ខេត្តកំពង់ឆ្នាំង ៖ បន្ទាប់ពីទទួលព័ត៌មានថា មានមនុស្ស១០នាក់ វិលត្រឡប់ពីភ្នំពេញ មកកាន់ខេត្តកំពង់ឆ្នាំង ត្រូវបានមន្ទីរសុខាភិបាលខេត្តកំពង់ឆ្នាំងចុះធ្វើចំណាត់ការទាំងយប់ ដោយបានទៅនាំខ្លួនមនុស្សទាំង១០នាក់នោះឱ្យមកធ្វើចត្តាឡឺស័កវិញ បន្ទាប់ពីពួកគាត់វិលត្រឡប់ពីរាជធានីភ្នំពេញ និងជាអ្នកធ្វើការនៅចំណុចក្តៅពាក់ព័ន្ធព្រឹត្តិការណ៍…
ខេត្តកំពង់ឆ្នាំង ៖ បន្ទាប់ពីទទួលព័ត៌មានថា មានមនុស្ស១០នាក់ វិលត្រឡប់ពីភ្នំពេញ មកកាន់ខេត្តកំពង់ឆ្នាំង ត្រូវបានមន្ទីរសុខាភិបាលខេត្តកំពង់ឆ្នាំងចុះធ្វើចំណាត់ការទាំងយប់ ដោយបានទៅនាំខ្លួនមនុស្សទាំង១០នាក់នោះឱ្យមកធ្វើចត្តាឡឺស័កវិញ បន្ទាប់ពីពួកគាត់វិលត្រឡប់ពីរាជធានីភ្នំពេញ និងជាអ្នកធ្វើការនៅចំណុចក្តៅពាក់ព័ន្ធព្រឹត្តិការណ៍ ២០ កុម្ភៈ ។
ការចុះធ្វើចំណាត់ការខាងលើនេះបានធ្វើឡើងកាលពីយប់ថ្ងៃទី២៣ ខែកម្ភះ ឆ្នាំ២០២១ ។
លោក ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានប្រាប់ឱ្យដឹងនៅរសៀលថ្ងៃទី ២៤ ខែកុម្ភៈ នេះថា មនុស្ស១០នាក់ ដែលវិលត្រឡប់មកពីភ្នំពេញវិញ ក្នុងនោះមាន៨នាក់ នៅស្រុកកំពង់លែង និង២នាក់នៅស្រុកបរិបូរណ៌ ។
លោកបានបញ្ជាក់ថា មនុស្សទាំង៨នាក់ដែលវិលត្រឡប់មកផ្ទះនៅស្រុកកំពង់លែងវិញ គឺ ពួកគាត់ជាអ្នកធ្វើការនៅកន្លែងដែលជាចំណុចក្តៅនៃព្រិត្តិការថ្ងៃ២០ កុម្ភៈ ដែលកំណត់ដោយក្រសួងសុខាភិបាល ហើយទីតាំងពួកគាត់ធ្វើការបានបិទទ្វា ។ ហេតុដូច្នេះហើយពួកគាត់មិនបាន ទៅធ្វើចត្តាឡីស័កនៅរាជធានីភ្នំពេញ តែពួកគាត់បានវិលត្រឡប់មកស្រុកវិញ គឺស្រុកកំពង់លែងទើបខាងមន្ទីរចុះទៅនាំខ្លួនពួកគាត់ទាំងយបឲ្យមកធ្វើចិត្តាឡីស័កនៅមណ្ឌលធ្វើចត្តាឡីស័ក នៅឯស្រុកទឹកផុស ។
ជាមួយគ្នានេះ មនុស្សស្រី២នាក់ ដែលវិលត្រឡប់ពីភ្នំពេញវិញ ហើយពួកគាត់បានទៅធ្វើបងប្អូននៅឯស្រុកបរិបូណ៌ គឺពួកគាត់ ក៍ជាអ្នកជាប់ពាក់ព័ន្ធនឹងព្រិត្តិការ២០ កុម្ភៈ ដូចគ្នាដែរ ហេតុនេះហើយ ក្រុមការងារមន្ទីរក៍បាននាំខ្លួនទៅធ្វើចិត្តាឡីស័កជាមួយគ្នាដូចគ្នាដែរ ។
លោកប្រធានមន្ទីរសុខាភិបាលខេត្តកំពង់ឆ្នាំង ក៍បានអំពាវនាវ ចំពោះអ្នកដែលពាក់ព័ន្ធទៅនឹងទីទាំង៤៦កន្លែង សូមមកធ្វើតេស្តសំណាក និងធ្វើចតាឡីស័កឲ្យបានត្រឹមត្រូវ និងត្រូវអនុវត្តតាមការណែនាំរបស់ក្រសួងសុខាភិបាលឲ្យបានហ្មត់ចត់។ ជាមួយគ្នានេះ លោកក៍បានសំណូមពរ បងប្អូនប្រជាពលរដ្ឋសូមប្រុងប្រយ័ត្នចំពោះជំងឺកូវីដ១៩ ដោយអនុវត្តតាមការណែនាំរបស់ក្រសួងសុខាភិបាល ត្រូវថែរក្សាអនាម័យឲ្យបានល្អ ត្រូវមានគម្លាតពីគ្នា ១ម៉ែត្រកន្លះឡើងទៅនិងត្រូវពាក់ម៉ាស លាងដៃសាប៊ូ អាកុលឬជែលជាប្រចាំ៕
ចែករំលែកព័តមាននេះ