រាជធានីភ្នំពេញ ៖ ក្រសួងសុខាភិបាល នាព្រឹកថ្ងៃសុក្រ ទី ២៦ ខែកុម្ភៈ បានប្រកាសពីករណីវិជ្ជមានកូវីដ-១៩ ចំនួន៤៤ នាក់បន្ថែមទៀតនៅកម្ពុជា ដែលក្នុងនោះ៤០នាក់ ពាក់ព័ន្ធព្រឹត្តិការណ៍សហគមន៍២០កុម្ភៈ ដែលនាំឲ្យចំនួនអ្នកកើតកូវីដ ១៩ នៃព្រឹត្តិការណ៍សហគមន៍២០ កុម្ភៈឡើងដល់២៣៤នាក់ ខណៈករណីព្យាបាលជាសះស្បើយគឺគ្មាន ។
សម្រាប់៤០ ករណីថ្មីដែលពាក់ព័ន្ធនឹងព្រឹត្តិការណ៍២០កុម្ភៈ គឺភាគច្រើនលើសជាជនជាតិចិន និងមានវៀតណាម ជនជាតិខ្មែរ និងម៉ាឡេស៊ី មានអាសយដ្ឋាននៅរាជធានីភ្នំពេញនិងខេត្តព្រះសីហនុ ។ ដែលពេលនេះបើតាមក្រសួងសុខាភិបាល អ្នកជំងឺត្រូវបានដាក់ឲ្យសម្រាកព្យាបាលនៅមណ្ឌលចត្តាឡីស័ក រាជធានីភ្នំពេញ និងមន្ទីរពេទ្យបង្អែកខេត្តព្រះសីហនុ ។
️សរុបមកកម្ពុជារកឃើញអ្នកកើតកូវីដ១៩ ឡើងដល់ ៧៤១នាក់ កំពុងសម្រាកព្យាបាល ២៦២នាក់ និង អ្នកពាក់ព័ន្ធព្រឹតិ្តការណ៍សហគមន៍២០កុម្ភៈឡើងដល់២៣៤នាក់៕
ចែករំលែកព័តមាននេះ