រាជធានីភ្នំពេញ ៖ នារីមានវិបត្តិ៣នាក់បានធ្វើដំណើរទៅលោតទឹកសម្លាប់ខ្លួនពីលើស្ពានជ្រោយចង្វាក្នុងពេលដំណាលគ្នា ដែលហេតុការណ៍ បង្កអោយមានការភ្ញាក់ផ្អើល កាលពីវេលាម៉ោងប្រមាណ៥និង៣០នាទី ល្ងាចថ្ងៃទី០៥ ខែ កុម្ភៈ ឆ្នាំ២០២១…
រាជធានីភ្នំពេញ ៖ នារីមានវិបត្តិ៣នាក់បានធ្វើដំណើរទៅលោតទឹកសម្លាប់ខ្លួនពីលើស្ពានជ្រោយចង្វាក្នុងពេលដំណាលគ្នា ដែលហេតុការណ៍ បង្កអោយមានការភ្ញាក់ផ្អើល កាលពីវេលាម៉ោងប្រមាណ៥និង៣០នាទី ល្ងាចថ្ងៃទី០៥ ខែ កុម្ភៈ ឆ្នាំ២០២១ នៅចំណុច ស្ពានជ្រោយចង្វារចាស់ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
នារីម្នាក់អះអាងថា នាងពុំចេះហែលទឹកបានលោតទឹកចុះទៅក្នុងទន្លេហើយត្រូវបានកម្លាំងនគរបាលអង្គភាពការពាគោលដៅទី៣ ចេញទូកទៅជួយសង្គ្រោះទាន់ ។ ចំណែកនារីវ័យក្មេង២នាក់ ដែលដោះស្បែកជើងប្រុងនឹងលោត ពេលឃើញនារីទី១លោតទឹកមុន នាងក៏មានការភ័យក្លាយបានរត់ទៅជើងឆ្លងស្ពានទៅកាន់ដៃគ្នាលោតនៅច្រាំងទន្លេវិញ ។ ទោះបីជាយ៉ាង ការប៉ុនប៉ងសម្លាប់ខ្លួននេះពុំបានសម្រេចឡើយ ។
នារី ដែលគិតខ្លី ទី១-ឈ្មោះ ឃ.ន ស.អ អាយុ៣៨ឆ្នាំ មុខរបរលក់អីវ៉ាន់ចាប់ហួយ មានលំនៅភូមិសំរោងទាវ សង្កាត់ក្រាំងធ្នង់ខណ្ឌ សែនសុខមានប្តី ជានាយទាហាន មានកូនប្រុស២នាក់ ម្នាក់ត្រៀមចូលរោងការនៅពេលឆាប់ៗនេះ ២-ឈ្មោះ ស.ម អាយុ១៦ឆ្នាំ ,និងទី៣ ពុំប្រាប់អោយស្គាល់ឈ្មោះឡើយ ។
តាមព័ត៌មានអោយដឹងថា នៅមុនពេលកើតហេតុ គេឃើញនារីទី១ បានជិះម៉ូតូម៉ាកហុងដាឌ្រីម ពណ៌ក្រហមមួយគ្រឿង ពាក់ស្លាកលេខ ភ្នំពេញ១HB .៩២៧៥ បានធ្វើដំណើរឡើងស្ពានពីទិសលិចទៅកើត ទៅឈប់កណ្តាលស្ពានហើយ លោតទឹកសម្លាប់ខ្លួនតែម្តង ។ ខណៈនោះ នគរបាលការពារស្ពានជ្រោយចង្វារចេញទូកទៅជួយស្រង់សង្គ្រោះទាន់ រួចនាំមកអង្គភាព ដើម្បីសាកសួរ ។
តាមព័ត៌មានអោយដឹងទៀតថា ក្នុងពេលដំណាលគ្នានោះ មាននារីវ័យក្មេង២នាក់ទៀតបានធ្វើដំណើរ ទៅលោតទឹកសម្លាប់ខ្លួនពីលើស្ពាននៅចំណុចក្បែរគ្នានោះ តែខណៈពេលដោះស្បែកជើងទុកកាបូប ស្រាប់តែ ឃើញនារីទី១ លោតសម្លាប់ខ្លួនមុន នាងភ័យក៏បានរត់គេចខ្លួនទៅបាត់ ចោលស្បែកជើង និងកាបូប ដែលមានទូរស័ព្ទផងដែរ ។ លុះក្រោយមកទើបដឹងដំណឹងថា នារី២នាក់នោះបានដើរទៅច្រាំងទន្លេ ផ្នែកខាងកើត ហើយបានកាន់ដៃគ្នាលោតទឹកសម្លាប់ខ្លួន តែពុំស្លាប់នាងក៏បានហែលចូលខាងវិញ ក្រោយមក ក៏បាន បន្សល់ទុកទូរស័ព្ទ ហើយនគរបាលក៏បានទាក់ទងទៅបុរសជាសង្សាបានហៅនារី ២នាក់នោះមកយកកាបូ និងល្បែកជើងទៅវិញ ។
ទាក់ទិនការធ្វើអត្ថនេះនារី១ បានប្រាប់សមត្ថកិច្ចអោយដឹងថា នាងតូចចិត្តខ្លួនឯង ដោយសារតែប្តីជាមន្ត្រីយោធាជើងទឹកមានស័ក្ដិថ្នាក់វរៈសេនីយ៍ទោ មិនស្រលាញ់ ដោយមិនរវីរវល់នាង ។ នារីរូបនោះបានអោយដឹងទៀតថា នៅមុនពេលកើតហេតុ នាងបានជិះម៉ូតូឆ្លងស្ពាន២ជុំហើយ ក៏បានឈប់កណ្តាលស្ពានលោតទឹកសម្លាប់ខ្លួនតែម្តង ។ នាងបានបញ្ជាក់ទៀតថា ខ្លួនពុំឆេះហែលទឹកនោះទេ នៅពេលលោតផ្កាប់មុខ ហើយដូចមានគេជួយសង្គ្រោះដោយទ្រឡើងប្រហែលជាខ្លោចលោកឪពុកដែលបានស្លាប់ រយៈពេល ប្រមាណ៥ខែ ដែលនាងយកធាតុទៅបោះក្នុងទឹកទន្លេចតុមុខមកជួយនាង ។
ដោយឡែក នារី២នាក់ ម្នាក់បានប្រាប់អោយដឹងថា ដោយសារតែតូចចិត្តខ្លួនឯង ដែលអ្នកនាងទៅធ្វើការជាអ្នកបម្រើជួយបោកខោអាវ ចោទថា នាងយកលុយដែលភ្លេចក្នុងហោប៉ាវចំនួន២០ម៉ឺនរៀល ហើយម្តាយក៏បានស្តីបន្ទោសទៀត ហើយក៏បានស្គាល់នារីមានវិបត្តិម្នាក់ទៀត ដែលម្តាយស្តីបន្ទោសរឿងមានសង្សាក៏បានបបួលគ្នា មកលោតទឹកសម្លាប់ខ្លួននៅលើស្ពានដែរ តែពុំហ៊ានលោត នៅលោតនៅច្រាំងទន្លេវិញ តែពុំស្លាប់ ។ បន្ទាប់ពីសួរនាំនគរបាលក៏បានណែនាំ កុំអោយគិតខ្លីហើយនារីទី១ ត្រូវបានក្រុមគ្រួសារនាំយកទៅត្រឡប់ទៅផ្ទះវិញ ។
ចំណែកនារី២នាក់ ត្រូវបុរសជាសង្សានារីម្នាក់ដឹកត្រឡប់ទៅផ្ទះវិញ ។ តាមនគរបាលក៏បានប្រាប់អោយដឹងថា កាលពីវេលាល្ងាចថ្ងៃទី០៤ ខែកុម្ភៈ មានមនុស្សម្នាក់មកលោតទឹកសម្លាប់ខ្លួន ហើយលិចបាត់បន្សលទុក្ខតែស្បែកជើងផងដែរ៕
ចែករំលែកព័តមាននេះ