ខេត្តរតនគិរី ៖ ជនសង្ស័យម្នាក់ជាមុខសញ្ញាមេខ្លោងជួញដូរគ្រឿងញៀនក្នុងក្រុមហ៊ុនហ័ងអាញ់យ៉ាឡាយ បានត្រូវកម្លាំងមូលដ្ឋានកងរាជអាវុធហត្ថស្រុកកូនមុំ និងកម្លាំងការិយាល័យប្រឆាំងបទល្មើសគ្រឿងញៀនកងរាជអាវុធហត្ថខេត្ត ចាប់ឃាត់ខ្លួនបញ្ជូនទៅសាលាដំបូងខេត្ត ។ ការឃាត់ខ្លួនជនសង្ស័យមុខសញ្ញាគ្រឿងញៀននេះ ធ្វើឡើងកាលពីវេលាម៉ោងប្រមាណ១០និង១៥នាទីព្រឹកថ្ងៃទី៩ ខែមករា…
ខេត្តរតនគិរី ៖ ជនសង្ស័យម្នាក់ជាមុខសញ្ញាមេខ្លោងជួញដូរគ្រឿងញៀនក្នុងក្រុមហ៊ុន
ហ័ងអាញ់យ៉ាឡាយ បានត្រូវកម្លាំងមូលដ្ឋានកងរាជអាវុធហត្ថស្រុកកូនមុំ និងកម្លាំងការិយាល័យប្រឆាំងបទល្មើសគ្រឿងញៀនកងរាជអាវុធហត្ថខេត្ត ចាប់ឃាត់ខ្លួនបញ្ជូនទៅសាលាដំបូងខេត្ត ។
ការឃាត់ខ្លួនជនសង្ស័យមុខសញ្ញាគ្រឿងញៀននេះ ធ្វើឡើងកាលពីវេលាម៉ោងប្រមាណ១០និង១៥នាទីព្រឹកថ្ងៃទី៩ ខែមករា ឆ្នាំ២០២១ដឹកនាំដោយវរសេនីយ៍ត្រី រស់ វណ្ណា មេបញ្ជាការមូលដ្ឋានកងរាជអាវុធហត្ថស្រុកកូនមុំ ដោយមានការសម្របសម្រួលនីតិវិធីពីព្រះរាជអាជ្ញារងអមសាលាដំបូងខេត្ត បានចុះដល់ការដ្ឋានទី៦របស់ក្រុមហ៊ុនខាងលើ ស្ថិតក្នុងភូមិ៣ ឃុំស្រែអង្គ្រង ស្រុកកូនមុំ ។
ជនសង្ស័យដែលត្រូវបានឃាត់ខ្លួននេះឈ្មោះភាន ចិត្ត ហៅដេត ភេទប្រុស អាយុ២៨ឆ្នាំ មុខរបរមិនពិតប្រាកដ មានស្រុកកំណើតនៅភូមិថ្មីឃុំខ្សឹម ស្រុកស្នួល ខេត្តក្រចេះ បច្ចុប្បន្នស្នាក់នៅក្នុងការដ្ឋានទី៦ របស់ក្រុមហ៊ុនហ័ងអាញ់យ៉ាឡាយ ។ ប្រភពព័ត៌មានឱ្យដឹងថា កម្លាំងសមត្ថកិច្ចបានធ្វើការឡោមព័ទ្ធរហូតដល់វេលាម៉ោងប្រមាណ៤និង១០នាទីរសៀលថ្ងៃដដែលនោះ ទើបមុខសញ្ញាមេខ្លោងជួញដូរគ្រឿងញៀនបង្ហាញខ្លួន។
ភ្លាមៗនោះ កងកម្លាំងក៏បានដេញតាមមុខសញ្ញាតែដោយសារភូមិសាស្ត្រស្មុគស្មាញពេក មុខសញ្ញាជនសង្ស័យចំនួន២នាក់បានបោះថ្នាំញៀនចោល និងផ្តួលម៉ូតូរត់គេចខ្លួនចូលក្នុងព្រៃសហគមន៍បាត់ម្នាក់ និងចាប់បានតែម្នាក់ ។
ចំពោះវត្ថុតាងដែលចាប់យកមាន ម្សៅក្រាមពណ៌សថ្លាចំនួន៤កញ្ចប់ ដាវចំនួន៥ ទូរស័ព្ទដៃ២គ្រឿង និងឧបករណ៍សេពគ្រឿងញៀនមួយចំនួនទៀត ។ ក្រោយពេលឃាត់ខ្លួន ជនសង្ស័យត្រូវបានបញ្ជូនទៅមូលដ្ឋានកងរាជអាវុធហត្ថស្រុកកូនមុំដើម្បីកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ