រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន៤០នាក់ ភាគច្រើនជាជនជាតិចិនឆ្លងពីព្រឹត្តិការណ៍សហគមន៍ ២០ កុម្ភៈ ។ យោងតាមសេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងថា…
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន៤០នាក់ ភាគច្រើនជាជនជាតិចិនឆ្លងពីព្រឹត្តិការណ៍សហគមន៍ ២០ កុម្ភៈ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងថា នៅថ្ងៃទី២៤ ខែកុម្ភៈ ឆ្នាំ២០២១ថាបានរកឃើញករណីវិជ្ជមានជំងឺកូវីដ១៩ សរុប៤០នាក់ ក្នុងនោះចំនួន២នាក់ ជាស្ត្រីជនជាតិចិន បានធ្វើដំណើរដំណើរមកកម្ពុជាដោយចង់វិលត្រឡប់ទៅប្រទេសវិញ អ្នកទាំង២នាក់បានទៅធ្វើតេស្ត ដើម្បីសុំវិញ្ញាបនបត្រ បញ្ជាក់សុខភាព កាលពីថ្ងៃទី២២ កុម្ភៈ ដោយលទ្ធផលបង្ហាញថា អ្នកទាំង២មានជំងឺកូវីដ១៩ ហើយបានដាក់សម្រាកព្យាបាលនៅមន្ទីរពេទ្យបង្អែកខេត្តព្រះសីហនុ ។
ក្រសួងបានបន្ត អ្នកជំងឺដែលឆ្លងក្នុងព្រឹត្តិការណ៍សហគមន៍ទាំង៣៨នាក់ ក្នុងនោះមានជនជាតិចិន៣៥នាក់ ជនជាតិវៀតណាម២នាក់ និងជនជាតិខ្មែរម្នាក់ ។ ដោយឡែកអ្នកដែលព្យាបាលជាសះស្បើយចំនួន១នាក់ជាអ្នកដំណើរ ។
សូមជម្រាបថា កម្ពុជាបានរកឃើញអ្នកឆ្លងជំងឺកូវីដ១៩ សរុបទូទាំងប្រទេសគិតត្រឹមថ្ងៃទី២៤ កុម្ភៈ ឆ្នាំ២០២១មានចំនួន៦៣៣នាក់ ព្យាបាលជាសះស្បើយចំនួន៤៧៦នាក់ និងកំពុងសម្រាកព្យាបាលចំនួន១៤២នាក់ ៕
ចែករំលែកព័តមាននេះ