រាជធានីភ្នំពេញ ៖ ឃ្លាំងស្តុកគ្រឿងបន្លាស់រថយន្តមួយកន្លែងត្រូវបានអគ្គិភ័យឆាប់ឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលនាំប្រជាពលរដ្ឋ និងអាជ្ញាធរសមត្ថកិច្ចហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍ ហេតុការណ៍នេះ បង្កឲ្យមានការភ្ញាក់ផ្អើលវេលាម៉ោងប្រមាណ១២និង៣០នាទីថ្ងៃត្រង់ ថ្ងៃទី៦ ខែកុម្ភៈ ឆ្នាំ២០២១ នៅតាមបណ្តោយផ្លូវភ្នំពេញហាណូយ…
រាជធានីភ្នំពេញ ៖ ឃ្លាំងស្តុកគ្រឿងបន្លាស់រថយន្តមួយកន្លែងត្រូវបានអគ្គិភ័យឆាប់ឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលនាំប្រជាពលរដ្ឋ និងអាជ្ញាធរសមត្ថកិច្ចហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍ ហេតុការណ៍នេះ បង្កឲ្យមានការភ្ញាក់ផ្អើលវេលាម៉ោងប្រមាណ១២និង៣០នាទីថ្ងៃត្រង់ ថ្ងៃទី៦ ខែកុម្ភៈ ឆ្នាំ២០២១ នៅតាមបណ្តោយផ្លូវភ្នំពេញហាណូយ ភូមិបន្លាស្អិត សង្កាត់ឃ្មួញ ខណ្ឌសែនសុខ ។
នៅក្នុងគ្រោះអគ្គិភ័យនេះ បណ្តាលអោយនារីជាបុគ្គលិកម្នាក់រងរបួស ។ ឃ្លាំងដែលត្រូវភ្លើងឆេះមានទំហំប្រមាណ៥គុណ៧ម៉ែត្រ ។
តាមសាក្សីបានឲ្យដឹងថា មុនពេលកើតហេតុ គឺឃើញនៅក្នុងឃ្លាំងមានស្ត្រីជាបុគ្គលិកពីរនាក់ស្នាក់នៅហើយគេឃើញបានឆាបឆេះយ៉ាងសន្ធោសន្ធៅផ្សែងហុយបង្កឲ្យមានការភ្ញាក់ផ្អើលយ៉ាងខ្លាំង ហើយស្ត្រីពីរនាក់បានស្ទុះចេញមកក្រៅដោយម្នាក់បានរងរបួសផងដែរ ។
តាមនគរបាលមូលដ្ឋានបានឲ្យដឹងថា នៅក្នុងហេតុការណ៍នេះ រថយន្តពន្លត់អគ្គីភ័យរបស់ស្នងការដ្ឋាននគរបាលរាជធានីភ្នំពេញចំនួន 4 គ្រឿង បានទៅអន្តរាគមន៍បាញ់ពន្លត់អស់ទឹកចំនួន 2គ្រឿងហើយភ្លើងបានរលត់ទៅវិញ នៅវេលាម៉ោងប៉ុន្មានជា1នឹង 20 នាទី ។ ការកើតមានអគ្គីភ័យនេះ គេមិនដឹងពីមូលហេតុឡើយ បើតាមបុគ្គលិកមានការសង្ស័យថា បណ្ដាមកពីទុស្សេខ្សែភ្លើងហើយភ្លើងបានឆេះរាលដាលយ៉ាងសន្ធោសន្ធៅតែម្តង ។
តាមនគរបាលមូលដ្ឋានបានឲ្យដឹងថា ឃ្លាំងស្តុកគ្រឿងបន្លាស់រថយន្តទំហំប្រមាណ5ម៉ែត្រ គុណនឹង 7 ម៉ែត្រ ត្រូវភ្លើងឆាប់ឆេះរងការខូចខាតសម្ភារៈទាំងស្រុង នៅក្នុងនោះមានគ្រឿងបន្លាស់រថយន្តភេសជ្ជៈចំនួន 100 កេសព្រមទាំងម៉ូតូមួយគ្រឿងត្រូវភ្លើងឆេះរងការខូចខាតទាំងស្រុង ។ ទោះបីជាយ៉ាងណាភ្លើងពុំបណ្ដាលឲ្យឆេះរាលដាលដល់លំនៅឋានក្បែរនោះឡើយ ៕
ចែករំលែកព័តមាននេះ