បញ្ចប់ទំនាស់ដីធ្លី រវាងប្រជាពលរដ្ឋ ១០គ្រួសារ ដែលអូសបន្លាយជាង ១៥ឆ្នាំ នៅបន្ទាយស្រី
- សៀមរាប
ខេត្តសៀមរាប៖ លោក ឃឹម ហ្វីណង់ អភិបាលស្រុកបន្ទាយស្រី បានសម្របសម្រួល ដោះស្រាយបញ្ចប់ទំនាស់ដីធ្លីរវាងប្រជាពលរដ្ឋ ១០គ្រួសារ ដែលបានអូសបន្លាយជាង ១៥ឆ្នាំ។…
ខេត្តសៀមរាប៖ លោក ឃឹម ហ្វីណង់ អភិបាលស្រុកបន្ទាយស្រី បានសម្របសម្រួល ដោះស្រាយបញ្ចប់ទំនាស់ដីធ្លីរវាងប្រជាពលរដ្ឋ ១០គ្រួសារ ដែលបានអូសបន្លាយជាង ១៥ឆ្នាំ។…
ខេត្តសៀមរាប៖ លោក ឃឹម ហ្វីណង់ អភិបាលស្រុកបន្ទាយស្រី បានសម្របសម្រួល ដោះស្រាយបញ្ចប់ទំនាស់ដីធ្លីរវាងប្រជាពលរដ្ឋ ១០គ្រួសារ ដែលបានអូសបន្លាយជាង ១៥ឆ្នាំ។ ភាគីជម្លោះ បានជ្រើសយកការចាប់ដៃគ្នា សម្បទានទៅវិញទៅមក និងទទួលយកដំណោះស្រាយ ដោយស្នាមញញឹមរៀងៗខ្លួន ក្រោមនយោបាយឈ្នះឈ្នះ ហើយយល់ព្រមផ្តិតមេដៃបញ្ចប់វិវាទ នៅចំពោះមុខរដ្ឋបាលស្រុកបន្ទាយស្រី។
លោកអភិបាលស្រុកវ័យក្មេង បានបញ្ជាក់ថា ១៥ឆ្នាំកន្លងទៅនៃទំនាស់ដីធ្លី នៅស្រុកបន្ទាយស្រីនេះ បានក្លាយជាឧបសគ្គដល់ការរស់នៅប្រកបដោយសុវត្ថិភាព និងមិនស្ងប់អារម្មណ៍សម្រាប់ភាគីជម្លោះទាំងសងខាង ខាតបង់ពេលវេលា និងបាត់បង់ឱកាសប្រើប្រាស់ដីធ្លីរបស់ខ្លួន ឱ្យអស់សក្តានុពល សូម្បីតែអាជ្ញាធរ ក៏ជាប់រវល់ដោះស្រាយ និងខាត បង់ពេលវេលា ដើម្បីអភិវឌ្ឍមូលដ្ឋាន មិនតិចដែរ។
លោកសង្ឃឹមថា ករណីនេះ នឹងធ្វើឱ្យករណីវិវាទដទៃទៀត មានការបន្ទន់ឥរិយាបថ និងព្រមទទួលយកដំណោះស្រាយ ដែលអាជ្ញាធរ បានប្រឹងប្រែងស្វែងរកជូន។
លោកបន្ថែមទៀតថា ក្នុងឆ្នាំ២០២១ នេះ រដ្ឋបាលស្រុក នឹងបើកយុទ្ធនាការដោះស្រាយបញ្ចប់ ឬបញ្ជូនបន្តទៅស្ថាប័ន មានសមត្ថកិច្ចនូវពាក្យបណ្តឹងពាក់ព័ន្ធនឹងបញ្ហាដីធ្លី សរុបជាង ១០០ករណី ដែលបាននៅកកស្ទះជាច្រើនឆ្នាំមកហើយ ដើម្បីត្រួសត្រាយផ្លូវដល់ការចុះបញ្ជីជាប្រព័ន្ធ ដែលនឹងធានាភាពរឹងមាំច្បាស់លាស់ និងសុវត្ថិភាពនៃការកាន់កាប់ដីធ្លីដែលមានការការពារដោយមូលដ្ឋានច្បាប់ត្រឹមត្រូវ ជូនដល់ប្រជាពលរដ្ឋ ក្នុងការប្រើប្រាស់ដីធ្លីរបស់ខ្លួនជាទ្រព្យដ៏មានតម្លៃឱ្យអស់សក្តានុពល៕ ដោយ៖ ច័ន្ទ រស្មី
ចែករំលែកព័តមាននេះ