រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី១៣ ខែកុម្ភៈ ឆ្នាំ២០២១ បានសម្រេចចេញដីកាឃុំខ្លួនជនជាតិស្បែកខ្មៅម្នាក់ ដាក់ពន្ធនាគារជាបណ្តោះអាសន្នពាក់ពន្ធករណីបម្រុងនាំគ្រឿងញៀ.នជិត២គីឡូក្រាមឆ្លងដែនទៅកាន់អារ៉ាប់រួម ។ ជនសង្ស័យឈ្មោះ…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី១៣ ខែកុម្ភៈ ឆ្នាំ២០២១ បានសម្រេចចេញដីកាឃុំខ្លួនជនជាតិស្បែកខ្មៅម្នាក់ ដាក់ពន្ធនាគារជាបណ្តោះអាសន្នពាក់ពន្ធករណីបម្រុងនាំគ្រឿងញៀ.នជិត២គីឡូក្រាមឆ្លងដែនទៅកាន់អារ៉ាប់រួម ។
ជនសង្ស័យឈ្មោះ MUGERWA JOEL ភេទប្រុស អាយុ៤៣ឆ្នាំ ជនជាតិ យូហ្គាន់ដា កាន់លិខិតឆ្លងដែនលេខ:B១៣២២៩៧ ។
បើតាមលោឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀ.នបានឲ្យដឹងថា ក្រោមការចង្អុលបង្ហាញពីនាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ នឹងនាយឧត្តមសេនីយ៍ ម៉ក់ ជីតូ អគ្គស្នងការរង ទទួលផែនប្រយុទ្ធប្រឆាំងបទល្មើសគ្រឿងញៀ.ន កាលពីវេលាម៉ោង៨នឹង៣០នាទីយប់ថ្ងៃទី១០ ខែកុម្ភៈ ឆ្នាំ២០២១ កម្លាំងការយាល័យជំនាញទី១០ នៃមន្ទីរប្រឆាំងគ្រឿងញៀ.ន ដឹកនាំដោយលោកឧត្តមសេនីយ៍ទោ សារី បុត្រសត្យា បានចូលរួមសហការជាមួយមន្ត្រីគយប្រចាំច្រកទ្វារអាកាសយាន្តដ្ឋានអន្តរជាតិភ្នំពេញ ក្រោមការសម្របសម្រួលពីលោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានដំណើរការត្រួតពិនិត្យកាបូបស្ពាយ មិនប្រក្រតីរបស់ជនជាតិស្បែកខ្មៅម្នាក់ ក្នុងនោះបានរកឃើញជនសង្ស័យបង្កប់លាក់ទុកនូវសារធាតុញៀ.ន ប្រភេទមេតំហ្វេតាមីន(ICE)ទម្ងន់សុទ្ធជិត២គីឡូក្រាម ។
លោកឧត្តមសេនីយ៍ឯក ឡឹក វណ្ណៈ បន្តថា ក្រោយឃាត់ខ្លួនជនសង្ស័យបានសារភាពថា គោលដៅនាំចេញរបស់ជនសង្ស័យបម្រុងនាំថ្នាំញៀ.ននេះចេញពីប្រទេសកម្ពុជា ទៅកាន់ប្រទេសសាធារណរដ្ឋកូរ៉េ ចេញបន្តដំណើរពីប្រទេសកូរ៉េ ទៅកាន់ ឌូបៃ ប្រទេស អារ៉ាប់ រួម(AFRICA) ។
ករណីខាងលើនេះសមត្ត្កិច្ចសហការបង្ក្រាបបទល្មើសជាក់ស្តែង បន្ទាប់មកកម្លាំងសមត្ថកិច្ចជំនាញ(ក១០) នៃមន្ទីរប្រឆាំងគ្រឿងញៀ.ន បានកសាងសំណុំរឿងបញ្ជូនជនសង្ស័យ នឹងវត្ថុតាងទៅកាន់សាលាដំបូងរាជធានីភ្នំពេញ ទើបតំណាងអយ្យការបានធ្វើការចោទប្រកាន់ជាផ្លូវការ នឹងចាត់បញ្ជូនទៅចៅក្រមស៊ើបសួរសម្រេចឃុំខ្លួន ដាក់ពន្ធនាការលើជនស្បែកខ្មៅនោះតែម្តងទៅ ៕
ចែករំលែកព័តមាននេះ