ខេត្តកំពង់ឆ្នាំង ៖ នៅជាប់នឹងជើងភ្នំទូកមាស ស្ថិតនៅខាងក្រោយប្រាសាទថ្នមប្ដី ក្នុងភូមិជ្រលងឃុំដារ ស្រុកកំពង់លែង បច្ចុប្បន្ន គេឃើញក្រុមហ៊ុនឯកជនមួយ ប្រើគ្រឿងចក្រជីកយកអាចម៍ដីដឹកលក់យ៉ាងអនាធិបតេយ្យ ដោយពុំឃើញមានអាជ្ញាធរ…
ខេត្តកំពង់ឆ្នាំង ៖ នៅជាប់នឹងជើងភ្នំទូកមាស ស្ថិតនៅខាងក្រោយប្រាសាទថ្នមប្ដី ក្នុងភូមិជ្រលងឃុំដារ ស្រុកកំពង់លែង បច្ចុប្បន្ន គេឃើញក្រុមហ៊ុនឯកជនមួយ ប្រើគ្រឿងចក្រជីកយកអាចម៍ដីដឹកលក់យ៉ាងអនាធិបតេយ្យ ដោយពុំឃើញមានអាជ្ញាធរ ឬមន្ត្រីជំនាញពាក់ព័ន្ធទប់ស្កាត់នោះឡើយ ។
ក្នុងពេលចុះថតផ្តិតយករូបភាពពីសកម្មភាពជីកយកដីនៅជាប់ជើងភ្នំទូកមាសនេះ គេឃើញឈ្មោះ បឹល រស់នៅភូមិជ្រលង ឃុំដារ ស្រុកកំពង់លែង ដែលជាម្ចាស់គ្រឿងចក្រ បានបង្ហាញអាជ្ញាប័ណ្ណមួយច្បាប់លេខ ៥៣ ចុះថ្ងៃទី ៧ ខែមករា ឆ្នាំ ២០ ២១ ដែលចេញដោយ អាជ្ញាធរ ខេត្តកំពង់ឆ្នាំងបង្ហាញដល់ក្រុមអ្នកសារព័ត៌មាន ។
នៅក្នុងអាជ្ញាប័ណ្ណនោះ បានអនុញ្ញាតឲ្យឈ្មោះ ប៉ុក សម្បត្តិ មានអាសយដ្ឋាននៅភូមិឈើល្វីង ឃុំតាំងក្រសាំង ស្រុកសន្ទុក ខេត្ត កំពង់ធំ ធ្វើសិប្បកម្មធនធានរ៉ែ ជីកយកអាចម៍ដីតាម រណ្តៅដី ចល័តក្នុងឃុំដា ស្រុកកំពង់លែង ដែលមានសុពលភាពមួយឆ្នាំ គិតចាប់ពីថ្ងៃទី០៥ខែមករា ឆ្នាំ២០២១ ដល់ថ្ងៃទី០៥ ខែមករា ឆ្នាំ២០២២ ។
បើតាមកការពិនិត្យ នៅក្នុងអាជ្ញាប័ណ្ណបានកំណត់ថា ការប្រតិបត្តិការលើដីមួយកន្លែងៗមានទំហំមិនលើសពី ៥ពាន់ម៉ែត្រការ៉េ ត្រូវជីកដីជំរៅមិនឲ្យ លើសពី ៣ម៉ែត្រឡើយ។ ចំពោះដីដែលមានផ្ទៃក្រឡាមិនលើសពី១ម៉ឺនម៉ែត្រការ៉េ ត្រូវជីករណ្ដៅដីមិនឲ្យលើសពី ១ ម៉ែត្រនោះឡើយ ។ មានន័យថា៖ ផ្ទៃដីក្រោម៥ពាន់ម៉ែត្រការ៉េ ឬស្មើកន្លះហិកតា មិនត្រូវជីកលើសពី៣ម៉ែត្រឡើយ ហើយបើផ្ទៃក្រឡាក្រោម១ម៉ឺនម៉ែត្រការ៉េ ឬស្មើនឹង១ហិកតា មិនត្រូវជីកលើសជម្រៅ១ម៉ែត្រឡើយ ។
ផ្ទុយទៅវិញបើពិនិត្យលើសកម្មភាពជាក់ស្តែង គឺក្រុមហ៊ុនឯកជនមួយនេះ ពិតជាអនុវត្តបំពានច្បាប់ផ្ទុយ ពីអាជ្ញាប័ណ្ណដែលបានកំណត់ ។ ព្រោះថាជម្រៅដីដែលគេកំពុងតែជីកយកដីពីជើងភ្នំកន្លែងខាងលើនេះ គឺមានជំរៅ ដល់ប្រមាណជាង៦ម៉ែត្រឯណោះ ។លើសពីនេះទៀត ការជីកយកដីរបស់កក្រុមហ៊ុនខាងលើ ធ្វើឱ្យប៉ះពាល់ជើងភ្នំដែលខុសនិងច្បាប់កំណត់ផងដែរ។
ដូច្នេះ បើអនុវត្តតាមច្បាប់ក្រុមហ៊ុនមួយនេះនឹងត្រូវដកអាជ្ញាប័ណ្ណទុកព្យួរមួយរយៈដើម្បីអនុវត្តច្បាប់ ។ ប៉ុន្តែសកម្មភាពបំពានច្បាប់ របស់ក្រុមហ៊ុនខាងលើ ពុំឃើញមានអាជ្ញាធរ ឬសមត្ថកិច្ចពាក់ព័ន្ធណាមួយចុះមកទប់ស្កាត់នោះឡើយ គឺបណ្ដែតបណ្ដោយឲ្យក្រុមហ៊ុនមួយនេះធ្វើសកម្មភាពយ៉ាងអនាធិបតេយ្យ ដែលធ្វើឲ្យប៉ះពាល់យ៉ាងធ្ងន់ធ្ងរទៅដល់ធន ធានធម្មជាតិរបស់រដ្ឋ ។
ទាក់ទងនិងបញ្ហាខាងលើនេះ លោក អ៊ុក រស់ ប្រធានមន្ទីររ៉ែ និងថាមពលខេត្តកំពង់ឆ្នាំងបានបញ្ជាក់បានប្រាប់អ្នកសារព័ត៌មានថា៖ លោកអរគុណ ចំពោះសេចក្តីរាយ ការណ៍នេះ ហើយរឿងនេះ លោកនឹងចាត់ឲ្យមន្ត្រីជំនាញចុះទៅពិនិត្យមើលលើទីតាំងដែលគេបានជីកកកាយខាងលើនេះ ជាក់ស្ដែង និងប្រសិន បើការ អនុវត្តនោះខុសអាជ្ញាប័ណ្ណពិតមែន លោកនឹងមានវិធានការតាមផ្លូវច្បាប់ ដោយមិនបណ្ដែត បណ្ដោ យឲ្យក្រុមហ៊ុនមួយនេះធ្វើសកម្មភាពជិះកកាយដីតាមទំនើងចិត្តឡើយ ៕
ចែករំលែកព័តមាននេះ