រាជធានីភ្នំពេញ ៖ មន្ត្រីជាន់ខ្ពស់គណបក្សហ្វ៊ុន ស៊ិនប៉ិច បានអះអាងគណបក្សបានគាំទ្រចំពោះវិធានការបន្ថែមរបស់រាជរដ្ឋាភិបាលក្នុងការទប់ស្កាត់បុគ្គល ឬទីតាំងណា ដែលមិនសហការទប់ស្កាត់ការរីករាលដាលជំងឺកូវីដ១៩ ។ លោក អ៊ា…
រាជធានីភ្នំពេញ ៖ មន្ត្រីជាន់ខ្ពស់គណបក្សហ្វ៊ុន ស៊ិនប៉ិច បានអះអាងគណបក្សបានគាំទ្រចំពោះវិធានការបន្ថែមរបស់រាជរដ្ឋាភិបាលក្នុងការទប់ស្កាត់បុគ្គល ឬទីតាំងណា ដែលមិនសហការទប់ស្កាត់ការរីករាលដាលជំងឺកូវីដ១៩ ។
លោក អ៊ា ឃីម៉េង ឧបការី សម្តេចព្រះប្រធានគណបក្សហ្វ៊ុនស៊ិនប៉ិច និងជាប្រធានក្រុមការងារខេត្តពោធិ៍សាត់ បានបញ្ជាក់ប្រាប់កោះសន្តិភាពឲ្យដឹង នៅថ្ងៃទី២៥ កុម្ភៈ ឆ្នាំ២០២១ថា«ខ្ញុំក៏ដូចជាគណបក្សហ្វ៊ុន ស៊ិនប៉ិច សូមគាំទ្រនូវការស្នើសុំគោលការណ៍អនុវត្តន៍វិធានការណ៍ច្បាប់បន្ថែមចំពោះបុគ្គល និងទីតាំងដែលមិនសហការទប់ស្កាត់ការរីករាលដាលកូវីត១៩ តាមគោលការណ៍ណែនាំរបស់ក្រសួងសុខាភិបាល ដោយសង្កេតឃើញថា កាលពីថ្មីៗនេះ មានអ្នកកឆ្លងកូវីដ១៩ថ្មី មានការកើនឡើងពាក់ព័ន្ធព្រឹត្តិការណ៍ ២០កុម្ភៈ កន្លងទៅ» ។
លោកក៏បានអំពាវនាវដល់សមាជិកសមាជិការ និងអ្នកគាំទ្រគណបក្សទាំងអស់ត្រូវគោរពតាមវិធានការរបស់រាជរដ្ឋាភិបាលក៏ដូចជា ក្រសួងសុខាភិបាលឲ្យបានម៉ឺងម៉ាត់ពីព្រោះថាការថា ការអនុវត្តវិធានការ គឺដើម្បីការពារខ្លួន និងគ្រួសារក៏ដូចសង្គមជាតិទាំងមូល ។ កូវីដ១៩ បានធ្វើឲ្យសង្គមសេដ្ឋកិច្ច គ្រួសារមានការខូចខាត បើសិនយើងបណ្តោយឲ្យឆ្លង ។
សូមជម្រាបថា ការប្រកាសគាំទ្ររបស់គណបកក្សនេះបន្ទាប់ពីសម្តេចតេជោ ហ៊ុនសែន នាយករដ្ឋមន្ត្រីបានសម្រេចយល់ព្រមតាមសំណើររបស់គណៈកម្មការស្រាវជ្រាវ និងតាមដានបុគ្គលសង្ស័យថា មានករណីជំងឺកូវីដ១៩ បានស្នើឲ្យមានការចាត់វិធានការច្បាប់បន្ថែមចំពោះបុគ្ញល និងទីតាំងដែលមិនសហការក្នុងការគោរពវិធានការសុខាភិបាល ។
បើតាមលិខិតមួយច្បាប់របស់លោក ឧត្តម សេនីយ៍ឯ ឌី វិជ្ជាអនុគណៈកម្មការស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ១៩ តាមរយៈឯកឧត្តម ម៉ម ប៊ុនហេងរដ្ឋ មន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងដើម្បីប្រយុទ្ធ និងជំងឺកូវីដ១៩ ដាក់ជូនសម្តេចតេជោ ហ៊ុនសែន នាយករដ្ឋមន្ត្រី កាលពីថ្ងៃទី២២ ខែកុម្ភៈ ឆ្នាំ២០២១ បានដាក់សំណើរសុំគោលការណ៍អនុវច្បាប់ចំពោះបុគ្គល មិនអនុវត្តតាមវិធានការរបស់សុ ខាភិបាលចំពោះការមិនធ្វើចត្តាឡីស័ក បុគ្គលគេចវេះមិនព្រមចូលព្យាបាល ឬមិនសហការ ផ្តល់ការសម្ភាសន៍ និងទីតាំងដែលមិនសហការផ្តល់ព័ត៌មានការស្រាវជ្រាវ និងទប់ស្កាត់ការរីករាលដាលនៃជំងឺកូវីដ១៩ បន្ថែមលើអនុក្រឹត្យលេខ ២៧អនក្រ.បក ។
លិខិតបញ្ជាក់ថា៖«ខ្ញុំបាទ សូមជម្រាបសម្តេចតេជោ ហ៊ុន សែន មេត្តាជ្រាបថា កន្លងមក ក្នុងព្រឹត្តិការណ៍៣វិច្ឆិកា ២៨ វិច្ឆិកា និងព្រឹត្តិការណ៍២០ កុម្ភៈ អនុគណៈកម្មការស្រាវជ្រាវ និងតាមដានបុគ្គលសង្ស័យផ្ទុកជំងឺកូវីដ១៩ តែងតែជួបប្រទះនូវបញ្ហាប្រឈមមួយចំនួនក្នុងប្រតិបត្តិការរបស់ខ្លួនក្នុងនោះមានបញ្ហា បុគ្គលជាប់ពាក់ព័ន្ធនឹងជំងឺកូវីដ១៩ មិនព្រមសហការ ផ្តល់ការសម្ភាសន៍ ផ្កាច់ទំនាក់ទំនង និងករណីរត់គេចមិនព្រមធ្វើចត្តាឡីស័ក ព្រមទាំងទីតាំងមិនសហការចំពោះកិច្ចសហប្រតិបត្តិការស្រាវជ្រាវ និងតាមដានបុគ្គលផ្ទុកជំងឺកូវីដ១៩ ដែលធ្វើឲ្យប្រតិបត្តិការមានភាពយឹតយ៉ាវ និងខ្វះចន្លោះ» ។
លិខិតបន្តថា ដើម្បីពង្រឹងប្រសិទ្ធភាពកាងារទប់ស្កាត់ការរីករាលដាលជំងឺកូវីដ១៩ ក្នុងសហគមន៍ អនុគណៈកម្មការស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ១៩ សួមសម្តេតេជោ អនុវត្តន៍វិធានការច្បាប់បន្ថែមចំពោះបុគ្គល និងទីតាំងដែលមិនសហការនូវវិធានការមួយចំនួនដូចជា ៖១.ចំពោះជនបរទេសូមគោរពស្នើសុំបណ្តេញចេញពីប្រទេសកម្ពុជា និងហាមមិនចូលប្រទេសជាថ្មី ។ ២. ចំពោះជនជាតិខ្មែរ សូមគោរពស្នើសុំចាត់វិធានការតាមផ្លូវច្បាប់ ។ ៣. ចំពោះទីតាំងសួមដកហូតអាជ្ញាប័ណ្ណ និងបិទអាជីវកម្មក្នុងទីតាំង ។
សូមជម្រាបថា កន្លងមកនេះមានករណីមួយចំនួនពាក់ព័ន្ធនឹងមិនគោរពវិធានការសុខាភិបាល ដូចជា មានអ្នករត់គេចពីកាធ្វើចត្តាឡីស័ករបស់បុគ្គលមួយចំនួន ហើយមានការទីតាំងមួយចំនួនហាក់ដូចជា មិនគោរពវិធានការសុខាភិបាលផងដែរ ៕
ចែករំលែកព័តមាននេះ