ខេត្តរតនគិរី ៖ ម៉ូតូជាច្រើនគ្រឿងដែលដឹកជញ្ជូនឈើយ៉ាងគគ្រឹកគគ្រេងបម្រុងលួចឆ្លងដែនទៅប្រទេសវៀតណាមដោយខុសច្បាប់ បានត្រូវកម្លាំងសមត្ថកិច្ចចម្រុះចុះទៅទាន់ក៏ធ្វើការបង្ក្រាប ។ ប៉ុន្តែ អ្វីដែលគួរឲ្យកត់សម្គាល់នោះគឺគេមិនដែលឃើញចាប់បានថៅកែនិងអ្នកប្រព្រឹត្តឡើយ គឺចាប់បានតែអ្នកដឹកជញ្ជូនប៉ុណ្ណោះ ។ អ្នកតាមដាននិយាយថា…
ខេត្តរតនគិរី ៖ ម៉ូតូជាច្រើនគ្រឿងដែលដឹកជញ្ជូនឈើយ៉ាងគគ្រឹកគគ្រេងបម្រុងលួចឆ្លងដែនទៅប្រទេសវៀតណាមដោយខុសច្បាប់ បានត្រូវកម្លាំងសមត្ថកិច្ចចម្រុះចុះទៅទាន់ក៏ធ្វើការបង្ក្រាប ។ ប៉ុន្តែ អ្វីដែលគួរឲ្យកត់សម្គាល់នោះគឺគេមិនដែលឃើញចាប់បានថៅកែនិងអ្នកប្រព្រឹត្តឡើយ គឺចាប់បានតែអ្នកដឹកជញ្ជូនប៉ុណ្ណោះ ។
អ្នកតាមដាននិយាយថា ដោយសារតែពួកជនដែលប្រព្រឹត្តបទល្មើសនេះហើយ ទើបជំនួញលើខុសច្បាប់នៅតែកើតមានដដែលៗ ហើយព្រៃឈើក៏នៅតែរងការវិនាស ។
ការបង្ក្រាបម៉ូតូដឹកឈើនេះ បានធ្វើឡើងកាលពីវេលាម៉ោងប្រមាណ៣រសៀលថ្ងៃទី១០ ខែធ្នូ ឆ្នាំ២០២០ នៅភូមិភិលើ ឃុំសេសាន ស្រុកអូរយ៉ាដាវ ។
ប្រភពព័ត៌មានពីសមត្ថកិច្ចដែលចុះបង្ក្រាបផ្ទាល់ បានឱ្យដឹងថា ឈើដែលបង្ក្រាបខាងលើនេះ ក្រុមឈ្មួញដឹកជញ្ជូនចេញពីតំបន់ព្រៃសហគមន៍ភូមិប៉ា ទៅដល់ឃុំសេសាន ព្រំប្រទល់រវាងស្រុក
អូរយ៉ាដាវនិងស្រុកអណ្តូងមាស ។ បន្ទាប់ពីមានសេចក្តីរាយការណ៍ពីប្រជាពលរដ្ឋអំពីសកម្មភាព
ខាងលើ សមត្ថកិច្ចក៏ទៅស្ទាក់ចាប់បានតែម្តង ។ ចំពោះវត្ថុតាងដែលរឹបអូសបានមាន ឈើស្រ
ឡៅចំនួន២០កំណាត់ មុខកាត់២៥ទៅ៣០សង្ទីម៉ែត្រ ប្រវែង២,២ម៉ែត្រ និងម៉ូតូកែច្នៃដឹកជញ្ជូនឈើ១គ្រឿង ។
ក្នុងពេលដែលកម្លាំងអាវុធហត្ថស្រុកអូរយ៉ាដាវ និងមន្ត្រីបរិស្ថានចុះទៅបង្ក្រាបនោះ មានម៉ូតូដឹកឈើជាច្រើនគ្រឿងបានទម្លាក់ឈើចេញ ហើយបន្ថែមល្បឿនបើករត់គេចខ្លួនបាត់អស់ភ្លាមៗដោយបន្សល់ទុកនៅតែម៉ូតូ១គ្រឿងនេះដែលយកទៅមិនទាន់ ។
ឈើខុសច្បាប់ដែលបង្ក្រាបបានខាងលើនេះលោក សូលីត សំភូ ប្រធានក្រុមបរិស្ថានស្រុកអូរយ៉ាដាវបានបញ្ជាក់ថា លោកនឹងទៅទទួលរបាយការណ៍ពីសមត្ថកិច្ចចម្រុះដែលធ្វើការបង្ក្រាប ហើយសុំផ្ញើរក្សាទុកនៅប៉ុស្តិ៍នគរបាលការពារព្រំដែនគោកចំណុចភូមិភិលើ ឃុំសេសានជាបណ្តោះអាសន្នសិន មុននឹងមាននីតិវិធីបន្ត ៕
ចែករំលែកព័តមាននេះ