ដុតទំនិញខូចគុណភាពចម្រុះមានចំនួនជិត២តោន
- បាត់ដំបង
ខេត្តបាត់ដំបង ៖ កាលពីរសៀលថ្ងៃទី១៣ មករា លោក អ៊ុយ សុធាវី អភិបាលរងនៃគណៈអភិបាលខេត្ត បានចូលរួមក្នុងការដុតកំទេចទិញខូចគុណភាពចម្រុះជិត២តោន ។…
ខេត្តបាត់ដំបង ៖ កាលពីរសៀលថ្ងៃទី១៣ មករា លោក អ៊ុយ សុធាវី អភិបាលរងនៃគណៈអភិបាលខេត្ត បានចូលរួមក្នុងការដុតកំទេចទិញខូចគុណភាពចម្រុះជិត២
តោន ។
លោក អ៊ុយ សុធាវី បានអំពាវនាវដល់អ្នកលក់ដូរទំនិញ និងអ្នកទិញទំនិញវេចខ្ចប់ ភេសជ្ជៈគ្រឿងកំប៉ុង យកទៅប្រើប្រាស់ ឬក៏ហូបចុក ត្រូវពិនិត្យពីសុពលភាពគុណភាពទំនិញទាំងនោះជាមុនសិន ចៀសវាងបង្កការប៉ះពាល់ដល់សុខភាពផងដែរ ។
លោក ហាក់ សុខរិន ប្រធានសាខាការពារអ្នកប្រើប្រាស់ កិច្ចការប្រកួតប្រជែង និង បង្ក្រាបការក្លែងបន្លំខេត្តបាត់ដំបង បានគូសបញ្ជាក់ឲ្យដឹងដែរថា ទំនិញទាំងអស់នេះគឺត្រូវបានភ្នាក់ងារសមត្ថកិច្ចសាខារបស់លោក ធ្វើការត្រួតពិនិត្យ ដកហូតបានតាមផ្សារនានាក្នុងក្រុង-ខេត្តបាត់ដំបង កាលពីឆ្នាំ២០២០កន្លងទៅនេះ សរុបទម្ងន់ចំនួន១.៨១០គីឡូក្រាម ។
ហើយទំនិញដែលខូចគុណភាពទាំងនោះរួមមាន៖ភេសជ្ជៈគ្រឿងកំប៉ុង និងដប ស្រា អាហារងៀត នំ និងអាហារកំប៉ុងជាដើម ។
សូមបញ្ជាក់ថា ការដុតកំទេចទិញខូចគុណភាពចម្រុះជិត២តោន គឺមានការចូលរួមដែរពីលោកផេង សិទ្ធី អភិបាលក្រុងបាត់ដំបង, លោកប្រធានការពារអ្នកប្រើប្រាស់ កិច្ចការពារប្រកួតប្រជែង និងបង្ក្រាបការក្លែងបន្លំនៅខេត្តបាត់ដំបង លោកព្រះរាជអាជ្ញារងសាលាដំបូងខេត្ត អភិបាលក្រុងបាត់ដំបង និងអនុប្រធានមន្ទីរពាណិជ្ជកម្មខេត្តព្រមទាំងមន្ត្រីពាក់ព័ន្ធមួយចំនួនទៀត ។
ចែករំលែកព័តមាននេះ