ជំងឺឈឺធ្មេញអាចប្រាកដបានថា ធ្វើឲ្យមានភាពល្ហិតល្ហៃអស់កម្លាំងដែលបណ្តាលមកពីអាការឈឺចុកចាប់ខ្លាំងរហូតទទួលទានអ្វីមិនបាន ដែលករណីនេះវាស្ទើរតែកើតឡើងញឹកញាប់ទៅហើយ ដែលអ្នកចាំបាច់
ជំងឺឈឺធ្មេញអាចប្រាកដបានថា ធ្វើឲ្យមានភាពល្ហិតល្ហៃអស់កម្លាំងដែលបណ្តាលមកពីអាការឈឺចុកចាប់ខ្លាំងរហូតទទួលទានអ្វីមិនបាន ដែលករណីនេះវាស្ទើរតែកើតឡើងញឹកញាប់ទៅហើយ ដែលអ្នកចាំបាច់ត្រូវជួបទន្តពេទ្យនៅពេលលោកអ្នកឈឺធ្មេញនៅត្រង់វាមានរន្ធ ឬប្រហោង ពុកធ្មេញ ជំងឺអញ្ចាញធ្មេញ ឬក៏អាប់សែ ។ ហេតុដូច្នេះប្រសិនជាលោកអ្នកមិនទាន់មានពេលទៅព្យាបាលនៅមន្ទីរពេទ្យឲ្យបានឆាប់នោះចូរព្យាយាមព្យាបាលវានៅផ្ទះដោយខ្លួនឯងបណ្តោះអាសន្នដើម្បីជួយសម្រាលការឈឺចុកចាប់ ។
ខាងក្រោមនេះគឺជាសេចក្តីណែនាំពីវិធីបំបាត់អាការឈឺធ្មេញមិនចាំបាច់ប្រើឱសថដូចតទៅ៖
១-ដុសធ្មេញនិងប្រើសំឡីសម្អាតធ្មេញរបស់អ្នកឲ្យស្អាតពិសេសនៅកន្លែងដែលអ្នកឈឺចុកចាប់ ។ វាគឺជាការចាំបាច់មួយនៅក្នុងការជម្រះចេញនូវកាកសំណល់អាហារដែលមានស្អិតជាប់ជុំវិញកន្លែងបង្កបញ្ហានាំឲ្យឈឺធ្មេញរបស់អ្នក ។
២-ចាក់ទឹកក្តៅឧណ្ហៗមួយកែវលាយអំបិលម៉ត់មួយស្លាបព្រាកាហ្វេ ។ យកទឹកនោះខ្ពុរមាត់បន្ទាប់ពីពិសាអាហាររួច និងពេលចូលគេង។ ធ្វើបែបនេះវានឹងជួយផ្សះនៅត្រង់តំបន់ដែលបង្កបញ្ហាឬមានក្លិនអសោចិ៍ ហើយថែមទាំងអាចលាងជម្រះនូវកាកសំណល់អាហារដែលជាប់នៅលើធ្មេញទៀតផង ។
៣-ត្រាំសំឡីក្នុងប្រេងបំបាត់ការឈឺចាប់ (Clove oil) ដែលជាពពួកប្រេងចម្រាញ់ពីធម្មជាតិនៅមានលក់នៅតាមឱសថស្ថាននានា ។
៤-មូរសំឡីហើយដាក់ផ្ទាល់ទៅលើកន្លែងមានបញ្ហាឬឈឺចុកចាប់ ។ ប្រេងនោះនឹងស្រូបចូលទៅក្នុងធ្មេញ និងបរិវេណអញ្ចាញធ្មេញជួយបន្សាបការឈឺចុកចាប់ ។
៥-ស្តុកទុកសំឡីដែលដាក់ចូលនៅត្រង់កន្លែងឈឺប្រមាណជា១ម៉ោង ។ តាមការប្រតិបត្តិនេះប្រេងបំបាត់ការឈឺចាប់នឹងជួយសម្រាលបញ្ហាឈឺខ្ទោកយ៉ាងមានប្រសិទ្ធភាព ។
៦-ជ្រលក់ឬត្រាំសំឡីថ្មីជាមួយប្រេងនោះហើយដាក់វាទៅលើធ្មេញប្រសិនជានៅតែមិនទាន់បាត់ឈឺនៅឡើយ ។ ប៉ុន្តផ្លាស់ប្តូរសំឡីថ្មីជារៀងរាល់មួយម៉ោងរហូតទាល់តែពេលណាវាធូរស្រាល ។
់
ព្យាយាមដាក់សម្ពាធលើវិធីព្យាបាលទាំងនោះប្រសិនជាការឈឺធ្មេញរបស់លោកអ្នកនៅតែមិនទាន់បាត់ ។ លោកអ្នកក៏អាចយកទឹកកកមកស្អំដោយផ្ទាល់លើធ្មេញឬថ្ពាល់ខាងក្រៅត្រង់កន្លែងដែលធ្មេញឈឺក៏បានដែរ ៕
ចែករំលែកព័តមាននេះ