ស្ថានភាពកូវីដ១៩ ៖ ឆ្លងសហគមន៍ថ្មី៥៨នាក់ ចម្រុះជាតិសាសន៍ភាគច្រើនជាជនជាតិចិន
- ភ្នំពេញ
រាជធានីភ្នំពេញ ៖ គិតត្រឹមព្រឹកថ្ងៃទី ២៥ ខែកុម្ភៈ ឆ្នាំ២០២១នេះកម្ពុជាបានរកឃើញករណីឆ្លងកូវីដ១៩ ចំនួន ៦៥ នាក់បន្ថែមទៀត ដែលក្នុងនោះ…
រាជធានីភ្នំពេញ ៖ គិតត្រឹមព្រឹកថ្ងៃទី ២៥ ខែកុម្ភៈ ឆ្នាំ២០២១នេះកម្ពុជាបានរកឃើញករណីឆ្លងកូវីដ១៩ ចំនួន ៦៥ នាក់បន្ថែមទៀត ដែលក្នុងនោះ គឺមានករណីឆ្លងក្នុងសហគមន៍២០កុម្ភៈចំនួន ៥៨ នាក់ និងអ្នកដំណើរពីបរទេសចំនួន ៧ នាក់។ នេះបើយោងតាមប្រកាសព័ត៌មានរបស់ក្រសួងសុខាភិបាល។
ក្រសួងសុខាភិបាលបានឲ្យដឹងបន្ថែមទៀតថា ស្ថានភាពកូវីដ១៩ នៅកម្ពុជាសរុបមកដល់ពេលនេះមានអ្នកកើតជំងឺកូវីដ-១៩ ចំនួនសុប ៦៩៧នាក់ ដែលក្នុងនោះអ្នកពាក់ព័ន្ធព្រឹតិ្តការណ៍សហគមន៍២០កុម្ភៈឡើងដល់១៩៤នាក់ ខណៈកំពុងសម្រាកព្យាបាលនៅតាមមន្ទីរពេទ្យរាជធានី-ខេត្តចំនួន ២១៧ នាក់
សម្រាប់ព្រឹត្តការណ៍សហគមន៍២០កុម្ភៈ កម្ពុជាបានរកឃើញករណីវិជ្ជមានថ្មីចំនួន ៥៨ ករណីលើជាតិសាសន៍ចំនួន ៥ ក្នុងនោះរួមមាន ជនជាតិចិនចំនួន ៥១នាក់ ជនជាតិវៀតណាម៩នាក់ (មានទាំងក្មេងស្រីអាយុ ១៦ ខែម្នាក់) ជនជាតិខ្មែរ៥នាក់ ជប៉ុន១នាក់ កូរ៉េខាងត្បូង១នាក់ និងជនជាតិសិង្ហបុរី១នាក់។ ។ ដូច្នេះគិតត្រឹមថ្ងៃទី ២៤ ខែកុម្ភៈរកឃើញអ្នកកើតកូវីដ១៩ ឆ្លងក្នុងសហគមន៍ឡើងដល់ឡើងដល់១៩៤នាក់ ។
ចំណែក៧ករណីទៀត ដែលមិនមែនជាករណីព្រឹត្តិការណ៍ ២០កុម្ភៈ គឺ មាន១ករណីជាបុរសជនជាតិខ្មែរអាយុ៦៥ឆ្នាំ ដែលបម្រើការជាកងទ័ពមួកខៀវ អាសយដ្ឋាននៅភូមិកូនមុំ ខេត្តរតនគិរី។ គាត់មកពីប្រទេសនៅអាហ្វ្រិក ហើយមកដល់កម្ពុជានៅថ្ងៃទី២១ ខែកុម្ភៈ។ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅសាលារក្សាសន្តិភាពពហុសាស្ត្រកំពង់ស្ពឺ។ និង៦ករណីទៀតសុទ្ធតែជាជនជាតិចិន (ប្រុស៤ ស្រី២) អាសយដ្ឋាននៅក្រុងព្រះសីហនុ ។
ជនជាតិចិនស្រី-ប្រុសទាំង ៦ រូបនេះគឺត្រូវបានរកឃើញវិជ្ជមានកូវីដ១៩ គឺដោយសារតែពួកគាត់មានបំណងធ្វើដំណើរទៅចិនវិញ ហើយបានទៅធ្វើតេស្តសុំវិញ្ញាបនបត្របញ្ជាក់សុខភាព ដែលលទ្ធផលបង្ហាញថា វិជ្ជមាន ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ៕
ចែករំលែកព័តមាននេះ