ក្រពើភ្នំ/ក្រពើត្រី ៖ ជាប្រភេទសត្វដែលទទួលរងគ្រោះថ្នាក់ និងជិតផុតពូជបំផុតនៅកម្ពុជា
រាជធានីភ្នំពេញ៖ តាមរយៈអង្គការសត្វព្រៃនិងរុក្ខជាតិ អន្តរជាតិ ហៅកាត់ថា FFI (Fauna and Flora International) ថ្មីៗនេះបានឱ្យដឹងថា…
រាជធានីភ្នំពេញ៖ តាមរយៈអង្គការសត្វព្រៃនិងរុក្ខជាតិ អន្តរជាតិ ហៅកាត់ថា FFI (Fauna and Flora International) ថ្មីៗនេះបានឱ្យដឹងថា អង្គការមានមោទភាពក្នុងការចែករម្លែកវីដេអូសង្ខេប ស្តីពីការងាររបស់អង្គការ ក្នុងការអភិរក្សក្រពើភ្នំ/ក្រពើត្រីដែលជាប្រភេទទទួលរងគ្រោះថ្នាក់ជិតផុតពូជបំផុត ដែលជាកិច្ចសហប្រតិបត្តិការរវាង រាជរដ្ឋាភិបាលកម្ពុជា សហគមន៍មូលដ្ខាន និង អង្គការសត្វព្រៃនិងរុក្ខជាតិ អន្តរជាតិ FFI (Fauna and Flora International) ។
រហូតដល់ឆ្នាំ ២០០០ ក្រពើភ្នំ/ក្រពើត្រី ត្រូវបានគេចាត់ទុកថាជាសត្វដែលជិតផុតពូជនៅក្នុងព្រៃ។ ក្រោមការស្រាវជ្រាវ របស់អង្គការFFI នៅភ្នំក្រវាញក្នុងប្រទេសកម្ពុជា បានរកឃើញថាប្រភេទសត្វទាំងនេះ ដែលនេះជាការភ្ញាក់ផ្អើលយ៉ាងខ្លាំងមួយ ដែលវាមាននៅក្នុងចំណោមសហគមន៍វិទ្យាសាស្ត្រជាច្រើនក្នុងប្រទេសកម្ពុជា។
ការបាត់បង់ទីជម្រក និងការបរបាញ់ បានបន្សល់ទុកនូវក្រពើភ្នំនេះត្រឹមតែ ២៥០ក្បាលប៉ុណ្ណោះ ដែលសុទ្ធសឹងតែជាក្រពើពេញវ័យ ដែលនៅរស់រានមានជីវិត ក្នុងព្រៃក្នុងប្រទេសកម្ពុជាសព្វថ្ងៃ។ ប្រភេទសត្វក្រពើនេះមានគ្រោះថ្នាក់ជិតផុតពូជ ហើយមិនអាចកកើតឡើងវិញបានច្រើននោះទេ ប្រសិនជាមិនមានការជួយអភិរក្សដែលមានរយៈពេលវែងនោះ។ យើងមានបំណងក្នុងការបង្កបង្កើនចំនួនទ្វេដងនៃសត្វក្រពើភ្នំនេះ ក្នុងរយៈពេលប៉ុន្មានឆ្នាំខាងមុខ ហើយនឹងត្រូវធានាថា ក្រពើទាំងនេះត្រូវបានទទួលការការពារជាប្រចាំផងដែរ។
លោក ជោ ជាមន្ត្រីគម្រោងបង្កាត់ពូជសត្វក្រពើភ្នំ នៃអង្គការ FFL បានឱ្យដឹងថា «ការងារគោលរបស់ខ្ញុំ គឺថែទាំកូនសត្វក្រពើភ្នំទាំងនេះ»។
លោក ជោ បានបន្តថា « យើងយកចិត្តទុកដាក់ចំពោះសត្វក្រពើភ្នំទាំងនេះ តាំងពីពេលពួកគេញាស់ រហូតដល់ពួកគេត្រៀមខ្លួនឬអាចថា រឹងដៃរឹងជើងហើយនោះ»។
សូមជម្រាបជូនផងដែរថា កម្មវិធីបង្កាត់ពូជ គឺជាផ្នែកមួយសំខាន់ នៃគោលដៅរយៈពេលវែង របស់អង្គការ ក្នុងការអភិរក្សសត្វក្រពើភ្នំនៅក្នុងព្រៃ។ ការញាស់ឬការភ្ញាស់ទាំងនេះ នឹងជួយពង្រឹងភាពចម្រុះនៃហ្សែន ក្នុងចំណោមក្រពើភ្នំនៅកម្ពុជា ដូច្នេះវានឹងធ្វើឱ្យប្រសើរឡើង នូវភាពធន់ជាទូទៅរបស់ប្រភេទសត្វនេះ។
តាមរយៈអង្គការ FFL បានបន្តថា ដូចនេះនៅពេលពួកគេត្រៀមខ្លួនរួចរាល់ហើយ យើងនឹងជួយក្រពើភ្នំទាំងនេះ ក្នុងការចាប់ផ្តើមជីវិតថ្មីរបស់ពួកគេនៅក្នុងព្រៃធម្មជាតិវិញ។ ហើយក៏ត្រូវធានាថាក្រពើភ្នំទាំងនេះ មានសុវត្ថិភាពផងដែរ នៅពេលពួកគេចាប់ផ្តើមរស់នៅក្នុងជំរថ្មីនោះ ដោយយើងគាំទ្រឱ្យអ្នកយាមសហគមន៍ ជួយឃ្លាំមើលនិងជួយល្បាតនៅតំបន់សំខាន់ៗ ដែលយើងបានប្រលែងនោះ។ ដូចនេះកិច្ចខិតខំប្រឹងប្រែងរបស់យើងត្រូវបានបញ្ចប់នៅពេលដែលក្រពើភ្នំបានរស់នៅជំរកថ្មី។ មិនតែប៉ុណ្ណោះ យើងក៏កំពុងឃ្លាំមើលដែល ព្រោះយើងសង្កេតឃើញថាសត្វទាំងនេះមានការថយចុះគួរឱ្យកត់សម្គាល់ ដោយសារការប្រម៉ាញ់ និងការគំរាមកំហែងផ្សេងទៀត។
លោក ស៊ីម ខ្មៅ ជាអ្នកយាមក្នុងសហគមន៍ បាននិយាយថា «អំពីក្រពើភ្នំនេះ វាមានការផុតពូជនៅសល់តិចតូច ម្ល៉ោះហើយត្រូវមានការការពារនិងអភិរក្សឱ្យបានតកូនបន្តទៀត អ្នកស្រុកភួមិនេះពេញចិត្តណាស់ដែលមានក្រពើភ្នំនេះនៅ ហើយពួកគាត់មិនមានការភ័យខ្លាចនោះទេ ព្រោះអីពូកគាត់បានយល់អំពីក្រពើនេះ តាំងពីក្រពើភ្នំគាត់រស់នៅតាំងពីដូនតា ដូចនេះគាត់យល់ថាក្រពើនេះគឺបានអង្គការ FFI គាត់ជួយអភិរក្សបន្ថែមទៀតចឹង ដើម្បីឱ្យក្រពើភ្នំបានគង់វង្សតទៅទៀត គឺអ្នកស្រុកភូមិសប្បាយចិត្តណាស់»។
អង្គការបានបន្ថែមថា ការចូលរួមជាមួយមនុស្សជំនាន់ក្រោយ គឺជាផ្នែកមួយសំខាន់ នៃការងាររបស់អង្គការ ជាមួយសហគមន៍។ រហូតមកដល់ពេលនេះអង្គការ បានរកឃើញសត្វក្រពើភ្នំជាងមួយរយក្បាលហើយ ហើយក្រពើមួយក្បាលនេះ គឺជាប្រភេទចុងក្រោយបង្អស់ដែលអង្គការបានដោះលែង។ ដោយមានសត្វក្រពើភ្នំតិចតួចនៅសេសសល់ក្នុងព្រៃ មនុស្សម្នាក់ៗពិតជាសំខាន់ណាស់ សម្រាប់ការរស់រាននៃសត្វក្រពើនេះ។ ដោយមានការគាំទ្រពីអ្នកគ្រប់គ្នា អង្គការនឹងបន្តការងារទាំងនេះ ដើម្បីនាំយកប្រភេទសត្វដែលមានមន្តស្នេហ៍បំផុតរបស់ប្រទេសកម្ពុជា ចេញពីគែមមួយ ក្នុងការជួយអភិរក្សទេសភាពព្រៃឈើ ដែលជាទីជម្រកជីវចម្រុះគួរឱ្យចាប់អារម្មណ៍បំផុត៕
ចែករំលែកព័តមាននេះ