ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថា នគរបាលបង្ក្រាបបានជនជាតិចិនម្នាក់ ដែលធ្វើសកម្មភាពគាស់ផ្ទះពលរដ្ឋលួចយកលុយកាក់និងសម្ភារ កាលពីវេលាម៉ោង០២រំលងអធ្រាត្រ ឈានចូលថ្ងៃទី០៧…
ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថា នគរបាលបង្ក្រាបបានជនជាតិចិនម្នាក់ ដែលធ្វើសកម្មភាពគាស់ផ្ទះពលរដ្ឋលួចយកលុយកាក់និងសម្ភារ កាលពីវេលាម៉ោង០២រំលងអធ្រាត្រ ឈានចូលថ្ងៃទី០៧ មីនា ឆ្នាំ២០២១ នៅចំណុចហាងលក់ម៉ូតូលីម៉ុងគក់ ស្ថិតក្នុងក្រុមទី១៣ ភូមិ០៣ សង្កាត់០៤ ក្រុង-ខេត្តសីហនុ ដោយ ធ្វើសកម្មភាពគាស់ថត តុ យកលុយដុល្លាចំនួន ១៥០០០$ (មួយម៉ឺនប្រាំពាន់ដុល្លារអាមេរិក) ,លុយខ្មែរមួយចំនួន ,ទូរសព្ទ័ដៃចំនួន ០២ គ្រឿង ម៉ាកIPHONE 11PRO MAX ០១ គ្រឿង និងម៉ាកIPHONE 7PLUS ០១គ្រឿង ។ ក្រោយការស្រាវជ្រាវ នគរបាលជំនាញឃាត់ខ្លួនជនសង្សយ័បាន នៅរសៀលថ្ងៃ៨មិនា២០២១។
ជនសង្ស័យឈ្មោះ Long LiLing ភេទប្រុស អាយុ ៣៧ ឆ្នាំ ជនជាតិចិន លិខិតឆ្លងដែនៈ (គ្មាន) មានស្រុកកំណើត គ័ង ចូវ នៃប្រទេសចិន មុខរបរមិនពិតប្រាកដ ស្នាក់នៅមិនពិតប្រាកដ ។ វត្ថុតាងចាប់យកបានជាក់ស្ដែងរួមមាន៖
-ទូរស័ព្ទដៃចំនួន ០២ គ្រឿង ម៉ាក IPHONE 11PRO MAX ពណ៌ស្លែ ០១ គ្រឿង និងម៉ាក IPHONE 7PLUS ពណ៌ផ្កាឈូក ០១គ្រឿង ។ (ផលនៃអំពើលួច)
-លុយដុល្លា ចំនួន ៩០០$ (ប្រាំបួនរយដុល្លារអាមេរិក) ។ (ផលនៃអំពើលួច)
-លុយខ្មែរចំនួន ២,៥៧០,០០០៛ (ពីរលានហាសិបប្រាំពីរម៉ឺនរៀល)។ (ផលនៃអំពើលួច)
-ទូរស័ព្ទដៃ ចំនួន ០១ គ្រឿង ម៉ាក HUAWEI ។
-កាតវីង ចំនួន ០៧សន្លឹក ។
-ប័ណ្ណបើកបរ ០១ សន្លឹក ។
-កាបូបដៃពណ៌ខ្មៅ ចំនួន ០១ និងកាបូបស្ពាយពណ៌ខ្មៅ ០១ ។
ករណីនេះ នគរបាលកំពុងបន្តនិតិវិធីបញ្ជូនទៅតុលាការផ្តន្ទាទោសតាមច្បាប់៕
ចែករំលែកព័តមាននេះ