អភិបាលខេត្ត អំពាវនាវដល់ប្រជាពលរដ្ឋ សូមមេត្តា កុំយកដី មកចាក់បន្ថែមលើប្រឡាយ
- បាត់ដំបង
បាត់ដំបង៖ កាលពីថ្ងៃទី០១ ខែមីនា ឆ្នាំ២០២១ លោក កុល វិរក្ស រដ្ឋលេខាធិការក្រសួងមហាផ្ទៃ និងលោក ងួន…
បាត់ដំបង៖ កាលពីថ្ងៃទី០១ ខែមីនា ឆ្នាំ២០២១ លោក កុល វិរក្ស រដ្ឋលេខាធិការក្រសួងមហាផ្ទៃ និងលោក ងួន…
បាត់ដំបង៖ កាលពីថ្ងៃទី០១ ខែមីនា ឆ្នាំ២០២១ លោក កុល វិរក្ស រដ្ឋលេខាធិការក្រសួងមហាផ្ទៃ និងលោក ងួន រតនៈ អភិបាលខេត្តបាត់ដំបង បានអញ្ជើញជាគណៈអធិបតីភាពក្នុងពិធីបើកការដ្ឋានជួសជុលផ្លូវខេត្ត លេខ១៥៦BB២ ស្ថិតក្នងភូមិបឹងទឹម ឃុំតាប៉ុន ស្រុកសង្កែ ខេត្តបាត់ដំបង។
លោក ព្រួញ រិទ្ធថា ប្រធានមន្ទីរសាធារណៈការ និងដឹកជញ្ជូន ខេត្តបាត់ដំបង បានរាយការណ៍ថា ផ្លូវខេត្តមួយខ្សែ ដែលយើងកំពុងតែបើកការដ្ឋានជួសជុល នាពេលនេះ គឺមានប្រវែង ៤,៦៥០ម៉ែត្រ ទទឺង៥ម៉ែត្រ ជាប្រភេទក្រាលដីល្បាយថ្ម ហើយនៅពេលដែលការរៀបចំជួសជុលផ្លូវមួយខ្សែនេះ បានបញ្ចប់ទៅ ប្រជាពលរដ្ឋ ដែលរស់នៅតាមបណ្ដោយផ្លូវនេះ នឹងមានការធ្វើដំណើរកាន់តែមានភាពងាយស្រួលជាងមុន អាចធ្វើការដឹកជញ្ជូនដំណាំកសិផលនានា ទៅលក់ដូរនៅឯទីផ្សារ កាន់តែមានភាពងាយស្រួល ព្រមទាំងចំណាយថវិកាតិចជាងមុនផងដែរ។
ទន្ទឹមនឹងនោះ លោកបានសំណូមពរដល់ប្រជាពលរដ្ឋ ដែលរស់នៅតាមបណ្ដោយផ្លូវខេត្តនេះ សូមចូលរួមសហការជាមួយក្រុមការងារស្ថាបនាផ្លូវ ដោយសូមកុំរំលោភលើដីចំណីផ្លូវរបស់រដ្ឋ ធ្វើឲ្យក្រុមការងារពិបាកក្នុងការដោះស្រាយ និងធ្វើឲ្យមានផលប៉ះពាល់ដល់ធំដល់ប្រយោជន៍ប្រជាពលរដ្ឋផងដែរ។
លោកបន្តទៀត នឹងជំរុញដល់ក្រុមការងារឲ្យខិតខំស្ថាបនាផ្លូវនេះ ឲ្យកាន់តែឆាប់រហ័ស និងប្រកបដោយគុណភាពខ្ពស់ តែក៏ត្រូវមានការចូលរួមសហការរវាងក្រុមការងារ និងប្រជាពលរដ្ឋដែរ ទើបដំណើរការនៃការស្ថាបនាប្រកបដោយរហ័សដោយរលូន។
បន្ទាប់មកលោក ងួន រតនៈ អភិបាលខេត្តបាត់ដំបង បានថ្លែងសាទរចំពោះការរីកចម្រើនជាជំហ៊ានច្រើនបន្តទៀត នៅឃុំតាប៉ុននេះ ជាពិសេសគឺផ្លូវកៅស៊ូ ដែលសល់តែជាង៤,០០០ម៉ែត្រនេះតែប៉ុណ្ណោះ គឺទៅដល់ចុងភូមិចុងក្រោយគេបង្អស់ហើយ ហើយនេះក៏ជាទីតាំងទី១ ដែលមានផ្ឡូវកៅស៊ូ ឈានជិតទៅដល់ចុងភូមិបែបនេះ។
លោកអភិបាលខេត្ត បានអំពាវនាវដល់ប្រជាពលរដ្ឋ ដែលព្យាយាមយកដីមកចាក់នៅតាមប្រឡាយ ដើម្បីធ្វើជាតូបលក់ដូរ ឬរស់នៅ ដែលការធ្វើបែបនេះ វាអាចធ្វើឲ្យប្រឡាយកាន់តែរួមតូចជាងមុន ទឹកកាន់តែរាក់ បាត់បង់ទឹក ដែលសម្រាប់ប្រើប្រាស់ផ្ទាល់ខ្លួនផង និងផ្នែកកសិកម្មផង ហើយផ្លូវដឹកជញ្ជូនតាមមាត់ប្រឡាយនេះក៏នឹងត្រូវបាត់បង់ទៀត បើអាជ្ញាធរចង់ធ្វើការស្ដារប្រឡាយនេះទៀតសោត ក៏ពិបាកក្នុងការស្ដារដែរ ពីព្រោះតែប្រជាពលរដ្ឋនាំគ្នាយកដីមកបំពេញដើម្បីតែផលប្រយោជន៍ផ្ទាល់ខ្លួន មិនគិតពីផលប្រយោជន៍រួមបែបនេះ។
លោកបានបន្តទៀតថា នាពេលបច្ចុប្បន្ននេះ បញ្ហាកូវីដ-១៩កំពុងតែផ្ទះការរីករាលដាលពីមួយថ្ងៃទៅមួយថ្ងៃ ដូចនេះសំណូមពរដល់ប្រជាពលរដ្ឋដែលមានសាច់ញាតិនៅក្រៅប្រទេសជាពិសេសប្រទេសថៃ ជូនដំណឹងដល់ពួកគាត់បើមិនចាំបាច់ទេ កុំទាន់ត្រឡប់ស្រុកកំណើតអី ជាពិសេសថ្ងៃចូលឆ្នាំខាងមុខនេះ ព្រោះបើសិនជាមកក៏អាជ្ញាធរ នៅតែយកគាត់ទៅមណ្ឌលចត្តាឡីស័ក ១៤ថ្ងៃ ហើយបើមានរោគសញ្ញាសង្ស័យទៀតបន្ត ១៤ថ្ងៃទៀត ធ្វើឲ្យផុតថ្ងៃចូលឆ្នាំបាត់ហើយ ដូច្នេះសូមពលករ ដែលរស់នៅប្រទេសថៃ អាចនៅក្នុងប្រទេសថៃ ចូលឆ្នាំនៅប្រទេសសិន ព្រោះប្រពៃណីទំនៀមទម្លាប់ប្រហាក់ប្រហែលគ្នា យើងអាចចូលឆ្នាំនៅប្រទេសថៃក៏បាន ហើយអាចប្រកបរបររកប្រាក់ចំណូលបានទៀត ប្រសើរជាងមកក្នុងប្រទេសវិញ ជាប់នៅមណ្ឌលចត្តាឡីស័ក ហើយមិនបានចូលឆ្នាំ បាត់បង់ចំណូលថែមទៀតផងដែរ៕ ដោយ៖ ហួត សុងហាក់
ចែករំលែកព័តមាននេះ