គ្មានប្រាក់តម្កល់ខ្លួនទេ ក៏ពិតជាគ្មានវាសនាបានទៅផ្ទះវិញដែរ
- ភ្នំពេញ
រាជធនីភ្នំពេញ ៖ លោក សឿន មុនីរ័ត្ន ព្រះរាជអាជ្ញារង និងជាតំណាងអយ្យការអមសាលាដំបូងរាជធានីភ្នំពេញ នៅថ្ងៃទី៤ ខែកុម្ភ: ឆ្នាំ២០២១…
រាជធនីភ្នំពេញ ៖ លោក សឿន មុនីរ័ត្ន ព្រះរាជអាជ្ញារង និងជាតំណាងអយ្យការអមសាលាដំបូងរាជធានីភ្នំពេញ នៅថ្ងៃទី៤ ខែកុម្ភ: ឆ្នាំ២០២១ នេះ បាននឹងកំពុងបើកការសាកសួរលើសំណុំរឿង.មិនបំពេញកតប្បកិច្ចចំពោះឧប្រណ៍អាចជួញដូរបាន(ស្អែកស្អុយ)ដែលក្នុងនោះមានជនត្រូវចោទចំនួន២នាក់ ម្នាក់ឈ្មោះ ឆឹម លក្ខិណា ភេទស្រី អាយុ៥២ឆ្នាំ ជាអ្នកលក់ដូរ ស្នាក់នៅផ្ទះគ្មានលេខ ផ្លូវលំ ភូមិមណ្ឌល៣ សង្កាត់ស្លក្រាម ក្រុង.ខេត្តសៀមរាប និងម្នាក់ទៀតឈ្មោះ បូ សេរីរ័ត្ន ភេទស្រី អាយុ៤០ឆ្នាំ ជាអ្នកលក់ដូរ ស្នាក់នៅផ្ទះគ្មានលេខ ផ្លូវលំ ភូមិមណ្ឌល៣ សង្កាត់ស្ល ក្រាម ក្រុង.ខេត្តសៀមរាប ។
ជនសង្ស័យទាំង២នាក់ ត្រូវបានកម្លាំងសមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ បានធ្វើការឃាត់ខ្លួនកាលពីវេលាម៉ោង១២ថ្ងៃត្រង់ថ្ងៃទី១ ខែកុម្ភៈ ឆ្នាំ២០២១ នៅមុខផ្សារក្រឡាញ់ ខេត្តសៀមរាប តាមដីកាបញ្ជាឲ្យចូលខ្លួនលេខ០៤៧ អ.យ.ខ និងលេខ០៤៨ អ.យ. ខ ចុះថ្ងៃទី២៧ ខែមករា ឆ្នាំ២០២១ របស់លោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដោយយោងតាមពាក្យបណ្តឹងរបស់លោក ហ៊ាង រតនា ដែលជាជនរងគ្រោះ ។
បន្ទាប់ពីឃាត់ខ្លួនជនសង្ស័យ ត្រូវបានសមត្ថកិច្ចបញ្ជូនមកកាន់រាជធានីភ្នំពេញ ដើម្បីប្រគល់ជូនស្ថាប័នអយ្យការធ្វើការដាកសួរ ដោយហេតុជនសង្ស័យបានប្រព្រឹត្តបទល្មើសនៅទីនេះ ។ តាមពាក្យបណ្តឹងបានបញ្ជាក់ថា កាលពីថ្ងៃទី៦ ខែសីហា ឆ្នាំ២០២០ ស្ត្រីទាំង២នាក់ខាងលើ បានទៅខ្ចីប្រាក់លោក ហ៊ាង រតនា ចំនួន១២៨.៨១០ដុល្លារអាមេរិក ដើម្បីយកទៅធ្វើដើមទុនប្រកបមុខរបររកស៊ី និងបានសន្យាសងវិញតាមពេលវេលាកំណត់ ហើយក្នុងនោះដែរ ដើម្បីឲ្យមានការទុកចិត្តទាំងសងខាង ស្ត្រី២នាក់បានចេញមូលប្បទានបត្រចំនួន៤ សន្លឹកឲ្យទៅភាគីម្ចាស់បំ ណុល ។
លុះដល់ថ្ងៃកំណត់ជនរងគ្រោះ បានយកមូលប្បទានប័ត (សែក)មួយសន្លឹក ក្នុងចំណោម៤សន្លឹក ទៅបើកយកប្រាក់ពីធនាគារស្រាប់តែបើកមិនបាន ពោលគឺសែក
មួយសន្តឹកនោះ ជាសែកស្អុយតែម្តង ។ ដោយមានមូលហេតុយ៉ាងដូច្នោះហើយម្ចា ស់បំណុល ក៏បានទាក់ទងទៅចុងចោទ ដើម្បីឲ្យមកជួបដោះស្រា យគ្នាពាក់ពន្ធ.មូលប្បទានប័តអត់សាច់ប្រាក់នោះ តែស្ត្រីទាំង២ នាក់បានគេចវេសមិនព្រមចូលខ្លួនទេ ច្រើនលើកច្រើនសារ ទើបលោក ហ៊ាង រតនា សម្រេចចិត្តដាក់ពាក្យបណ្តឹងទៅសមត្តកិច្ចឲ្យឃាត់ខ្លួន ដើម្បីចាត់ការតាមផ្លូវច្បាប់ ។
នៅចំពោះមុខសមត្ថកិច្ចស្ត្រីទាំង២នាក់បានសារភាពថា ចំពោះមូលប្បទានបត្រលេខ ៨៥២៥២៦ ចុះថ្ងៃទី៦ ខែវិច្ឆិកា ឆ្នាំ២០២០ មានទឹកប្រាក់ចំនួន៣៤,៨១០ដុល្លារអាមេរិក របស់ធនាគារអេស៊ីលីដា ដែលចេញឲ្យទៅឈ្មោះ ហ៊ាង រតនា គឺមានប្រាក់ក្នុងគណនី ប៉ុន្តែពុំអាចបើកបានទេ ដោយពួកគាត់បានចុះហត្ថលេខាលើមូលប្បទានបត្រខុសពីលក្ខន្តិករបស់ធនាគារ ។ ហើយរហូតដល់ពេល នេះក្នុងគណីនោះក៏គ្មានសាច់ប្រាក់ដែរ ដូច្នេះប្រាក់ដែលត្រូវសងទៅលោក ហ៊ាង រតនា ពិតជាមិនទាន់បានសងមែន ។
ពេលនេះជនសង្ស័យទាំង២នាក់កំពុងស្ថិតនៅដំណាក់កាលស្ថាប័នអយ្យការអមសាលាដំបូងរាជធានីភ្នំពេញ បើកការសាកសួរនៅឡើយទេ តែរឿងនេះបើជនសង្ស័យគ្មានប្រាក់ឬអចលនៈទ្រព្យណាមួយយកទៅដាក់តំកល់ ដើម្បីធានាខ្លួននៅចំពោះមុខតុលាការនោះទេ ពិតជាគ្មានសង្ឃឹមបានវិលមកផ្ទះវិញឲ្យសោះ ៕
ចែករំលែកព័តមាននេះ