ក្រោយចម្រាញ់ជាង១ឆ្នាំ ក្រុមហ៊ុន៣ រួមមានស៊ីនទ្រីផងទទួលសិទ្ធប្រមូលសំរាមនៅភ្នំពេញ
- ភ្នំពេញ
រាជធានីភ្នំពេញ ៖ ក្រោយពីស្វែងរក និងចំរាញ់ជាង១ឆ្នាំ គិតចាប់ពីខែតុលា ឆ្នាំ២០១៩ មកដល់ពេលនេះ សាលារាជធានីភ្នំពេញ រកបានហើយនូវក្រុមហ៊ុនឯកជនចំនួន ៣…
រាជធានីភ្នំពេញ ៖ ក្រោយពីស្វែងរក និងចំរាញ់ជាង១ឆ្នាំ គិតចាប់ពីខែតុលា ឆ្នាំ២០១៩ មកដល់ពេលនេះ សាលារាជធានីភ្នំពេញ រកបានហើយនូវក្រុមហ៊ុនឯកជនចំនួន ៣ ដើម្បីធ្វើអាជីវកម្ម ប្រមូលសំរាម នៅក្នុងរាជធានីភ្នំពេញ ។
ក្រុមហ៊ុនឯកជនទាំង៣នោះ គឺក្រុមហ៊ុនស៊ីនទ្រី ក្រុមហ៊ុន Mizuda Group Co.,Ltd និងក្រុមហ៊ុន 800 Super/GAEA ។ រដ្ឋបាលរាជធានីភ្នំពេញបានធ្វើពិធីប្រគល់-ទទួលកិច្ចសន្យា ស្តីពីការផ្តល់សេវាប្រមូល និងដឹកជញ្ជូនសំរាមសំណល់រឹង នៅរាជធានីភ្នំពេញ ធ្វើនៅព្រឹកថ្ងៃទី៥ ខែកុម្ភៈ ឆ្នាំ២០២១ នៅសាលារាជធានីភ្នំពេញ ស្ថិតក្នុងអធិបតីភាព លោក ឃួង ស្រេង អភិបាលរាជធានីភ្នំពេញ ។
សូមរម្លឹកថា កាលពីថ្ងៃទី២៥ ខែតុលា ឆ្នាំ២០១៩ សម្តេចតេជោ ហ៊ុន សែន បានប្រកាសជាផ្លូវការ ក្នុងកិច្ចប្រជុំពេញអង្គគណៈរដ្ឋមន្ត្រី សម្រេចដកសិទ្ធិប្រមូលសំរាម នៅរាជធានីភ្នំពេញ ពីក្រុមហ៊ុន ស៊ិនទ្រី ដោយដាក់ឲ្យស្តិតក្រោមការគ្រប់គ្រងរបស់រដ្ឋជាបណ្តោះអាសន្ន ។
សម្តេចតេជោ ក៏បានប្រកាសឲ្យក្រសួងសេដ្ឋកិច្ច និងហិរញ្ញវត្ថុ និងអាជ្ញាធររាជធានីភ្នំពញ រៀបចំបែងចែកតំបន់គ្រប់គ្រង និងប្រមូលសំរាមយ៉ាងហោចណាស់៤តំបន់ ហើយដាក់ឲ្យក្រុមហ៊ុនឯកជន ដេញថ្លៃប្រមូល និងគ្រប់គ្រងសំរាម នៅរាជធានីភ្នំពេញ ដោយក្រុមហ៊ុន១ មានសិទ្ធិទទួលបានតែ១តំបន់ប៉ុណ្ណោះ ។
ការដកសិទ្ធិពីក្រុមហ៊ុនស៊ីនទ្រី ឈប់ឲ្យប្រមូលសំរាម នៅភ្នំពេញ ដោយសារតែក្រុមហ៊ុនផ្តាច់មុខយូរឆ្នាំមកហើយមួយនេះ មិនអាចគ្រប់គ្រងប្រមូល និងដឹកជញ្ជូនសំរាមទាន់ពេលវេលា ៕
ចែករំលែកព័តមាននេះ