តារាស្រី២ដួងបញ្ចេញសារប្រឆាំងនឹងការប្រើ.ហិ.ង្សា.របស់លោកឌួងឆាយលើភរិយា
- ភ្នំពេញ
រាជធានីភ្នំពេញ ៖ តារាស្រីពីរដួង គឺនាង ឈិន សុធារី និង ស៊ឹម ស្រីនិច បានបញ្ចេញសារដោយការប្រឆាំងទាស់…
រាជធានីភ្នំពេញ ៖ តារាស្រីពីរដួង គឺនាង ឈិន សុធារី និង ស៊ឹម ស្រីនិច បានបញ្ចេញសារដោយការប្រឆាំងទាស់ និងការមិនគាំទ្រទៅលើការប្រើ.ហិ.ង្សា.របស់លោក ឌួង ឆាយ មកលើអតីតភរិយា។
ការបញ្ចេញសារមិនគាំទ្រពីតារាទាំងពីរខាងលើនេះ បានធ្វើឡើង បន្ទាប់ពីលោកស្រី ដេត ម៉ាលីណា អតីតភរិយាឧកញ៉ា ឌួង ឆាយ បានបង្ហោះវីដេអូឃ្លីបមួយស្តីពីសកម្មភាព .ជេ.រគំរា.ម.របស់ឧកញ៉ា ឌួង ឆាយ និងប្រើអំពើ.ហិ.ង្សា.វា.យ.តប់.លើស្ត្រី ជាមួយនឹងសម្រែកកូនៗយំពេញផ្ទះ កាលពីយប់ថ្ងៃទី៨ ខែមីនា ឆ្នាំ២០២១។
វីដេអូខាងលើនោះ បានធ្វើឱ្យមហាជន ជាពិសេសអ្នកសិល្បៈមួយចំនួនបានសម្តែងការហួសចិត្ត និងមិនពេញចិត្តយ៉ាងខ្លាំងចំពោះទង្វើដែលលោកឧកញ៉ាវ័យក្មេងរូបនេះបានធ្វើនាពេលនេះ។
តារាចម្រៀង និងសម្តែងអ្នកនាង ឈិន សុធារី បានបង្ហោះសារតាមគណនេយ្យហ្វេសប៊ុកនាងថា «មនុស្សស្រីមិនមែនជាសត្វដែលមនុស្សប្រុសបញ្ចេញកំហឹងលើនាងនោះឡើយ… ខុសត្រូវយ៉ាងណា ប្រើសម្តីគឺគ្រប់គ្រាន់ហើយ។ កុំចង់យកឈ្នះដោយអំពើ.ហិ.ង្សា.មកជំនួស យកបេះដូងគេមិនបាននោះទេ» ។
ដោយឡែកតារាសម្តែងវ័យក្មេងនាង ស៊ឹម ស្រីនិច ក៏បានបង្ហោះសារតាមគណនេយ្យហ្វេសប៊ុកនាងដែរថា «នេះហើយដែលហៅថាការឈឺចាប់គ្មានសម្លេង បន្សល់ស្លាកស្នាមនៅលើខ្លួន មាត់ថាស្រលាញ់ តែទង្វើគឺគ្មានមានតែពាក្យថាបងស្រវឹង បងសុំទោស បងវ៉ៃ ព្រោះបងស្រលាញ់ តែការពិតស្រីរាប់ភ្លេច មានទាំងអាទាក់ទងគ្នា១០ឆ្នាំជាងក៏មាន ៥ឆ្នាំក៏មាន អារឿងស្អីៗក៏មានគ្រប់សប់បែបយ៉ាង»។
នាងបញ្ជាក់ថា «ខ្ញុំសរសើរពួកនាងដែលទ្រាំបាន ខ្ញុំអរគុណខ្លួនឯងដែល២ឆ្នាំត្រឹម ខ្ញុំបញ្ចប់វាដោយចិត្តត្រជាក់បំផុត ការវាយដំច្រំធាក់ នឹងរឿងរ៉ាវផ្សេងៗ សូមឱ្យអ្នកនឹងមនុស្សស្រីសល់ប៉ុន្មានអ្នកទៀតទូលរែកយកចុះ សាងបុណ្យសន្សំកុសលជាតិនេះ ក៏ព្រោះតែព្យាយាមលាង បាបដែលខ្ញុំជំពាក់អ្នកនៅជាតិមុន» ។
បើតាម ស៊ឹម ស្រីនិច ថា «ក្នុងនាមខ្ញុំជាពលរដ្ឋខ្មែរម្នាក់ ក៏ជាស្ត្រីខ្មែរមួយរូបផងដែរ នាងខ្ញុំសូមប្រកាន់យុត្តិធម៌ទៅខាងបង។ ស៊ូឡើងបងស្រី ខ្ញុំឃើញបែបនេះហើយ ខ្ញុំជឿថាមកពីបងឆ្អែតហួសពីឆ្អែតពេកហើយ ទើបសម្រេចចិត្តទម្លាយវីដេអូនោះ ខ្ញុំក៏ស្រដៀងនឹងបងស្រីដែរ ស៊ូឡើងបង»។
សូមបញ្ជាក់ថា នេះជាលើកទី១ហើយដែលនាងខ្ញុំបង្ហោះសារបែបនេះ ទៅកាន់ទំព័រហ្វេសប៊ុកតាំងពីចេះលេងមកមិនដែលទេ តែលើកនេះគ្រាន់តែចង់បង្ហាញ និងចែករំលែកបទពិសោធន៍ក្នុងនាមជាស្ត្រីខ្មែរមួយរូប ដែលឆ្លងកាត់នូវរឿងរ៉ាវហាស្លាក់ខ្ជាក់ស្លែង ទទួលពាក្យនិន្ទាគ្រប់សប់បែបយ៉ាងពីមជ្ឈដ្ឋានជុំវិញខ្លួន តែកន្លងមកខ្ញុំអត់ធ្មត់សង្កត់ចិត្ត ព្រោះមិនចង់អោយខ្លួនឯងជាដើមហេតុនៃជម្លោះ តែពេលដែលសម្រេចដកខ្លួនបានហើយ បែរជានៅទទួលពាក្យមិនយុត្តិធម៌ថា ខ្ញុំបោកប្រាស់បុរសម្នាក់នោះឃើញទ្រព្យសម្បត្តិគេ។
វាពិតជាហួសថ្លែងពេកហើយ បុគ្គលម្នាក់នោះលឺបែបនេះ រអៀសខ្លួនមិនស្ទើរទេ ព្រោះមិនដឹងខាងណារកលុយមើលថែបីបាច់ ទទួលបន្ទុកប្រាក់ខែបុគ្គលិកការងារកូនចៅគ្រប់សព្វឱ្យប្រាកដ ហើយក៏សូមផ្តល់ជាកិត្តិយសថ្លៃថ្លាពន់ពេក ជូនដល់រៀមច្បងម្នាក់នោះផងណា។ ខ្ញុំសម្រេចចិត្តថា បង្ហោះទុកជាអនុស្សារីយ៍នៅឆ្នាំ២០២១នេះចុះ ឱ្យចងចាំថារឿងអាក្រក់ខ្លះ ខ្ញុំចង់ភ្លេច តែបំភ្លេចមិនបាន ចង់ជៀសក៏ជៀសមិនរួច ចឹងបកស្រាយខ្លះទៅ ខ្លាចស្ទះដាច់សរសៃ.ឈា.ម.ស្លា.ប់.៕
ចែករំលែកព័តមាននេះ