ខេត្តតាកែវ ៖ លោក ហ៊ឹន សុខខេង ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តតាកែវ ត្រូវបានមន្ត្រីនគរបាលថ្នាក់ក្រោម និងប្រជាពលរដ្ឋក្នុងក្រុងដូនកែវ ដែលសុំមិនបញ្ចេញឈ្មោះសរសេរពាក្យបណ្តឹងប្តឹងរូបលោកទៅសម្តេចក្រឡាហោម ស…
ខេត្តតាកែវ ៖ លោក ហ៊ឹន សុខខេង ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តតាកែវ ត្រូវបានមន្ត្រីនគរបាលថ្នាក់ក្រោម និងប្រជាពលរដ្ឋក្នុងក្រុងដូនកែវ ដែលសុំមិនបញ្ចេញឈ្មោះសរសេរពាក្យបណ្តឹងប្តឹងរូបលោកទៅសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ ចាត់វិធានការពាក់ព័ន្ធនឹងភាពមិនស្របច្បាប់មួយចំនួនដែលលោកស្នងការរងរូបនេះបានប្រព្រឹត្ត។
តាមពាក្យបណ្តឹងសុំអន្តរាគមន៍ចុះថ្ងៃទី៣១ ខែកក្កដា ឆ្នាំ២០២០នោះ គឺ ៖ លោកឧត្តមសេនីយ៍ត្រី ហ៊ឹន សុខខេង អត្តលេខ ៣០២៦៨ ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តតាកែវ ថា បានធ្វើឲ្យពលរដ្ឋពុំមានទំនុកចិត្ត ភ័យខ្លាច និងបានប្រព្រឹត្តបទល្មើសមួយចំនួនដោយផ្ទាល់ខ្លួន។
ខ្លឹមសារនៃពាក្យបណ្តឹងបានបញ្ជាក់ថា ចាប់តាំងពីលោកស្នងការរងរូបនេះចូលកាន់តំណែងនៅដើមឆ្នាំ២០១៩មក ពុំដែលមានស្នាដៃក្នុងការបង្ក្រាបបទល្មើសទេ គឺបានតែអួតអាងបង្កើតបក្សពួក គំរាមកំហែងថ្នាក់ក្រោម គិតតែផលប្រយោជន៍ផ្ទាល់ខ្លួន។
នៅចុងឆ្នាំ២០១៩ លោកឧត្តមសេនីយ៍ត្រី ហ៊ិន សុខខេង និងបក្សពួកបានចាប់បង្ខាំងជនរងគ្រោះជំរិតយកប្រាក់ចំនួន២០០,០០០ដុល្លារ (ពីររយពាន់ដុល្លារសហរដ្ឋអាមេរិក) និងនៅថ្ងៃទី៣១ ខែធ្នូ ឆ្នាំ២០១៩ លោក និងលោកវរសេនីយ៍ទោ សាក់ ទូច រួមទាំងបក្សពួកបានធ្វើសកម្មភាពចាប់បង្ខាំងជនរងគ្រោះជនជាតិវៀតណាមចំនួន៣នាក់ និងជនជាតិខ្មែរ២នាក់ ជំរិតយកប្រាក់ចំនួន១០០,០០០ដុល្លារ (មួយររយពាន់ដុល្លារអាមេរិក) និងដកហូតយកខ្សែដៃ ខ្សែ.ក និងចិញ្ចៀនពេជ្រពីជនរងគ្រោះទៀតផង ដោយមានលោកវរសេនីយ៍ទោ រស់ សេន នាយរងការិយាល័យបុគ្គលិកជាអ្នកបកប្រែ។
លុះដល់ថ្ងៃទី១ ខែមករា ឆ្នាំ២០២០ មានតំណាងជនរងគ្រោះ២នាក់បានមកប្តឹងតវ៉ាដល់ស្នងការដ្ឋាន ក្នុងគោលបំណងទាមទាឲ្យអនុវត្តច្បាប់ចំពោះមន្ត្រីនគរបាលខាងលើ និងទាមទារយកសម្ភារៈដែលដកហូតពីជនរងគ្រោះជាអ្នកវិនិយោគិនជនជាតិវៀតណាមត្រឡប់មកវិញ។
ក្រោយមានបណ្តឹងតវ៉ា ក៏មានស្នងការរងនៃស្នងការដ្ឋាននគរបាលខេត្តតាកែវមួយរូប (មិនស្គាល់ឈ្មោះ) បានយកសម្ភារៈទៅប្រគល់ឲ្យជនរងគ្រោះវិញដល់រាជធានីភ្នំពេញ។ ករណីខាងលើនេះដែរ តំណាងអយ្យការអមសាលាដំបូងខេត្តតាកែវ ធ្លាប់បានកោះហៅលោកឧត្តមសេនីយ៍ត្រី ហ៊ិង សុខខេង សាកសួរដំណើររឿងបង្ខាំងមនុស្សខុសច្បាប់ម្តងរួចមកហើយ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ