រាជធានីភ្នំពេញ ៖ រាជរដ្ឋាភិបាលបានសម្រេចឲ្យម្ចាស់រថយន្តដែលដាក់ផ្លាក់លេខរដ្ឋ និងផ្លាកលេខ ខ.ម ត្រូវបង់ពន្ធជូនរដ្ឋ ចាប់ពីឆ្នាំ២០២០តទៅ ។ យោងតាមលិខិតមួយច្បាប់របស់ លោក…
រាជធានីភ្នំពេញ ៖ រាជរដ្ឋាភិបាលបានសម្រេចឲ្យម្ចាស់រថយន្តដែលដាក់ផ្លាក់លេខរដ្ឋ និងផ្លាកលេខ ខ.ម ត្រូវបង់ពន្ធជូនរដ្ឋ ចាប់ពីឆ្នាំ២០២០តទៅ ។
យោងតាមលិខិតមួយច្បាប់របស់ លោក គង់ វិបុល ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានពន្ធដារបានផ្ញើលិខិតមួយច្បាប់ទៅកាន់លោកនាយកឧត្តមសេនីយ៍ ចៅ ភិរុណ អគ្គនាយកនៃអគ្គនាយកដ្ឋានសម្ភារៈបច្ចេកទេសនៃក្រសួងការពារជាតិ បានឲ្យដឹងថា ដើម្បីស្នើសុំលតាបត្រពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ២០២០ ដោយ «ពន្ធជាបន្ទុករបស់រដ្ឋ» ។
តាមរយៈលិខិតលេខ ៥១៧/២០២០ អ. ន. ស. ប ចុះថ្ងៃទី១១ ខែកញ្ញា ឆ្នាំ២០២០ (ចំនួន៥៥៥១ ប័ណ្ណ សម្រាប់បិទលើរថយន្ត ៥ ៥៥១ ) និងលិខិតលេខ ៦៤៧/២០២០ អ.ន.ស.ប ចុះថ្ងៃទី០៩ ខែធ្នូ ឆ្នាំ២០២០ (ចំនួន ៨២៣ ប័ណ្ណ សម្រាប់បិទលើរថយន្តចំខ្លួន ៨២៣ គ្រឿង ) សរុបចំខ្ទខ ៦ ៣៧៤ ប័ណ្ណ ដើម្បីបិទលើរថយន្តចំនួន ៦ ៣៧៤ គ្រឿង ដែលពាក់ផ្លាកលេខ ខេមរភូមិខ្ញុំ (ខ. ម ) គ្រប់គ្រងដោយក្រសួងការពារជាតិ ក្នុងនោះមាន ៖
១. រថយន្តរបស់ក្រសួងការពារជាតិ – រថយន្តពាក់ផ្លាកលេខ ខ. ម មានពណ៌ត្រេអ៊ី ប្រភេមទេសចរណ៍ ចំនួន៥ ២៩៣រឿង ។ – រថយន្តពាក់ផ្លាកលេខ ខ .ម មានពណ៌ត្រេអ៊ី ប្រភេទបែន ចំនួន១២ គ្រឿង ។ -រថយន្តពាក់ផ្លាកលេខ ខ.ម មានពណ៌ត្រេអ៊ី ប្រភេទដឹកទំនិញ ចំនួន ១គ្រឿង -រថយន្តពាក់ផ្លាកលេខ ខ . ម មានពណ៌ត្រេអ៊ី ប្រភេទក្បាលសណ្តោងរឺម៉ក់ ចំនួន៣គ្រឿង ។ – រថយន្តជំនួយពីប្រទេសកូរ៉េ ប្រទេសចិន, វៀតណាម និងសម្តេចតេជោនាយករដ្ឋមន្ត្រីចំនួន ៥២០គ្រឿង ។
ប្រភពបញ្ជាក់ថា«រថយន្តដែលពាក់ផ្លាកលេខ ខ.ម មានពណ៌ចម្រុះ ប្រភេទទេសចរណ៍ ចំនួន ៥៤៥ គ្រឿង» ។ ប្រភពបន្តទៀតថា អនុលោមតាមចំណារយល់ព្រមដ៏ខ្ពង់ខ្ពស់របស់សម្តេចតេជោ នាយករដ្ឋមន្ត្រី កាលពីថ្ងៃទី២៥ ខែធ្នូ ឆ្នាំ២០២០ របស់ក្រសួងសេដ្ឋកិច្ច និងហិរញ្ញវត្ថុ ដែលបានសម្រេចជាគោលការណ៍លើការស្នើសុំលតាបត្រពន្ធលើ មធ្យោបាយដឹកជញ្ជូន និងយានជំនិះគ្រប់ប្រភេទ ឆ្នាំ២០២០ «ពន្ធជាបន្ទុករបស់រដ្ឋ » ចំពោះយានយន្តរបស់ក្រសួងការពារជាតិ ដែលមានវិធានការដូចខាងក្រោម ៖
ត្រូវបានអនុញ្ញាតឱ្យលើកលែងពន្ធចំពោះយានយន្តដែលជាកម្មសិទ្ធិរបស់អង្គភាពកងយោធពលខេមរភូមិន្ទ កងរាជអាវុធហត្ថ ដែលបម្រើការងារសម្រាប់កិច្ចការការពារជាតិ ជាមធ្យោបាយប្រើប្រាស់ដឹកជញ្ជូនសម្ភារទ័ព ឬដឹកជញ្ជូនកងទ័ព ក៏ដូចជា សម្រាប់កិច្ចការសន្តិសុខ និងសណ្តាប់ធ្នាប់សង្គម ស្របតាមប្រកាសលេខ ៥៣១ សហវ.ប្រក ចុះថ្ងៃទី៣០ ខែឧសភា ឆ្នាំ២០១៨ ។ តម្រូវឱ្យបង់ពន្ធដូចរថយន្តពាក់ផ្លាកលេខរដ្ឋដទៃទៀត ចំពោះរថយន្តរបស់ក្រសួងការពារជាតិ ដែលពាក់ផ្លាកលេខ រដ្ឋ6 និងផ្លាកលេខ ខ.ម ដែលបានកត់ត្រាចូលក្នុងបញ្ជីសារពើភណ្ឌទ្រព្យសម្បត្តិរដ្ឋកាន់កាប់ដោយក្រសួងការពារជាតិ ហើយបញ្ជីសារពើភណ្ឌនេះ ត្រូវបានបញ្ជូនមកក្រសួងសេដ្ឋកិច្ច និងហិរញ្ញវត្ថុ ស្របតាមច្បាប់ និងបទប្បញ្ញត្តិជាធរមាន ។
ចំពោះរថយន្តទាំងនេះ ត្រូវបានអនុញ្ញាតឱ្យបង់ពន្ធចាប់ពីឆ្នាំ២០២០តទៅ ដោយលើកលែងប្រាក់ពន្ធត្រឹមឆ្នាំ២០១ ៩ និងលើកលែងពិន័យទោសទណ្ឌដល់ឆ្នាំ២០២០ ។
លោកគង់ វិបុល បានបញ្ជាក់ថា តម្រូវឱ្យបង់ពន្ធដូចរថយន្តឯកជនដទៃទៀត ចំពោះរថយន្តដែលជាកម្មសិទ្ធិឯកជន ដែលជ្រកក្រោមផ្លាកលេខ ខ.ម ដោយត្រូវបានអនុញ្ញាតឱ្យបង់ពន្ធចាប់ពីឆ្នាំ២០២០តទៅ ដោយលើកលែងប្រាក់ពន្ធត្រឹមឆ្នាំ២០១៩ និងបើកលែងពិន័យ ទោសទណ្ឌដល់ឆ្នាំ២០២០ ប៉ុន្តែរថយន្តទាំងនោះត្រូវទៅចុះបញ្ជីបង់ពន្ធនៅអគ្គនាយកដ្ឋានពន្ធដារ និងចុះបញ្ជីនៅ ក្រសួងសាធារណការ និងដឹកជញ្ជូន ។
លិខិតក៏បានលើកឡើងថា ការលើកលែងប្រាក់ពន្ធត្រឹមឆ្នាំ២០១៩ និងលើកលែងពិន័យទោសទណ្ឌដល់ឆ្នាំ២០២០ ចំពោះរថយន្តក្នុងចំណុចទី២ និងចំណុចទី៣ បើពុំមានអានុភាពប្រតិសកម្មចំពោះប្រាក់ពន្ធដែលបានបង់រួចនោះទេ ។ ក្នុងន័យពង្រឹងការគ្រប់គ្រងប្រមូលពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទ និងពន្លឿនការ ចុះបញ្ជីបង់ពន្ធ ព្រមទាំងចៀសវាងផ្លូវបាតុភាពអសកម្មជាយថាហេតុណាមួយ អគ្គនាយកដ្ឋានពន្ធដារស្នើសុំអគ្គនាយកដ្ឋានសម្ភារៈបច្ចេកទេស នៃ ក្រសួងការពារជាតិ ផ្តល់កិច្ចសហការរៀបចំដូចខាងក្រោម ៖
១. តារាងស្ថិតិរថយន្ត (ដូចមានតំរូ តារាងទី១) ព្រមទាំងភ្ជាប់មកជាមួយនូវប័ណ្ណសម្គាល់យានយន្ត និងវិញ្ញាបន៧២ ត្រតពិនិត្យលក្ខណៈបច្ចេកទេសរថយន្ត ចំពោះរថយន្តក្នុងចំណុចទី១ ខាងលើ ។ ដូចនេះ រថយន្តទាំងនេះត្រូវបង់ពន្ធ លើមធ្យោបាយដឹកជញ្ជូននិងយានជំនិះគ្រប់ប្រភេទ ដោយ «ពន្ធជាបន្ទុករបស់រដ្ឋ» ។
២ តារាងស្ថិតិរថយន្ត (ដូចមាន គំរូតារាងទី២) ព្រមទាំងភ្ជាប់មកជាមួយនូវប័ណ្ណសម្គាល់យានយន្ត និងវិញ្ញាបនបត្រ ត្រួតពិនិត្យលក្ខណៈបច្ចេកទេសរថយន្ត ចំពោះរថយន្តចំណុចទី២ ខាងលើ ។ ដូចនេះ រថយន្តនៅក្នុងចំណុចនេះត្រូវ បង់ពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទតាមរយៈអាណត្តិបើកប្រាក់របស់រតនាគារជាតិ ។
៣. ចំពោះរថយន្តចំនុចទី៣ ខាងលើ សូមអគ្គនាយកដ្ឋានសម្ភារៈបច្ចេកទេសជំរុញឱ្យម្ចាស់រថយន្តទៅប្រកាសបង់ពន្ធឱ្យ បានទាន់ពេលវេលាកំណត់តាមច្បាប់ និង បទប្បញ្ញត្តិជាធរមាន ចាប់ពីឆ្នាំ២០២០ តទៅ ។ រថយន្តនៅក្នុងចំណុចនេះត្រូវបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទជាសាច់ប្រាក់ផ្ទាល់ខ្លួន៕
ចែករំលែកព័តមាននេះ