ខេត្តព្រះសីហនុ ៖ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្ត និងម៉ូតូ បណ្តាលឲ្យបុរសម្នាក់ជាអ្នកបើកបរម៉ូតូរងរបួសធ្ងន់ធ្ងរ នៅវេលាម៉ោងជិត១០យប់ ថ្ងៃទី១៩ ខែធ្នូ ឆ្នាំ២០២០ នៅលើវិថីប៉ូឡូវ៉ៃ…
ខេត្តព្រះសីហនុ ៖ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្ត និងម៉ូតូ បណ្តាលឲ្យបុរសម្នាក់ជាអ្នកបើកបរម៉ូតូរងរបួសធ្ងន់ធ្ងរ នៅវេលាម៉ោងជិត១០យប់ ថ្ងៃទី១៩ ខែធ្នូ ឆ្នាំ២០២០ នៅលើវិថីប៉ូឡូវ៉ៃ ក្បែរសណ្ឋាគារ ប្លាទីនអន្តរជាតិ ស្ថិតក្នុងភូមិ០៤ សង្កាត់៤ ក្រុង/ខេត្តព្រះសីហនុ។
យោងតាមសាក្សីដែលឃើញហេតុការណ៍នោះបានប្រាប់ថា គេឃើញមានរថយន្តមួយគ្រឿងម៉ាកស្តារិក ពណ៌ទឹកប្រាក់ ពាក់ស្លាកលេខ ភ្នំពេញ 2BB-4094 បើកបរក្នុងល្បឿនលឿន លុះមកដល់ចំណុចខាងលើក៏ឡើងវ៉ាជែង និងរថយន្តមួយគ្រឿងទៀត ក៏បានជ្រុលចង្កូតមកបុកប៉ះនឹងមួយគ្រឿងយ៉ាងពេញទំហឹង ម៉ាកហុងដា (ប្រភេទអូតូ) ពណ៌ក្រហម គ្មានស្លាកលេខ បណ្តាលឲ្យបុរសជាអ្នកបើកបរម៉ូតូនេះរងរបួសបាក់ជើងបែកក្បាលមានសភាពធ្ងន់ធ្ងរ។
ភ្លាមៗនោះសមត្ថកិច្ចក៏បានចុះមកដល់ទីតាំងកន្លែងកើតហេតុ រួចបញ្ជូនជនរងគ្រោះយកសង្គ្រោះបន្ទាន់នៅមន្ទីរពេទ្យមិត្តភាព ឃ្លាំងលើ(៨៨៨) និងជួយសម្រួលចរាចរណ៍ការពារនៅទីតាំងកន្លែងកើតហេតុ។ ក្រោយពេលកើតហេតុអ្នកបើកបររថយន្តខាងលើបានរត់គេចខ្លួនបាត់ស្រមោល រីឯវត្ថុតាង រថយន្ត និងម៉ូតូ ត្រូវបាននគរបាលចរាចរណ៍ស្ទូចយកទៅរក្សាទុក នៅប៉ុស្តិ៍នគរបាលចរាចរណ៍ផ្លូវគោកខេត្តព្រះសីហនុ រង់ចាំការដោះស្រាយទៅតាមនីតិវិធី៕ ដោយ ៖ ឈុន គឹមហៃ
ចែករំលែកព័តមាននេះ