើម សារ៉ាយ សក្ខណា បានបង្ហាញឱ្យឃើញអំពីការចាក់ថ្នាំការពារកូវីដ ដែលជាចំណេះដឹងមួយ ។ ក្នុងនោះ សក្ខណា បានអធិប្បាយថា នៅអាមេរិកគេចាក់ថ្នាំការពារកូវីដ មិនធ្វើឡើងនៅក្នុងក្រុងទេ ។ គេតម្រូវឱ្យចាក់ថ្នាំក្រៅក្រុង ដូចជា នៅបរិវេណព្រលានយន្តហោះ ។
មូលហេតុ គឺដើម្បីការពារ ភាពចង្អៀតជុំៗគ្នា។ ក្រោយមកពេទ្យគេសុំលិខិតប័ណ្ណបញ្ជាក់ជំងឺ និងសួរនាំថា ក្នុងខ្លួនមានឈឺអ្វីទេ ។ មានទម្ងន់អត់ សុខភាពធម្មតា ទើបគេឱ្យចាក់ ។ ការចាក់ គឺធ្វើតែនៅក្នុងឡានរៀងៗខ្លួនមិនតម្រូវឱ្យចេញក្រៅឡើយ។ ចាក់តាមឡាន ឬរថយន្តរៀងៗខ្លួន។
សក្ខណា ឱ្យដឹងទៀតថា ពេលចាក់ហើយ គេឱ្យអង្គុយក្នុងឡាន១៥នាទី ដើម្បីតាមដានសុខភាព។ បើមិនមានអ្វីប្លែកទេ យើងអាចត្រឡប់ទៅផ្ទះបានធម្មតា។
យ៉ាងណា សារ៉ាយ សក្ខណា បានជូនពរដល់ប្រជាពលរដ្ឋកម្ពុជា សូមឱ្យរួចផុតពី មេរោគកូវីដ។ ចំណែកអ្នកសិល្បៈ ដែលផ្ទុកកូវីដ គួរកុំតក់ស្លុតញ៉ាំថ្នាំតាមពេទ្យបញ្ជា ហើយយកឈ្នះឱ្យបាន។ លើសពីនេះ គួរកុំរើសអើងអ្នកដែលមានផ្ទុកកូវីដ ត្រូវលើកទឹកចិត្តឱ្យច្រើនតាមដែលអាចធ្វើបាន។
ចែករំលែកព័តមាននេះ