រាជធានីភ្នំពេញ ៖ កាកសំណល់សំរាមជាច្រើន ដែលសេសសល់ពីការប្រើប្រាស់ប្រចាំថ្ងៃរបស់បងប្អូនពលរដ្ឋជាច្រើនគ្រួសារ ដោយបានវេចខ្ជប់ទុកនៅមុខផ្ទះរៀងៗខ្លួន រងចាំរថយន្តស៊ិនទ្រី ទៅប្រមែប្រមូលនោះ ពេលនេះសំរាមទាំងនោះបានគរស្អុយហៀរហូរពេញមុខផ្ទះពួកគាត់ បន្ទាប់ពីក្រុមរថយន្តស៊ិនទ្រី មិនបានបើកចូលទៅធ្វើការប្រមែប្រមូលអស់ជិត១០ថ្ងៃទៅហើយ…
រាជធានីភ្នំពេញ ៖ កាកសំណល់សំរាមជាច្រើន ដែលសេសសល់ពីការប្រើប្រាស់ប្រចាំថ្ងៃរបស់បងប្អូនពលរដ្ឋជាច្រើនគ្រួសារ ដោយបានវេចខ្ជប់ទុកនៅមុខផ្ទះរៀងៗខ្លួន រងចាំរថយន្តស៊ិនទ្រី ទៅប្រមែប្រមូលនោះ ពេលនេះសំរាមទាំងនោះបានគរស្អុយហៀរហូរពេញមុខផ្ទះពួកគាត់ បន្ទាប់ពីក្រុមរថយន្តស៊ិនទ្រី មិនបានបើកចូលទៅធ្វើការប្រមែប្រមូលអស់ជិត១០ថ្ងៃទៅហើយ ។
សំរាមគរស្អុយនៅមុខលំនៅឋានបងប្អូនពលរដ្ឋខាងលើ ស្ថិតនៅតាមបណ្តោយផ្លូវលេខ ៤៩BT ខាងក្រោយធនាគារ ANZ Royal ក្នុងសង្កាត់បឹងទំពន់១ ខណ្ឌមានជ័យ រាជធានីភ្នំពេញ ។
យោងតាមសម្តីបងប្អូនពលរដ្ឋ អោយដឹងថា កាលពីពេលកន្លងទៅ សំរាមពុំដែលគរច្រើនរហូតបង្កជាក្លិនស្អុយរលួយដូចបែបនេះឡើយ ព្រោះតែក្រុមរថយន្តស៊ិនទ្រី តែងចុះមកប្រមូលរៀងរាល់២ ឬ៣ថ្ងៃម្តង ។ ប៉ុន្តែមួយរយៈក្រោយមកនេះ ពោល គឺគិតចាំពីមុនថ្ងៃចូលឆ្នាំចិន រហូតដល់រសៀលថ្ងៃទី១៦នេះ គេពុំទាន់ឃើញសង្គេតឃើញមានរថយន្តស៊ិនទ្រី មកធ្វើការប្រមែប្រមូលឡើយ ជាហេតុធ្វើអោយពួកគាត់គរសំរាមនៅមុខផ្ទះ រហូតកកើតជាក្លិនស្អុយរលួយ ប៉ះពាល់យ៉ាងខ្លាំងដល់ការរស់នៅប្រចាំថ្ងៃ ។
ពាក់ព័ន្ធបញ្ហានេះ កោះសន្តិភាពបានទូរស័ព្ទទៅលោក មាស សំអួន មន្ត្រីសង្កាត់ទទួលបន្ទុកការងារបរិស្ថាន អោយដឹងថា ៖ ការងារនេះលោកបានទំនាក់ទំនងទៅខាងក្រុមរថយន្តស៊ិនទ្រី តាំងពីថ្ងៃម្សិលមិញម្លេះ ដោយខាងស៊ិនទ្រី បានបញ្ជាក់ថា ពួកគេនឹងចុះទៅប្រមែប្រមូលនៅថ្ងៃនេះ ប៉ុន្តែបើនៅមិនទាន់មានការប្រមែប្រមូលដូចអ្នកសារព័ត៌មានបានប្រាប់នោះ លោកនឹងព្យាយាមទាក់ទងទៅជាថ្មីទៀត ដើម្បីអោយខាងរថយន្តស៊ិនទ្រីចុះប្រមូលអោយបានឆាប់ កុំអោយមានការប៉ះពាល់ដល់ការប៉ះពាល់ដល់ការរស់នៅរបស់បងប្អូនពលរដ្ឋដែលរស់នៅតាមបណ្តោយផ្លូវខាងលើនោះ ។
សូមបញ្ជាក់ថា បើទោះបីជាសំរាមគរហូរហៀរស្អុយយ៉ាងណាក៏ដោយ ប៉ុន្តែការវេចខ្ចប់ទុកដាក់នៅនឹងកន្លែង មានរបៀបរៀបរយត្រឹមត្រូវណាស់ សម្រាប់ក្រុមរថយន្តស៊ិនទ្រីចុះទៅប្រមូល មិនមានការរបាត់របាយឡើយ គ្រាន់តែសំរាមទុកចោលយូរ មានការជះក្លិនស្អុយប៉ុណ្ណោះ ៕
ចែករំលែកព័តមាននេះ