រាជធានីភ្នំពេញ ៖ មានមូលហេតុជាច្រើនដែលបណ្តាលឱ្យមនុស្សខ្លះទទួលបានភាពជោគជ័យ ប៉ុន្តែអ្នកខ្លះទៀតចង់ទទួលបានជោគជ័យដែរ តែអាចទទួលបាន វាអាចថាបណ្តាលមកពីពួកគាត់មិនអនុវត្តន៍ ឬមិនអភិវឌ្ឃន៍ខ្លួន ឬគ្រាន់តែមានបំណងតែមិនធ្វើ។ ខាងក្រោមនេះ ជាការបកស្រាយរបស់គ្រូមានប្រជាប្រិយម្នាក់…
រាជធានីភ្នំពេញ ៖ មានមូលហេតុជាច្រើនដែលបណ្តាលឱ្យមនុស្សខ្លះទទួលបានភាពជោគជ័យ ប៉ុន្តែអ្នកខ្លះទៀតចង់ទទួលបានជោគជ័យដែរ តែអាចទទួលបាន វាអាចថាបណ្តាលមកពីពួកគាត់មិនអនុវត្តន៍ ឬមិនអភិវឌ្ឃន៍ខ្លួន ឬគ្រាន់តែមានបំណងតែមិនធ្វើ។ ខាងក្រោមនេះ ជាការបកស្រាយរបស់គ្រូមានប្រជាប្រិយម្នាក់ ស្តីអំពីកត្តាខ្លះៗដែលជាហេតុផលធ្វើឱ្យមនុស្សខ្លះមិនទទួលបានជោគជ័យ ។
តាមរយៈលោកគ្រូ ឃីម សុខហេង ដែលជាស្ថាបនិកវិទ្យាស្ថានសិក្សា ដើម្បីជោគជ័យបានបកស្រាយថា ៖ «អ្វីក៏ដោយវាមិនពិបាកសម្រាប់អ្នកចេះនោះទេ ចឹងបានគេប្រាប់ឱ្យយើងខំប្រឹងរៀន អ្នកខ្លះម៉ែឱ្យលុយទៅរៀន មិនទៅរៀនបែរជាទៅញៀនថ្នាំ អនាគតមិនគុក ព្រោះពេលញៀនហើយ រកលុយទិញថ្នាំញៀនមិនបាន មិនទៅលួចគេ។ មួយទៀត អ្នកខ្លះចង់ជោគជ័យ ចង់ណាស់ដើរកការងាររកអីចឹងទៅដល់ពេលគេផ្តល់ឳកាសឱ្យថ្ងៃទៅធ្វើការឈឺ រលាកក្រពះទៅធ្វើការអត់កើត ឈឺជាប្រចាំ តើជោគជ័យទេ បើបែបៗនឹង កុំថាឡើយទៅធ្វើការក្នុងក្រុមហ៊ុនគេបញ្ឈប់ តែធ្វើការឱ្យបងប្អូនឯងក៏គេដេញចោលដែរ ព្រោះវាធ្វើការអត់កើត បើបែបនេះជោគជ័យអត់ ឃើញហេតុដែលនាំឱ្យបរាជ័យទេ?»។
លោកគ្រូបានបន្តថា ប្រភេទមនុស្សមួយទៀត ចង់ជោគជ័យ ហើយមានឳកាសទៅធ្វើហើយ អត់ឈឺទេ អត់ញៀនថ្នាំទេ ប៉ុន្តែដល់ពេលចូលទៅធ្វើការ អត់គោរពពេលវេលា ហើយបើមេនៅមុខធ្វើការងាប់ចោល មេចេញទៅបាត់ ងាប់មិនធ្វើផង អាមិនធ្វើហើយ មេចេញទៅបាត់ លួចគ្មានមេត្តា តើនេះអាចជោគជ័យអត់? តើយើងអាចធ្វើតាមនឹងបានទេមើលទៅ។
មិនត្រឹមតែប៉ុណ្ណេះ លោកគ្រូ បន្តបកស្រាយថា ៖ «មនុស្សខ្លះច្រើនគិតថាជោគជ័យវាពិបាក ប៉ុន្តែខ្ញុំមើលឃើញថាវាអត់មានអ្វីដែលពិបាកនោះទេ មកពីយើងមិនព្រមធ្វើអ្វី ដែលត្រូវ ដែលនាំឱ្យខ្លួនយើងទទួលបានជោគជ័យ។ យើងចង់ជោគជ័យ យើងចង់ឡើងឋានសួគ៌ា តែយើងធ្វើទង្វើ ដែលធ្វើឱ្យយើងចុះនរក អានឹងយ៉ាងម៉េចវិញ? រឿងខ្លះមិនមែនយើងមិនដឹងនោះទេ ឧទាហរណ៍ថា ពេលគេណាត់យើង គេមកមិនទាន់ការណាត់ គេមកខក យើងមានអារម្មណ៍យ៉ាងម៉េច? បើគេមកធ្វើការឱ្យយើង មកតែលួច តើយើងគិតម៉េច? ចង់ឡើងតំណែង ចង់ឡើងប្រាក់ខែ សួរថាតើទៅធ្វើអ្វីកើត? ទៅធ្វើអ្វីបាន? ងាយទេ! ធ្វើឱ្យតែបានផល ឱ្យតែបានស្នាដៃច្រើនទៅ អ្នកណាហ៊ានឱ្យប្រាក់ខែយើងតិច អ្នកណាហ៊ានឱ្យតំណែងយើងតូច បើយើងជាមនុស្សដែលអាចធ្វើការងារធំបាន»។
ជោគជ័យវាអត់មានអ្វីពិបាកទេនោះទេ ប៉ុន្តែយើងទេ! ដែលមិនព្រមធ្វើទង្វើដែលនាំឱ្យយើងជោគជ័យ។ មានឳកាសហើយ ទៅធ្វើការលួចគ្មានមេត្តា ទៅធ្វើការមិនទាន់ម៉ោង បើនិយាយពីចរិក ចរិកចូលគេមិនចុះ ជំងឺតួរឯក បូសក្លៀក អាត្មានិយម យល់តែខ្លួនឯងសំខាន់តែម្នាក់ ក្នុងក្បាលគិតត្រឹមថា អញសំខាន់ ហើយបើយល់ថាអញសំខាន់ហើយ អ្នកដទៃជុំវិញខុសពីអញអាចន៍គោទាំងអស់ ហើយទៅចូលជាមួយអ្នកណាគេកើត។
លោកគ្រូ ក៏បានណែនាំថា គន្លឹះជោគជ័យមួយក្នុងចំណោម គន្លឹះជាច្រើន គឺរួបរួមសាមគ្គីធ្វើការជា team ដូចពាក្យចាស់លោកថា ចង្កឹះមួយបាច់កាច់មិនបាក់ ងាកមកយើង អញនិយម! ទៅម៉េចរួច។
រីឯគំនិតគិតតែរឿងអវិជ្ជមាន មានឥរិយាបថអវិជ្ជមាន ចឹងអាទស្សនៈអវិជ្ជមាន ការយល់ឃើញអវិជ្ជមានវាគឺជាកម្លាំងកកិត។ ដើម្បីឱ្យខ្លួនយើងអភិវឌ្ឍទៅមុខ តើយើងត្រូវការគេលើកដែរ ត្រូវការគេរុញដែរ! បុគ្គលិកខ្លះ ធ្វើការចាំទាល់តែគេរុញ គេលើក គេបញ្ជោរ បានទៅមុខ។ ចុះបើយើងចាំឱ្យតែគេលើក គេរុញចឹង ចុះបើអ្នកចាំរុញ អ្នកចាំលើកស្លាប់បាត់ទៅ តើយើងទៅមុខដោយរបៀបម៉េច?
ចឹងអ្វីដែលលោកគ្រូចង់ឱ្យប្អូនៗយល់ថា ហេតុអ្វីមនុស្សចង់ជោគជ័យ ប៉ុន្តែមិនអាចជោគជ័យ ដូចអ្វីដែលខ្លួនចង់យកជោគជ័យនឹងមកកាន់បាន។ គេរុញបន្តិចបានទៅមុខបន្តិច ដូចកូនខ្លះទាល់តែម៉ែឪស្តីថាខ្លាំងទៅបានទៅរៀនតិចទៅ ដល់ពេលម៉ែឪឈប់និយាយ ដើរលេង សម្បូរបែប អ៉ីចឹងទៅ។ រីឯបុគ្គលិកខ្លះ ចង់ជោគជ័យធ្វើការទាល់តែចាំគេប្រាប់ ចាំតែគេឆ្កឹះគ្រប់ពេល ទោះបីជាដឹងថាអ្វីត្រូវធ្វើមួយពីរបីក៏ដោយ តែបើអត់មានអ្នករំឭកចាំថា អត់ទៅមុខ។ អ្នកខ្លះមានផ្នត់គំនិតអវិជ្ជមាន បុគ្គលិកខ្លះគិតថាប្រឹងអ្វីពេកម៉ាទៅធ្វើការឱ្យគេ។ ហើយប្រសិនជាកូនអ្នកមានខ្លះ ខ្ញុំមិនចាច់ប្រឹងក៏មានម៉ែឪចិញ្ចឹមដែរ នេះពឹងលើម៉ែឪ ចុះប្រសិនជាថ្ងៃណាមួយ គាត់ចែកឋានទៅ តើយើងត្រូវពឹងអ្នកណា?
លោកគ្រូបានបន្តថា ៖ «យើងត្រូវដឹងថា សម្រាប់បុគ្គលដែលជោគជ័យ ការដឹកនាំជីវិត ការប្រព្រឹត្តក្នុងជីវិតមិនមែនអត់ជួបបញ្ហានោះទេ ប៉ុន្តែសម្រាប់ដែលជោគជ័យនៅពេលដែលគេជួបឧបសគ្គ គេរមែងតែងតែរកឃើញ ផ្លូវទៅមុខជានិច្ច មនុស្សជោគជ័យគេមើលឃើញឳកាសនៅក្នុងការលំបាក គេមើលឃើញដំណោះស្រាយនៅក្នុងបញ្ហា រីឯមនុស្សបរាជ័យ គេមើលឃើញបញ្ហានៅក្នុងឳកាស គេមើលឃើញបញ្ហា គេមើលឃើញឧបសគ្គនៅក្នុងឳកាស ដែលមនុស្សជោគជ័យគេមើលឃើញ ឳកាសនៅក្នុងបញ្ហា»៕
ចែករំលែកព័តមាននេះ