ខេត្តកំពង់ចាម ៖ សម្ដេចតេជោនាយករដ្ឋមន្ត្រី ហុ៊ន សែន បានដឹកនាំប្រទេសឱ្យមានសុខសន្តិភាពទាំងស្រុង ចាប់ពីឆ្នាំ១៩៩៨មក ។ ជាមួយនេះ ពាក្យ«អរគុណសន្តិភាព»ដ៏មានប្រជាប្រិយភាព…
ខេត្តកំពង់ចាម ៖ សម្ដេចតេជោនាយករដ្ឋមន្ត្រី ហុ៊ន សែន បានដឹកនាំប្រទេសឱ្យមានសុខសន្តិភាពទាំងស្រុង ចាប់ពីឆ្នាំ១៩៩៨មក ។ ជាមួយនេះ ពាក្យ«អរគុណសន្តិភាព»ដ៏មានប្រជាប្រិយភាព ក៏ត្រូវបានថ្នាក់ដឹកនាំខេត្តចារឹកជាប់នឹងដើមឈើទាលមួយដើមធំ មានទំហំពីរឱបមនុស្សចាស់ ដែលដើមឈើទាលនេះបន្សល់ទុកតាំងពីសម័យបារាំងមក នៅផ្លូវជាប់នឹងសាលាខេត្ត ។
បច្ចុប្បន្ន ដើមឈើទាលនេះងាប់ហើយក៏បានកាត់ចុងចេញ និងចារឹកអក្សរ«អរគុណសន្តិភាព» និងមានទាំងការរៀបចំកាត់ខ្សែបូបើកបង្ហាញឱ្យសាធារណជនបានឃើញគ្រប់ៗគ្នា កាលពីព្រឹកថ្ងៃទី៣១ ខែធ្នូ ឆ្នាំ២០២០ ដោយមានការចូលរួមពីមន្ត្រីរាជការយ៉ាងច្រើនកុះករ ។
លោក ប្រាក់ ណូម៉ា នាយខណ្ឌរដ្ឋបាលព្រៃឈើកំពង់ចាម ថ្លែងថា ផ្លូវថ្នល់នៅជុំវិញសាលាខេត្តមានដើមឈើតូចធំជាច្រើនត្រូវបានដាំដើម្បីបង្កើតជាម្លប់ ។ ជាមួយនេះ មានដើមឈើទាលមួយដើមធំជាងគេគឺមានទំហំពីរឱបមនុស្សចាស់ហើយត្រូវបានចាស់ទុំតំណាលប្រាប់ថា បានដាំស្របពេលដែលមានការកសាងអគាររដ្ឋបាលសាលាខេត្ត ក្នុងអំឡុងសម័យអាណានិគមនិយមបារាំង ។
លោក ប្រាក់ ណូម៉ា បន្តទៀតថា ដោយសារតែដើមឈើនេះចាស់ គួបផ្សំនឹងកត្តាធម្ម
ជាតិ មកដល់សព្វថ្ងៃដើមឈើទាលនេះបានងាប់ ហើយមន្ត្រីរដ្ឋបាលព្រៃឈើបានទៅពិនិត្យនិងជួលក្រុមកម្មករឲ្យកាត់ផ្នែកខាងលើចេញទុកមួយកំណាត់ខាងក្រោម ។ ជាមួយនេះ ដោយមានការចង្អុលបង្ហាញពីសំណាក់ឯកឧត្តម អ៊ុនចាន់ដា អភិបាលខេត្ត បានឲ្យជាងចម្លាក់នៅខេត្តពោធិ៍សាត់ មកឆ្លាក់អក្សរ«អរគុណសន្តិភាព» នៅដើមឈើទាលនេះ ដោយប្រើរយៈពេលជិត១ខែទើបរួចរាល់ ។
ដោយឡែក មានដើមឈើប្រណីតជាច្រើនដើមត្រូវបានដាក់ដាំថ្មី នៅជុំវិញបរិវេណសា
លាខេត្ត ក្រោមការថែទាំរបស់ខណ្ឌរដ្ឋបាលព្រៃឈើ ៕
ចែករំលែកព័តមាននេះ