អស្ចារ្យ! Barca វាយបកទម្លាក់ Sevilla ឆ្លងទៅវគ្គផ្តាច់ព្រ័ត្រ Copa del Rey
អេស្ប៉ាញ ៖ ក្រុមអ្នកមានបុណ្យ Barcelona បានឈានទៅកាន់វគ្គផ្តាច់ព្រ័ត្រពានរង្វាន់ Copa del Rey បន្ទាប់ពីវាយបកទម្លាក់ក្រុមខ្លាំង Sevilla…
អេស្ប៉ាញ ៖ ក្រុមអ្នកមានបុណ្យ Barcelona បានឈានទៅកាន់វគ្គផ្តាច់ព្រ័ត្រពានរង្វាន់ Copa del Rey បន្ទាប់ពីវាយបកទម្លាក់ក្រុមខ្លាំង Sevilla ដែលមានគ្នាត្រឹម១០នាក់ក្នុងជើងទី២ ដោយលទ្ធផល ៣-០។
រំលឹកកាលពីជំនួបជើងទី១ នៅទឹកដីក្រុម Sevilla ម្ចាស់ផ្ទះយកឈ្នះដោយលទ្ធផល ២-០។ ប៉ុន្តែសម្រាប់ជំនួបជើងទី២កាលពីយប់មិញ ម្ចាស់ផ្ទះ Barcelona បានវាយបក៣គ្រាប់យកឈ្នះយ៉ាងភ្ញាក់ផ្អើលបំផុត។
ដោយគ្រាប់ទី១ សម្រេចបានដោយកីឡាករ Dembélé នៅនាទី១២ ក្នុងតង់ទី១។ នឹងគ្រាប់ទី២ សម្រេចបានដោយកីឡាករ Gerard Piqué នៅនាទី ៩០+៤ ចុងតង់ទី២ ដែលធ្វើឱ្យការប្រកួតឈានដល់ម៉ោងបន្ថែម១៥នាទី២ដង។ ហើយកីឡាករ Martin Braithwaite គឺជាអ្នកសម្រេចបានគ្រាប់ទី៣ នៅនាទី៩៥ ដែលជាគ្រាប់ទម្លាក់ Sevilla ត្រឹមវគ្គពាក់កណ្តាលផ្តាច់ព្រ័ត្រ ដោយសរុបទាំង២ជើងលទ្ធផល ៣-២ ។
Barca កក់កៅអីវគ្គផ្តាច់ព្រ័ត្រមុន រង់ចាំការប្រកួតរវាងក្រុម Athletic Bilbao និង Levante នៅយប់នេះ ខណៈកាលពីជើងទី១នៅទឹកដី Bilbao ក្រុមទាំង២បញ្ចប់ទៅដោយស្មើគ្នា ១-១។ ដោយឡែកការប្រកួតវគ្គផ្តាច់ព្រ័ត្រនឹងត្រូវធ្វើឡើងនាថ្ងៃទី១៧ ខែមេសា ឆ្នាំ២០២១ ខាងមុខ៕
ចែករំលែកព័តមាននេះ