រាជធានីភ្នំពេញ ៖ ក្រោមការដឹកនាំរបស់រដ្ឋមន្ត្រីក្រសួងយុត្តិធម៌ វ័យក្មេងថ្មីកម្ពុជានឹងមានតុលាការពាណិជ្ជកម្ម និងតុលាការការងារក្នុងឆ្នាំ២០២១នេះ ។ នេះបើតាមអ្នកនាំពាក្យក្រ សួងយុត្តិធម៌ ។ លោកជិន…
រាជធានីភ្នំពេញ ៖ ក្រោមការដឹកនាំរបស់រដ្ឋមន្ត្រីក្រសួងយុត្តិធម៌ វ័យក្មេងថ្មីកម្ពុជានឹងមានតុលាការពាណិជ្ជកម្ម និងតុលាការការងារក្នុងឆ្នាំ២០២១នេះ ។ នេះបើតាមអ្នកនាំពាក្យក្រ សួងយុត្តិធម៌ ។
លោកជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានបញ្ជាក់ក្នុងកិច្ចសម្ភាសន៍ជាមួយអ្នកសារព័ត៌មាន ព្រឹកថ្ងៃទី៥ ខែកុម្ភៈ ឆ្នាំ២០២១ថា នៅឆ្នាំ២០២១នេះ ក្រសួងនឹងដាក់ដំណើរតុលាការពាណិជ្ជកម្ម និងតុលាការ ប៉ុន្តែនៅមានភាពខ្វះខាតចំណុចមួយចំនួនសម្រាប់ដើមការតុលាការនេះ ។
លោកបានលើកឡើងថា យន្តការដោះស្រាយវិវាទនៅក្រៅប្រព័ន្ធតុលាការមិនទាន់ទង និងការដោះស្រាយវិវាទពាណិជ្ជកម្ម និងការងារនោះទេ ។ គឺយន្តការដោះស្រាយវិវាទក្រៅប្រព័ន្ធតុលាការនោះ គឺសំដៅការដោះស្រាយបញ្ហាជាប្រចាំថ្ងៃ នៅថ្នាក់មូលដ្ឋាន ។ ចំណែក មជ្ឈិត ការផ្នែកពាណិជ្ជកម្ម និងផ្នែកការងារនោះក៏ជាយន្តការសម្រុះសម្រួលចរចារគ្នាដែរ ប៉ុន្តែមិនមែនយន្តដែលក្រសួងកំពុងរៀបចំនោះទេ (ការដោះស្រាយក្រៅប្រព័ន្ធតុលាការ) ។ ដូច្នេះវាមិនមែនករណីជាន់គ្នានោះទេ គឺយើងកំពុងរៀបចំនេះគេសម្រុះសម្រួលនៅមូលដ្ឋាន និងសហគមន៍ ។
លោកបន្ថែមថា ការបង្កើតតុលាការពាណិជ្ជកម្ម និងតុលាការការងារ គឺជាយន្តមួយផ្សេងគ្នា ។ មានន័យថាតុលាការ គឺជាការចាប់បង្ខំឲ្យអនុវត្ត ។ ជាមួយគ្នានោះដែរ លោក ជិន ម៉ាលីន ក៏បានលើកឡើងថា ក្រសួងយុត្តិធម៌បានបង្កើត ក្រុមការងារ២ផ្សេងគ្នា ក្នុងការបង្កើតតុលាការការងារ និងតុលាការពាណិជ្ជកម្ម ។
លោកបញ្ជាក់ថា ៖«តុលាការការងារ និងតុលាការពាណិជ្ជកម្មមិនមែនជាតុលាការដោយឡែកនោះទេ គឺវាជាផ្នែកមួយនៃតុលាការយើងដែរ បច្ចុប្បន្នគ្រាន់តែយើងបែងចែកជាជំនាញ ។ បើយើងនិយាយតុលាការជំនាញនេះ គឺយើងបែងចែកហើយ គឺឆ្នាំ២០១៤ ផ្នែកតាមច្បាប់រៀបចំអង្គការតុលាការ ដែលបានបង្កើតតុលាការជំនាញរហូតដល់៤ គឺតុលាការ ការព្រហ្មទណ្ឌ តុលាការរដ្ឋប្បវេណី តុលាការការងារ និងតុលាការពាណិជ្ជកម្ម» ។ លោកលើកឡើងទៀតថា ការបង្កើតតុលាការព្រហ្មទណ្ឌ និងតុលាការរដ្ឋប្បវេណីដោយសារមានធនធានមនុស្ស និងច្បាប់មានស្រាប់ ប៉ុន្តែតុលាការការងារ និងតុលាការពាណិជ្ជកម្មមិនទាន់មានអ្វីនោះទេ ទាំងចៅក្រម ទាំងច្បាប់ ដូច្នេះបានជា មិនអាចដាក់ដំណើរជាមួយតុលាការព្រហ្មទណ្ឌ និងតុលាការរដ្ឋប្បវេណី ។
ជាមួយគ្នានោះដែរ អ្នកនាំពាក្យបានអះអាងថា ក្រោមការដឹកនាំរបស់រដ្ឋមន្ត្រីថ្មី ក្រសួងយុត្តិធម៌បានដាក់គោលថា គឺត្រូវរៀបចំតុលាការការងារ និងតុលាការពាណិជ្ជកម្មឲ្យបានក្នុងបំណាច់ឆ្នាំ២០២១នេះ ។ លោកបញ្ជាក់ថា ៖«រដ្ឋមន្ត្រីសន្យាថា នឹងរៀបចំតុលាការពីនេះឲ្យបានក្នុងឆ្នាំ២០២១នេះ ដើម្បីធ្វើតាមច្បាប់ដែលបានបង្កើតតាំងពីឆ្នាំ២០១៤ មកអីញ្ចឹងបានជាយើងបង្កើតក្រុមស្រាវជ្រាវថា តើដើម្បីបង្កើតតុលាការទាំងពីរត្រូវមានអ្វីខ្លះ ។ រៀបមនុស្សបែបណា? ហិរញ្ញវត្ថុបែបណា? ទីតាំងកន្លែងណា? អនុវត្តវិធានច្បាប់ និងវិធានផ្សេងៗយ៉ាង? អីញ្ចឹងក្រុមស្រាវជ្រាវនឹងខិតខំធ្វើយ៉ាងណាដាក់តុលាការទាំងពីរនេះឲ្យបានក្នុងឆ្នាំ២០២១នេះ ស្របតាមខ្លឹមច្បាប់ស្តីពីការកាត់តាំងអង្កការតុលាការដែលយើងបានបង្កើតឆ្នាំ២០១៤កន្លងមក»។
បើតាមអ្នកនាំពាក្យធ្លាប់បានឲ្យដឹងថា តុលាការពាណិជ្ជកម្ម និងតុលាការការងារ និងដោះស្រាយបណ្តឹងពាក់ព័ន្ធនឹងការងាររបស់ខ្លួន និងពាក់ព័ន្ធការងារផ្សេងនោះទេ ៕
ចែករំលែកព័តមាននេះ