រាជធានីភ្នំពេញ៖ ប្រកសិករជិត៤០០គ្រួសារ រស់នៅភូមិចំនួន៤ នៅសង្កាត់អូរគន្ធរ ក្រុងស្ទឹងសែន បាននាំគ្នាផ្តិតមេដៃដើម្បីស្នើសុំទៅអាជ្ញាធរខេត្តកំពង់ធំ អោយលុបចោលការផ្តល់សិទ្ធិអោយក្រុមហ៊ុន កពង់ធំអ៊ិនវេសមេន និងឌីវេឡុបមេនគ្រុបធ្វើអាជីវកម្មបូមទឹកស្រោចស្រពស្រូវប្រាំងនៅអាណត្តិថ្មីនេះរួច ធ្វើការបោះឆ្នោតជ្រើសរើសតំណាងចែកចាយទឹកថ្មី…
រាជធានីភ្នំពេញ៖ ប្រកសិករជិត៤០០គ្រួសារ រស់នៅភូមិចំនួន៤ នៅសង្កាត់អូរគន្ធរ ក្រុងស្ទឹងសែន បាននាំគ្នាផ្តិតមេដៃដើម្បីស្នើសុំទៅអាជ្ញាធរខេត្តកំពង់ធំ អោយលុបចោលការ
ផ្តល់សិទ្ធិអោយក្រុមហ៊ុន កពង់ធំអ៊ិនវេសមេន និងឌីវេឡុបមេនគ្រុបធ្វើអាជីវកម្មបូមទឹកស្រោចស្រពស្រូវប្រាំងនៅអាណត្តិថ្មីនេះរួច ធ្វើការបោះឆ្នោតជ្រើសរើសតំណាងចែកចាយទឹកថ្មី ។
ការផ្តិតមេដៃតវ៉ានេះ បន្ទាប់ពីក្រុមហ៊ុនខាងលើ ដែលមានលោកហាក់ សុង ជាប្រធានក្រុមហ៊ុន កន្លងមកមិនបានផ្គត់ទឹកគ្រប់គ្រាន់ទៅតាមសំណូមពរ និងតម្រូវការចាំបាច់របស់ប្រជាពលរដ្ឋ និងបានយកតម្លៃ សេវាទឹកខ្ពស់ហើយ ត្រូវបានលោក សុខ លូ ដែល ជាអភិបាលនៃគណះអភិបាលខេត្តកំពង់ធំបានចារឯកភាព តាមសំណើររបស់ក្រុមហ៊ុន និងចំណារបស់មន្ទីរធនធានទឹកនិងឧត្តុនិយម ខេត្ត និងមន្ទីរកសិកម្ម រុក្ខាប្រមាញ់និងនេសាទខេត្តកំពង់ធំ ។
សំណើសុំអនុញ្ញាតធ្វើអាជីវកម្មបូមទឹកស្រោចស្រពស្រូវប្រដេញទឹកឬស្រូវប្រាំងនោះ និងចំណាររបស់មន្ទីរជំនាញខាងលើនេះ ត្រូវបានប្រជាពលរដ្ឋ បានធ្វើការចោទប្រកាន់ថាបានឃុបឃិតគ្នា ដោយធ្វើរបាយការណ៍ភូតភរ និងគ្មានការពិត ។ លោកឈ្មោះយាត យមអាយុ ៤១ឆ្នាំ រស់នៅភូមិអូរគន្ធរជើង សង្កាត់អូរគន្ធរ បានអោយដឹងថា ក្រុមហ៊ុន កំពង់ធំអ៊ិនវេសមេន និងឌីវេឡុបមេនគ្រុបនេះ ជាក្រុមហ៊ុនម៉ៅការផ្តាច់បានធ្វើអាជីវកម្មបូមទឹកស្រោចស្រពស្រូវប្រាំងរបស់ប្រជាកសិករចំនួន ៤ភូមិ រួមមានភូមិព្រែកស្បូវ , ភូមិ បឹងលៀស , អូរគន្ធរជើង និងភូមិ អូរគន្ធរត្បូង រយះមួយអាណត្តិ ១០ឆ្នាំ មកហើយ ដោយកន្លងមកមិនបានគោរពកិច្ចសន្យា ផ្គត់ផ្គង់ទឹកគ្រប់គ្រាន់ទៅតាមសំណូមពរ និងតម្រូវការចាំបាច់របស់ប្រជាពលរដ្ឋបណ្តាលអោយស្រូវ ងាប់ឬស្កកនិងបានយកតម្លៃ សេវាទឹកខ្ពស់ក្នុង១ហិកតា ពី១១០ទៅ១១៥ដុល្លារ ទៅតាមរដូវ។
តាមប្រជាពលរដ្ឋក៏បានអោយដឹងទៀត ថា កន្លងមក ប្រជាពលរដ្ឋ ក៏បានដាក់បណ្តឹង ទៅសាលាសង្កាត់ ក្រុងនិងខេត្ត ដើម្បីអោយក្រុមហ៊ុន អនុវត្តតាមកិច្ចសន្យា ដោយធ្វើផ្លូវ ស្តារប្រឡាយ និង ផ្តល់ទឹកអោយបានគ្រប់គ្រាន់ តែក្រុមហ៊ុន មិនធ្វើតាមការដោះស្រាយតាមសំណូមពរម្ចាស់ស្រែទេ ស្រាប់តែនៅដើមខែមករា ឆ្នាំ ២០២១ លោកសុខ លូ អភិបាល នៃគណះ អភិបាលខេត្តកំពង់ធំក៏បានចាឯកភាព តាមសំណើរ របស់ ក្រុមហ៊ុនខាងលើនេះ អោយបន្តអាជីវកម្ម បូមទឹកស្រោចស្រពស្រូវប្រាំងនៅអាណត្តថ្មី ទើបប្រជាពលរដ្ឋ នាំគ្នា ប្រតិកម្ម ហើយនាំគ្នា ផ្តិតមេដៃ ស្នើសុំអោយលប់អាជីវកម្ម នេះនិងធ្វើការបោះឆ្នោតជ្រើសរើក្រុមហ៊ុនថ្មីដើម្បី ផ្គត់ផ្គង់ទឹកជំនួសវិញ ។
ប្រជាកសិករ ក៍បានអោយដឹងទៀតថា ក្រុមហ៊ុន ខាងលើ មិនគោរពកិច្ចសន្យា ធ្វើអោយប្រជាពលរដ្ឋ រងទុក្ខ ហើយ ស្រាប់តែ អាជ្ញាធរ នៅតែ បន្តអោយក្រុមហ៊ុននោះធ្វើអាជីវកម្មទៀត រិតរិទ្ធតែបង្កការលំបាកដល់ប្រជាកសិករបន្តទៀត។ម្យ៉ាងទៀតនៅក្នុងកិច្ចសន្យា ត្រង់ប្រការ២ស្តីពីភារកិច្ច ត្រង់ចំណុច ២.៣ បានអោយដឹងថា ក្នុងករណីភាគី«ខ» ផ្តល់ទឹកមិនគ្រប់គ្រាន់ ដោយមិនបានបូមទឹកដាក់ប្រឡាយ អោយកសិករអាចបូមដាក់ស្រែបាន ហើយនាំអោយខូចខាតផលស្រូវនោះភាគី«ខ»(ក្រុមហ៊ុន)ត្រូវសងទៅភាគី«ក»(ប្រជាកសិករ) ស្មើនឹងតម្លៃ០៤តោនស្រូវក្នុងមួយហិតតា ។ បែរជាក្រុមហ៊ុន មិនគោរពកិច្ចសន្យាធ្វើអោយស្រូវងាប់, មិនសងការខូចខាតហើយ បែរជាអាជ្ញារ អោយក្រុមហ៊ុននោះបន្តអាជីវកម្មបន្តទៀតទៅវិញ។
តាមរបាយការណ៍របស់សាលាសង្កាត់អូរគន្ធរចុះថ្ងៃទី០៣ ខែកុម្ភះឆ្នាំ ២០២១ ដែល បានគោរពជួន ប្រធានការិយាល័យ ប្រជាពលរដ្ឋ ខេត្តកំពង់ធំ ដែលបានរាយការណ៍ ពីសកម្មភាព ផ្តល់សេវាទឹក ជួន ដល់ប្រជាកសិករ នៅចំណុច អូរវ៉ាយ បានអោយដឹងថា កាលពីដើមឆ្នាំ២០១០ លោក គិត សៀប ដែលជាតំណាងរបស់ក្រុមហ៊ុនបូមទឹក របស់លោកហាក់ សុង បានមកទាក់ទងក្រុមប្រឹក្សា សង្កាត់ អូរគន្ធរ ដើម្បីស្នើរសុំ រកស៊ី ដោយបូមទឹកពីស្ទឹងសែន ជួន កសិករ ធ្វើស្រែប្រាំងនៅចំណុច អូរវ៉ាយរហូតដល់មាត់បឹងរៀល ដែលមានផ្ទៃដីទំហំប្រមាណជាង២០០០ហិតតា ហើយអាជ្ញាធរ បានឯកភាពនិងបានកោះអញ្ជើញ ប្រជាកសិករ មកប្រជុំជាច្រើនលើកច្រើនសារ ទើបពួកគាត់យល់ព្រមហើយ ក៍បានធ្វើកិច្ចសន្យា ដែលចុះថ្ងៃទី១៣ ខែខែកក្កដា ឆ្នាំ ២០១០ហើយ ក្រុមហ៊ុន ដាក់ជាគោលការណ៍ធានាក្នុងការអភិវឌ្ឍ ផ្តល់ទឹកជួន ប្រជាកសិករអោយបានគ្រប់គ្រាន់ តែក្រុមហ៊ុន មិនបានអនុវត្តគ្រប់ជ្រុងជ្រោយឡើយ សូម្បីតែតម្លៃទឹកក៏ពុំបានអនុវត្តដែរ។
ក្រុមហ៊ុន មិនបានបូមទឹក ជួន ប្រជាកសិករ គ្រប់គ្រាន់ឡើយធ្វើអោយកសិករ ខឹងសប្បា ជាមួយក្រុមហ៊ុន ជាច្រើនលើកច្រើនសារ រហូតដល់កសិករ បានប្តឹង មកអាជ្ញាធរ ហើយ អាជ្ញាធរ ក៍បានអញ្ជើញ ក្រុមហ៊ុនមកដោះស្រាយ នៅសង្កាត់ ក្រុមហ៊ុន សន្យាថា មិនអីទេ នៅពេលត្រឡប់ទៅវិញ មិនបានអនុវត្តតាមការដោះស្រាយឡើយនៅតែដដែលៗជាហេតុធ្វើអោយ កសិករចោទប្រកាន់ថា អាជ្ញាធរ ត្រូវរ៉ូវគ្នា ជាមួយក្រុមហ៊ុនទៀត ។
នៅក្នុងរបាយការណ៍ក៍បានអោយដឹងទៀតថា ដោយសារតែ ការដោះស្រាយនៅតែមិនមានលទ្ធផល ហើយ ប្រជាកសិករមានការលំបាក់ដោយខ្វះខាតទឹក ហើយនិងតម្លៃខុសពីក្នុងកិច្ចសន្យា ច្រើនពេកទើបនៅថ្ងៃទី១០ ខែមិនា ឆ្នាំ២០១៧ ប្រជាកសិករប្រមាណ២០០គ្រួសារក៍បានផ្តិតមេដៃប្តឹងទៅ សាលាក្រុងស្ទឹងសែន ដើម្បីបញ្ឈប់ក្រុមហ៊ុន ហាក់សុង ឈប់អោយបូមទឹក ។ នៅក្នុងឆ្នាំ២០១៧ ដដែល កសិករក៍បានផ្តិតមេដៃ ប្តឹងទៅសាលាកំពង់ធំទៀត ហើយ ត្រូវបានលោក ងួន សុជាតិ ចុះមកដោះស្រាយ នៅវត្តពៅពីសី តែការដោះស្រាយ ចាប់តាំងពីសង្កាត់ រហូតដល់ ថ្នាក់ខេត្តក្រុមហ៊ុននេះ មិនបានកែប្រែដើម្បីអនុវត្តតាមគោលការណ៍ណាឡើយ។
នៅក្នុងរបាយការណ៍ សង្កាត់ អូរគន្ធរ ក៍បានធ្វើការសន្និដ្ឋាន ថា ក្រុមហ៊ុន បូមទឹកខាងលើនេះធ្វើអោយកសិករ មួយចំនួនធំរងទុក្ខ វេទនា ក្នុងការខ្វះខាតទឹក ប្រើប្រាស់ ស្រោចស្រពស្រូវ ហើយ បាត់បង់ផលអស់រយះពេល ១០ឆ្នាំ ជាងមកហើយ ។ ប្រជាកសិករមិនបានអនុញ្ញាតអោយក្រុមនេះបន្តបូមទឹកទៀតឡើយ ។ បើសិននៅក្រុមហ៊ុន នេះ កសិករនឹងឡើងតវ៉ាដល់ថ្នាក់លើអោយបានខ្លាំងក្លា ។
នៅក្នុងរបាយការណ៍ ក៍បានបញ្ជាក់ថា ចំពោះការអនុញ្ញាតអោយក្រុមហ៊ុននោះធ្វើអាជីវកម្មរយៈពេល១០ឆ្នាំ ទៀតចាប់ពីឆ្នាំ ២០២១ក្រោយនេះ អាជ្ញាធរ ពុំបានដឹងឡើយ។ ប្រជាកសិករ គ្រប់ៗគ្នា ក៍បានសំណូមដល់ សម្តេច តេជោហ៊ុន សែនមេត្តាជួយអន្តរាគមន៍ ដើម្បីអោយអាជ្ញាធរ ខេត្តលប់ចោលអាជីវកម្មរបស់ ក្រុមហ៊ុន កំពង់ធំអ៊ិនវេសមេននិង ឌីវេឡុបមេនគ្រុប ហើយ ធ្វើការប្រកាសដេញថ្លៃឬបោះឆ្នោតដើម្បី អោយក្រុមហ៊ុន ណាមួយ ដែល យកចិត្តទុកដាក់ ផ្គត់ផ្គង់ទឹកគ្រប់គ្រាន់តាម តម្រូវការចាំបាច់របស់ប្រជាកសិករ។ទោះបីជាយ៉ាងកោះសន្តិភាពពុំទទួលបានការបំភ្លឺណាមួយពីអាជ្ញាធរ ខេត្តនិងក្រុមហ៊ុនឡើយ ព្រោះទូរស័ព្ទចូលគ្មានអ្នកលើក ។
ព័ត៌មានពិស្តារបន្តនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ