កសិករចិញ្ចឹមគោបច្ចេកទេស និងដាំស្មៅផ្អែមឬស្មៅអ៊ីសាអែលបានលុយមិនស្ទើរ
- បន្ទាយមានជ័យ
បន្ទាយមានជ័យ ៖ ប្រជាកសិករបាននាំចិញ្ចឹមគោ តាមលក្ខណៈបច្ចេកទេសដោយដាំស្មៅផ្អែម ឬស្មៅអ៊ីសាអែល សម្រាប់បំប៉នគោពូជ និងគោសាច់ដែលដាំជើងភ្នំស្វាយស្ថិតភូមិ.សង្កាត់អូរអំបិលក្រុងសិរីសោភ័ណ ។
ជាក់ស្តែងឃើញប្រជាកសិករបាននាំគ្នាដាំស្មៅផ្អែម ឬស្មៅអ៊ីសាអែល សម្រាប់បំប៉នគោពូជ និងគោសាច់សម្រាប់លក់ដែលចិញ្ចឹមជាលក្ខណៈគ្រួសារ ហើយប្រជាកសិករបានអោយដឹងថា ៖ ការចិញ្ចឹមគោតាមលក្ខណៈបច្ចេកទេសដូចជា ដាំស្មៅផ្អែមឬដាំស្មៅអ៊ីសាអែលសម្រាប់បំប៉នគោពូជ និងគោសាច់ដែលចិញ្ចឹមជាលក្ខណៈគ្រួសារ ។
ប្រជាកសិករបានបញ្ជាក់ថា ៖ ស្មៅផ្អែមឬ ស្មៅអ៊ីសាអែលនេះទិញពូជមកពីខេត្តកំពង់ចាមក្នុង១គល់តំលៃ៣០០រៀល ដែលដាំរយៈពេល២ទៅ៣ខែ អាចទទួលបានផលដោយកាត់អោយគោស៊ីបាន ហើយការដាំស្មៅផ្អែមនេះ គឺដាំជាជួរហើយស្រចទឹកជាប្រចាំ រហូតដល់ទទួលបានផលហើយនៅបន្តស្រច ។
ជាក់ស្តែងគ្រួសាររបស់គាត់ចិញ្ចឹមគោពូជ ប្រមាណ៥ទៅ៦ក្បាល ដែលគោពូជពីបរទេសសម្រាប់ចិញ្ចឹមពូជលក់គោមេពេញវ័យ១ក្បាល តំលៃ១.៥០០ទៅ២.០០០ដុល្លារ ហើយអ្នកទិញភាគច្រើនទិញយកទៅចិញ្ចឹមបន្ត ។
ប្រជាកសិកររូបបានបញ្ជាក់ថា ៖ ការចិញ្ចឹមគោពូជន៍លក់ គឺចិញ្ចឹមដោយដាក់ទ្រុងអោយស៊ីស្មៅផ្អែម ឬស្មៅអ៊ីសាអែល១ថ្ងៃ២ទៅ៣ដង ហើយក្នុងសប្តាហ៍លាងសំអាតគោ២ទៅ៣លើកមើលផែររហូតដល់គ្រប់អាយុជាង១ឆ្នាំ ទើបអាចដាក់បាបង្កាត់ពូជ ម្តងតំលៃ២០០.០០០រៀល ។
ដោយឡែកឆ្នាំ២០២០នេះ ដោយទឹកជំនន់បណ្តាលលិចលង់ការចិញ្ចឹមគោជួបការលំបាកមានជម្ងឺត្រូវបានព្យាបាល ។
មន្ត្រីផលិតកម្ម និងបសុព្យាបាលខេត្តបន្ទាយមានជ័យ ឬហៅកាត់ពេទ្យសត្វបានប្រាប់ថា៖នៅឆ្នាំ២០២០នេះមន្ត្រីពេទ្យសត្វបានចាក់វ៉ាក់សាំងការពារជំងឺលើសត្វមានគោដែលកើតជម្ងឺសាទឹកគោចំនួន២៩.៨៦៨ក្បាល ក្របីចំនួន២៩៧ក្បាល អ៊ុតក្តាមគោចំនួន៧០៦ក្បាល អ៊ុតក្តាមក្របីចំនួន៩៩ក្បាល ៕
ចែករំលែកព័តមាននេះ