រាជធានីភ្នំពេញ ៖ កម្លាំងកងរាជអាវុធហត្ថ បានចាប់ជនជាតិវៀតណាមចំនួន ៤នាក់ (មានស្ត្រីម្នាក់) លួចឆ្លងដែនតាមច្រករបៀងនៅជ្រៃធំ ស្រុកកោះធំ ខេត្តកណ្តាល ដោយមិនធ្វើចត្តាឡីស័ក ដោយចំណាយលុយឲ្យមេខ្យល់ អស់តែ២០០ដុល្លារ នាំជិះរថយន្តចូលដល់ក្នុងក្រុងភ្នំពេញតែម្តង ។
ជនជាតិវៀតណាមទាំង៤នាក់នេះ ត្រូវបានសមត្ថកិច្ច ឃាត់សាកសួរ និងធ្វើការពិនិត្យ គឺពួកគេគ្មានលិខិតឆ្លងដែនទេ មានតែអត្តសញ្ញាណប័ណ្ណ សញ្ជាតិវៀតណាម រួមមាន ៖ ទី១-ឈ្មោះ Nguyen Van Hau ភេទប្រុស, ទី២-ឈ្មោះ Nguyen Phuong ភេទប្រុស, ទី៣-ឈ្មោះ Trung. Do Huu Toi ភេទប្រុស, និងទី៤-ឈ្មោះ Nguyen Thi Dung ភេទស្រី ។
ក្រោយពីសាកសួរជនជាតិវៀតណាមទាំង៤នាក់ ត្រូវបញ្ជូនខ្លួនទៅធ្វើចត្តាឡីស័ក នៅចាក់អង្រែ ខណ្ឌមានជ័យ កាលពីថ្ងៃទី២០ ខែកុម្ភៈ ឆ្នាំ២០២១ តាមរថយន្តពេទ្យមណ្ឌលសុខភាព ។ បន្ទាប់ពីធ្វើគ្រប់រយៈពេល១៤ ថ្ងៃហើយ វៀតណាមទាំង៤នាក់ ត្រូវបញ្ជូនទៅឲ្យកម្លាំងជំនាញអន្តោប្រវេសន៍ ចាត់ការតាមច្បាប់ ៕
ចែករំលែកព័តមាននេះ