ខេត្តព្រះសីហនុ ៖ ព័ត៌មានបឋមបានឲ្យដឹងថា កាលពីយប់ម៉ោង១១និង៣០នាទី ថ្ងៃទី៩ ខែ មីនា ឆ្នាំ២០២១ កងកម្លាំងជួរមុខដែលយាមការពារគោលដៅធ្វើចត្តាឡីស័កបានធ្វើការឃាត់ខ្លួនស្រីស្អាត ចំនួន២នាក់ ដែលព្រហើនបានយកមីកំប៉ុងលួចបង្កប់សារធាតុញៀន ទៅឲ្យអ្នកកំពុងជាប់ធ្វើចត្តាឡីស័ក នៅអគារបុគ្គលិកស្នាក់នៅ ឆាង ឆឹង ស្ថិតនៅក្រុម២៦ ភូមិ២ សង្កាត់ លេខ៤ក្រុង -ខេត្តព្រះសីហនុ ។
សូមបញ្ជាក់ថា ៖ ក្រសួងសុខាភិបាលបានប្រកាសនៅថ្ងៃទី ១០ ខែមីនា ឆ្នាំ២០២១នេះថា កម្ពុជាបានរកឃើញករណីឆ្លងថ្មីនៃកូវីដ -១៩ សរុប ចំនួន៦៤នាក់ បន្ថែមទៀត ពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈទាំងអស់ ដោយក្នុងនោះខេត្តព្រះសីហនុចំនួន ០២នាក់ផងដែរ ។
ក្រសួងបានបន្តថា ក្នុងនោះខេត្តព្រះសីហនុ គិតមកត្រឹមថ្ងៃទី១០ នេះមានឆ្លងសរុប ១៦៧នាក់ ជាសះស្បើយ៥១នាក់ អ្នកឆ្លងជនជាតិខ្មែរ១៩នាក់ ចិន១០៨នាក់ បារាំង៣៦ និងវៀតណាម៦នាក់ ៕
ចែករំលែកព័តមាននេះ