ផ្លូវកៅស៊ូពីថៃ ភ្ជាប់មកច្រកថ្មដាហើយ ដើម្បីត្រៀមបើកច្រកសេដ្ឋកិច្ចពិសេស
- ពោធិ៍សាត់
ខេត្តពោធិ៍សាត់៖ បន្ទាប់ពីផ្លូវជាតិលេខ៥៥ ពីទីរួមខេត្តពោធិ៍សាត់ ដល់ឃុំថ្មដា ស្រុកវាលវែងស្ថាបនារួចមក ឥឡូវនេះ ខាងអាជ្ញាធរភូមិសេន ឃុំឡែមកាត់ ស្រុកមឿង ខេត្តត្រាត…
ខេត្តពោធិ៍សាត់៖ បន្ទាប់ពីផ្លូវជាតិលេខ៥៥ ពីទីរួមខេត្តពោធិ៍សាត់ ដល់ឃុំថ្មដា ស្រុកវាលវែងស្ថាបនារួចមក ឥឡូវនេះ ខាងអាជ្ញាធរភូមិសេន ឃុំឡែមកាត់ ស្រុកមឿង ខេត្តត្រាត…
ខេត្តពោធិ៍សាត់៖ បន្ទាប់ពីផ្លូវជាតិលេខ៥៥ ពីទីរួមខេត្តពោធិ៍សាត់ ដល់ឃុំថ្មដា ស្រុកវាលវែងស្ថាបនារួចមក ឥឡូវនេះ ខាងអាជ្ញាធរភូមិសេន ឃុំឡែមកាត់ ស្រុកមឿង ខេត្តត្រាត ប្រទេសថៃ បានកសាងផ្លូវកៅស៊ូ មកតភ្ជាប់ច្រកថ្មដា ក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់ហើយ។ ការតភ្ជាប់ផ្លូវកៅស៊ូពីខាងភាគីថៃនេះ ដើម្បីត្រៀមបើកច្រកសេដ្ឋកិច្ចពិសេស តាមការគ្រោងទុករវាងកម្ពុជា និងថៃ។
កំណាត់ផ្លូវនេះ ត្រូវបានសាងសង់ឡើង ដោយក្រាលកៅស៊ូប្រភេទ AC មានទទឹង ១៤ម៉ែត្រ ប្រវែងជិត ២គីឡូម៉ែត្រ ចែកចេញជា ៤គន្លង។
អាជ្ញាធរមូលដ្ឋាន បានឲ្យដឹងថា ការសម្រេចសាងសង់កំណាត់ផ្លូវនេះឡើង បន្ទាប់ពីសភាថៃបានអនុម័ត និងបន្ទាប់ពីលោក ឆ័ត្រប្រឆៃ ផនម៉នឡឺដ រដ្ឋលេខាធិការក្រសួងមហាផ្ទៃ នៃព្រះរាជាណាចក្រថៃ បានចារឯកភាព តាមសំណើរបស់អភិបាលខេត្តត្រាត កាលពីថ្ងៃទី២៧ ខែវិច្ឆិកា ឆ្នាំ២០១៩ កន្លងមក ពាក់ព័ន្ធទៅនឹងការពន្លឿនបើកច្រកព្រំដែនអន្តរជាតិថ្មដា។
ការតភ្ជាប់កំណាត់ផ្លូវមួយខ្សែនេះ គឺជាការចង់ឃើញរបស់រាជរដ្ឋាភិបាលកម្ពុជា ក៏ដូចជារដ្ឋបាលខេត្តពោធិ៍សាត់ ដើម្បីបង្កើតនូវចរន្តសេដ្ឋកិច្ចថ្មីមួយទៀត រវាងប្រទេសថៃ និងប្រទេសកម្ពុជា។
លោក ម៉ៅ ធនិន អភិបាលខេត្តពោធិ៍សាត់ បានជួបពិភាក្សាជាញឹកញាប់ជាមួយភាគីថៃ ដើម្បីជជែកពីការតភ្ជាប់សេដ្ឋកិច្ចរវាងខេត្តពោធិ៍សាត់ និងខេត្តត្រាត តាមរយៈបើកច្រកព្រំដែនថ្មដានេះ។
ស្រុកវាលវែង ជាស្រុកកើតក្រោយការធ្វើសមាហរណកម្ម និងជាស្រុកសមរភូមិប្រយុទ្ធឈ្ងៀមទៅដោយគ្រាប់រំសេវ និងគ្រាប់យុទ្ធភ័ណ្ឌមិនទាន់ផ្ទុះ។ តែឥឡូវនេះ វាលវែង បាន និងកំពុងប្រែខ្លួន ទៅជាតំបន់មានសក្តានុពលខ្ពស់ លើវិស័យទេសចរណ៍ និងកសិកម្ម។
បច្ចុប្បន្ន ច្រកថ្មដា មានការវិនិយោគអភិវឌ្ឍលំនៅឋាន សណ្ឋាគារ ផ្សារ កាស៊ីណូ កន្លែងលំហែកាយ ព្រមទាំងមានទឹកជ្រោះ និងទេសភាពភ្នំ ១៥០០ យ៉ាងស្រស់ស្អាត ខណៈស្រុកមឿង ខេត្តត្រាត ប្រទេសថៃ ជាតំបន់ទេសចរណ៍ ជាប់មាត់សមុទ្រដែរនោះ។ គេសង្ឃឹមថា ទៅថ្ងៃអនាគតច្រកព្រំដែនអន្តរជាតិថ្មដា នឹងក្លាយជាតំបន់សេដ្ឋកិច្ចពិសេសមួយដូចច្រកអន្តរជាតិផ្សេងៗទៀតដែរ តាមរយៈដំណើរកំសាន្តរបស់ភ្ញៀវទេសចរជាតិ‑អន្តរជាតិ និងការដោះដូរទំនិញគ្នាទៅវិញទៅមក រវាងប្រទេសទាំងពីរ កម្ពុជា‑ថៃ៕ ដោយ៖ សែម សុគន្ធ
ចែករំលែកព័តមាននេះ