បុរសម្នាក់នៅទីក្រុងសៀងហៃបានទន់ជង្គង់ដួលនៅមុខហាងលក់គ្រឿងអលង្ការ ដោយសារតែកូនស្រីរបស់ខ្លួនយល់ព្រមទទួលសំណើររៀបការពីមិត្តប្រុសជាជនជាតិជប៉ុន ប៉ុន្តែគាត់មិនពេញចិត្ត ។ រឿងនេះប្រព័ន្ធផ្សព្វផ្សាយ
បុរសម្នាក់នៅទីក្រុងសៀងហៃបានទន់ជង្គង់ដួលនៅមុខហាងលក់គ្រឿងអលង្ការ ដោយសារតែកូនស្រីរបស់ខ្លួនយល់ព្រមទទួលសំណើររៀបការពីមិត្តប្រុសជាជនជាតិជប៉ុន ប៉ុន្តែគាត់មិនពេញចិត្ត ។ រឿងនេះប្រព័ន្ធផ្សព្វផ្សាយចិនចាប់អារម្មណ៍ចេញផ្សាយព្រោងព្រាត ។
គូស្នេហ៍មួយគូនោះស្គាល់គ្នានៅពេលនាងក្រមុំចិនទៅសិក្សានៅប្រទេសជប៉ុន ។
យោងតាមគេហទំព័របរទេស Sina News ផ្សាយថា យុវជនជប៉ុននោះឈ្មោះ «ណាហ្គាអូ» បានធ្វើដំណើរទៅទីក្រុងសៀងហៃ ប្រទេសចិន ទទូចសុំមិត្តស្រីរៀបការបន្ទាប់ពីឪពុករបស់នាងបដិសេធកាលពីពេលមុន ។ ពេលទៅដល់ទីក្រុងសៀងហៃភ្លាមកាលពីថ្ងៃទី១១ សីហា ២០១៥ កំលោះជប៉ុនរូបនោះទិញចិញ្ចៀនភ្ជាប់ពាក្យពីហាងលក់គ្រឿងអលង្ការ «Darry Ring» ហើយលុតជង្គង់សុំមិត្តស្រីរបស់ខ្លួនរៀបការតាមប្រពៃណី ។
ក្រុមគ្រួសារខាងស្រីប្រញាប់ប្រញាល់ទៅហាងលក់គ្រឿងអលង្ការនោះភ្លាម ក្រោយពីដឹងថា ពួកគេណាត់ជួបគ្នា ។
បុរសជាឪពុកបានស្រែកសួរទៅម្ចាស់ហាងលក់គ្រឿងអលង្ការថា «ហេតុអ្វីអ្នកលក់ចិញ្ចៀនទៅឱ្យជនជាតិជប៉ុន?» ។ ចំណែកអ្នកនៅក្បែរនោះបានបញ្ចុះបញ្ចូលបុរសជាឪពុកថា ពួកគេទាំងពីរនាក់ស្រឡាញ់គ្នា ដូច្នេះមិនគួរបំបែកបំបាក់ពួកគេទេ ។ បុរសវ័យចំណាស់រូបនោះមិនខ្វល់ពីសម្តីរបស់មហាជនទេ ថែមទាំងឆ្លើយតបទាំងកំហឹងថា «កុំមកឈឺឆ្អាលនឹងរឿងរបស់គ្រួសារខ្ញុំ» ។ ទោះជាយ៉ាងណាក៏ដោយគ្មានអ្នកណាដឹងថា មូលហេតុអ្វីបណ្តាលឱ្យបុរសវ័យចំណាស់នោះរារាំងកូនស្រីរបស់ខ្លួនមិនឱ្យរៀបការជាមួយយុវជនជប៉ុន ៕
ចែករំលែកព័តមាននេះ