មុននេះបន្តិច រកឃើញបុរស២នាក់ វិជ្ជមាន កូវីដ១៩ នៅសង្កាត់ទួលសង្កែទី២ ខណ្ឌឫស្សីកែវ
រាជធានីភ្នំពេញ ៖ មុននេះបន្តិច លោក ជា ពិសី អភិបាលខណ្ឌឬស្សីកែវ បានអោយដឹងថា នៅថ្ងៃទី២៥ ខែកុម្ភៈ…
រាជធានីភ្នំពេញ ៖ មុននេះបន្តិច លោក ជា ពិសី អភិបាលខណ្ឌឬស្សីកែវ បានអោយដឹងថា នៅថ្ងៃទី២៥ ខែកុម្ភៈ ឆ្នាំ២០២១ រដ្ឋបាលខណ្ឌឬស្សីកែវ រកឃើញអ្នកមាន វិជ្ជមាន មេរោគកូវីដ-១៩ ចំនួន០២នាក់ នៅសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។
អ្នកមានផ្ទុកវីរុសកូវីដ១៩ ចំនួន០២នាក់នោះ រួមមាន ៖
ទី១- បុរសជនជាតិខ្មែរម្នាក់ អាយុ៤១ឆ្នាំ រស់នៅភូមិទួលថ្ងាន់ សង្កាត់ទួលសង្កែទី២ ។
និងទី២- បុរសជនជាតិចិនម្នាក់ អាយុ៣៦ឆ្នាំ រស់នៅអាគារ secret garden camko ប្លុកកាំកូស៊ីធី ភូមិគង្គាផុស សង្កាត់ទួលសង្កែទី២ ។
បច្ចុប្បន្ននេះ មនុស្សទាំង០២នាក់នេះ បានបញ្ជូនទៅព្យាបាលនៅ មណ្ឌលចត្តាឡីស័ក ព្រែកព្នៅ ចំណែកឯកន្លែងស្នាក់នៅទាំង០២ទីតាំងខាងលើ ត្រូវបានបិទ មិនអោយមានការចេញចូលជាសាធារណៈឡើយ ៕
ចែករំលែកព័តមាននេះ