ខេត្តបន្ទាយមានជ័យ ៖ អាជ្ញាធរក្រុងប៉ោយប៉ែត បានចុះណែនាំផ្ទាល់ដល់ក្លឹបកំសាន្ត ឌីស្កូថែក បៀលហ្គាឌិន ខារ៉អូរខេ អោយផ្អាកការធ្វើអាជីវកម្ម ដើម្បីចូលរួមបង្ការ និងទប់ស្កាត់ការឆ្លងជំងឺកូវីដ១៩កាលពីយប់ថ្ងៃទី២៣ កុម្ភៈ ឆ្នាំ២០២១ នៅក្នុងក្រុងប៉ោយប៉ែត ។
ការចុះទៅ គឺមានការដឹកនាំលោក គាត ហ៊ុល អភិបាលក្រុងប៉ោយប៉ែត លោកវរៈសេនីយ៍ឯក សៅ សារឿន អធិការនគរបាលក្រុង លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងរួមជាមន្ត្រីនិងកងកម្លាំងចុះណែនាំដល់បកំសាន្ត ឌីស្កូថែកបៀលហ្កាឌិន ខារ៉អូរខេ ។
លោក គាត ហ៊ុល បានប្រាប់ថា ជាសារណែនាំពីប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន និងដាក់វិធានការពីអភិបាលខេត្តបន្ទាយមានជ័យ ហើយលោកបានដឹកនាំមន្ត្រី និងកងកម្លាំងបានចុះផ្សព្វផ្សាយណែនាំដល់ទីតាំងផ្ទាល់ក្លឹបកំសាន្ត ឌីស្កូថែកបៀលហ្កាឌិន ខារ៉អូរខេអោយផ្អាក់អាធ្វើអាជីវកម្មត្រូវចូលបង្កាទប់ស្កាត់កូវីដ១៩មិនអោយកើតមានក្នុងសហគមន៍។
លោកបានបញ្ជាក់ថាការចុះផ្សព្វផ្សាយនិងណែនាំដើម្បីពង្រឹងការអនុវត្តតាមការណែនាំរបស់ក្រសួងសុខាភិបាលការត្រួតពិនិត្យអោយបានម៉ឺងម៉ាត់ជាប់ជាប្រចាំរបស់រដ្ឋបាលក្រុងប៉ោយប៉ែតជូនដល់ម្ចាស់អាជីវកម្មក្លឹបកំសាន្ត នៅពេលស្ថានភាពកូវីដ១៩មានការរីករាលដាលឆ្លងក្នុងសហគមន៍បានផ្ទុះឡើង២០ កុម្ភៈ នេះ។
លោក គាត ហ៊ុល បានបញ្ជាក់ថា៖ជាស្មារតីចូលរួមបង្កានិងទប់ស្កាត់កូវីដ១៩ និងចូលរួមអនុវត្តវិធានការរបស់រាជរដ្ឋាភិបាលកម្ពុជា ហើយម្ចាស់អាជីវកម្មក្លឹបកំសាន្តទាំងនៅក្រុងប៉ោយប៉ែតត្រូវបញ្ឈប់សកម្មភាពអាជីវកម្មរហូតដល់ជូនដំណឹងជាថ្មីស្តីពីការបន្ធូរបន្ថយ ឬកែសម្រួលវិធានការនៅពេលខាងមុខនេះ ។
ចែករំលែកព័តមាននេះ