ការមានផ្ទៃពោះអាចនាំមកនូវការផ្លាស់ប្តូរជាច្រើន ចំពោះស្បែករបស់អ្នក ។ ភាគច្រើននៃសម្រស់ស្បែក ត្រូវបានបាត់បង់ក្រោយពេលសម្រាលបុត្ររួច ។ ស្បែករបស់អ្នកនឹងមិនមានភាពយឺតដូចមុនទេ ដោយសារតែវាធ្លាប់ប៉ោងតឹងម្តងហើយ ។ តែមិនថ្វីទេ…
ការមានផ្ទៃពោះអាចនាំមកនូវការផ្លាស់ប្តូរជាច្រើន ចំពោះស្បែករបស់អ្នក ។ ភាគច្រើននៃសម្រស់ស្បែក ត្រូវបានបាត់បង់ក្រោយពេលសម្រាលបុត្ររួច ។ ស្បែករបស់អ្នកនឹងមិនមានភាពយឺតដូចមុនទេ ដោយសារតែវាធ្លាប់ប៉ោងតឹងម្តងហើយ ។ តែមិនថ្វីទេ អ្នកអាចអនុវត្តតាមវិធីងាយៗដូចខាងក្រោមនេះ តាមការចុះផ្សាយរបស់គេហទំព័រសុខភាព Healthline ៖
១. ហាត់ប្រាណ ៖ ការធ្វើលំហាត់ប្រាណ អាចជួយដុតបំផ្លាញជាតិខ្លាញ់ និងធ្វើឱ្យស្បែករបស់អ្នកមានភាពរលាស់ជាងមុន ។ សូមព្យាយាមរត់តិចៗ ហែលទឹក ឬ ជិះកង់ ។ តែមុននឹងសម្រេចចិត្តធ្វើលំហាត់ប្រាណទាំងនេះ អ្នកគួរគប្បីសួរគ្រូពេទ្យជាមុនសិន ។
២. បរិភោគខ្លាញ់ និងប្រូតេអ៊ីនដែលមានសុខភាពល្អ ៖ ការញ៉ាំប្រូតេអ៊ីន និងខ្លាញ់ដែលមានសុខភាពល្អ អាចជួយអ្នកបង្កើនទំហំសាច់ដុំ ។ ប្រូតេអ៊ីនក៏អាចមានផ្ទុកនូវកូឡាជែន (Collagen) ផងដែរ ។ តម្រូវការប្រូតេអ៊ីនរបស់អ្នកម្នាក់ៗមានភាពខុសគ្នាអាស្រ័យទៅលើការហាត់ប្រាណ ដែលអ្នកធ្វើ ក៏ដូចជាកំពស់និងទម្ងន់របស់អ្នក ។ អ្នកក៏ប្រហែលជាត្រូវការប្រូតេអ៊ីនច្រើនដែរ ប្រសិនបើអ្នកកំពុងបំបៅកូនដោយទឹកដោះ ។
៣. សាកល្បងប្រើផលិតផលធ្វើឱ្យស្បែកតឹង ៖ មានផលិតផលថែរក្សាស្បែកជាច្រើននៅលើទីផ្សារ ដែលត្រូវបានរចនាឡើង ដើម្បីបង្កើនសារជាតិកូឡាជែន (Collagen) និង អេឡាស្ទីន (Elastin) នៅក្នុងស្បែករបស់អ្នក ។ គ្រឿងផ្សំដូចជាកូឡាជែន វីតាមីនសេ និងរីណូទីន អាចជួយឱ្យស្បែកស្តារភាពរឹងមាំរបស់វាឡើងវិញ ។
៤. ផឹកទឹក ៖ ទឹកជួយផ្តល់សំណើមដល់ស្បែក និងធ្វើឱ្យវាកាន់តែរលោង ។ វាអាចដុតបំផ្លាញជាតិខ្លាញ់បានកាន់តែងាយស្រួល និងកាត់បន្ថយការរក្សាទឹកនៅក្នុងពោះរបស់អ្នក ៕ ប្រភព ៖ healthline
ចែករំលែកព័តមាននេះ