ខេត្តបន្ទាយមានជ័យ ៖ រថយន្តធុនធំមួយគ្រឿងមានដឹកផ្លែស្វាយទម្ងន់២៥តោន ខណៈកំពុងបើកធ្វើដំណើរតាមផ្លូវសុខៗ ស្រាប់តែមានអគ្គិភ័យឆេះចេញពីខេងដាក់ផ្លែស្វាយ បណ្តាលឱ្យឆេះផ្លែស្វាយខូចអស់២០ភាគរយ តែមិនបណ្តាលឱ្យឆាបឆេះរថយន្តនោះទេ ។ ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង៤និង៣០នាទីរសៀលថ្ងៃទី២៥ ខែកុម្ភៈ…
ខេត្តបន្ទាយមានជ័យ ៖ រថយន្តធុនធំមួយគ្រឿងមានដឹកផ្លែស្វាយទម្ងន់២៥តោន ខណៈកំពុងបើកធ្វើដំណើរតាមផ្លូវសុខៗ ស្រាប់តែមានអគ្គិភ័យឆេះចេញពីខេងដាក់ផ្លែស្វាយ បណ្តាលឱ្យឆេះផ្លែស្វាយខូចអស់២០ភាគរយ តែមិនបណ្តាលឱ្យឆាបឆេះរថយន្តនោះទេ ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង៤និង៣០នាទីរសៀលថ្ងៃទី២៥ ខែកុម្ភៈ ឆ្នាំ២០២១ តាមបណ្តោយផ្លូវជាតិលេខ៥៦អា ស្ថិតក្នុងភូមិគោកតការ ឃុំតាបែន ស្រុកស្វាយចេក ខេត្តបន្ទាយមានជ័យ។
រថយន្តធុនធំដឹកផ្លែស្វាយមួយគ្រឿងខាងលើម៉ាកហ៊ីយ៉ាន់ដាយ បើកបរដោយឈ្មោះ ស៊ិន ម៉ារ៉ា ភេទប្រុស អាយុ៣៧ឆ្នាំ រស់នៅភូមិស្ពឺ ឃុំស្ពឺ ស្រុកចំការលើ ខេត្តកំពង់ចាម ។
មន្ត្រីអធិការដ្ឋាននគរបាលស្រុកស្វាយចេកបានប្រាប់ថា មុនពេលកើតហេតុ រថយន្តម៉ាកហ៊ីយ៉ាន់ដាយធុនធំមួយគ្រឿងមានដឹកផ្លែស្វាយទម្ងន់២៥តោន ដឹកចេញពីតំបន់បឹងត្រកួន ស្រុកថ្មពួក ខេត្តបន្ទាយមានជ័យ ក្នុងគោលដៅទៅខេត្តស្វាយរៀង។
មន្ត្រីនគរបាលបានបញ្ជាក់ថា ខណៈពេលរថយន្តដឹកផ្លែស្វាយនោះបើកបរតាមផ្លូវសុខៗស្រាប់តែហ៊ុយផ្សែងឆេះចេញពីខេងដាក់ផ្លែស្វាយលើរថយន្ត ត្រូវបានអ្នកធ្វើដំណើរដែលឃើញហេតុការណ៍បែបនេះកើតឡើង នាំគ្នាដេញតាមកាក់រថយន្តដឹកផ្លែស្វាយនោះអោយឈប់ ព្រោះភ្លើងកំពុងឆេះលើរថយន្ត ។
មន្ត្រីនគរបាលបានបញ្ជាក់ថា នៅពេលមានអគ្គិភ័យឆេះរថយន្តដឹកផ្លែស្វាយខាងលើនោះ ត្រូវបានរថយន្តពន្លត់អគ្គីភ័យរបស់អធិការនគរបាលស្រុកស្វាយចេកអន្តរាគមន៍ ចុះមកជួយពន្លត់ទាន់ពេលវេលា ប៉ុន្តែភ្លើងបានឆេះខូចផ្លែស្វាយអស់២០ភាគរយទៅហើយ ៕
ចែករំលែកព័តមាននេះ