រាជធានីភ្នំពេញ ៖ ពស់ថ្លាន់ឈ្មោល១ក្បាលមានទម្ងន់ប្រមាណជាជាង ២០គីឡូក្រាម និងមានប្រវែងជាង៣ម៉ែត្រមួយ ត្រូវបានប្រជាពលរដ្ឋប្រទះឃើញ វារនៅលើដើមជ្រៃមួយដើមមុខផ្ទះ មួយកន្លែងឱ្យមានការភ្ញាក់ផ្អើលយ៉ាងខ្លាំង ហើយរាយការណ៍ទៅប្រាប់កម្លាំងមានសមត្ថកិច្ចមូលដ្ឋានចុះមកមើល និងចាប់ប្រគល់អោយទៅក្រុមអភិរក្សសត្វព្រៃមកទទួលយកទៅដោះលែងនៅសួនសត្វភ្នំតាម៉ៅផងដែរ…
រាជធានីភ្នំពេញ ៖ ពស់ថ្លាន់ឈ្មោល១ក្បាលមានទម្ងន់ប្រមាណជាជាង ២០គីឡូក្រាម និងមានប្រវែងជាង៣ម៉ែត្រមួយ ត្រូវបានប្រជាពលរដ្ឋប្រទះឃើញ វារនៅលើដើមជ្រៃមួយដើមមុខផ្ទះ មួយកន្លែងឱ្យមានការភ្ញាក់ផ្អើលយ៉ាងខ្លាំង ហើយរាយការណ៍ទៅប្រាប់កម្លាំងមានសមត្ថកិច្ចមូលដ្ឋានចុះមកមើល និងចាប់ប្រគល់អោយទៅក្រុមអភិរក្សសត្វព្រៃមកទទួលយកទៅដោះលែងនៅសួនសត្វភ្នំតាម៉ៅផងដែរ ។
ការប្រទះឃើញនេះដែរ បានកើតឡើងកាលពីវេលាម៉ោង០៩ និង ៣០នាទីព្រឹក ថ្ងៃទី០៣ ខែធ្នូ ឆ្នាំ២០២០ នៅចំណុចលើដើមជ្រៃខាងមុខផ្ទះមួយកន្លែង ស្ថិតនៅផ្លូវលេខ៣៦០ក្នុងសង្កាត់ទួលស្វាយព្រៃទី១ ខណ្ឌបឹងកេងកង ។
តាមប្រភពព័ត៌មានបានប្រាប់ឱ្យដឹងថា មុនពេលកើតហេតុ អ្នករស់នៅក្បែរខាងបានប្រទះឃើញពស់ថ្លាន់មួយក្បាល យ៉ាងធំវារនៅលើដើមជ្រៃមួយដើម នៅមុខផ្ទះមួយកន្លែងខាងលើ ហើយក៏បង្កអោយមានការភ្ញាក់ផ្អើលកើតឡើងទៅដល់ប្រជាពលរដ្ឋជាច្រើននាក់ មកចោមរោមមើល ។ ដោយមានការភ្ញាក់ផ្អើលអំពីការប្រទះឃើញពស់ថ្លាន់មួយក្បាលធំមិនដឹងជាមកពីទីណា ហើយវាឡើងទៅនៅលើដើមជ្រៃនោះ ពួកគាត់ក៏បានរាយការណ៍ទៅប្រាប់អាជ្ញាធរមូលដ្ឋានអោយចុះមកមើល និងចាប់យកចេញផងដែរ ។
តាមប្រភពដដែលបានប្រាប់បន្តទៀតថា ពេលដែលទទួលបាននូវការរាយការណ៍អំពីសំណាក់បងប្អូនប្រជាពលរដ្ឋថា បានប្រទះឃើញពស់ថ្លាន់មួយក្បាល នៅលើដើមឈើនោះ កម្លាំងមានសមត្ថកិច្ចក៏បានចុះមកដល់ និងរាយការបន្តទៅកាន់ក្រុមមន្ត្រីអភិរក្សសត្វព្រៃអោយមកចាប់យកទៅជាបន្ត ។ ក្នុងពេលនោះដែរ កម្លាំងអភិរក្សសត្វព្រៃបានធ្វើការសហការជាមួយ និងកម្លាំងរបស់ប្រជាការពារខណ្ឌបឹងកេងកងនាំគ្នាឡើងទៅចាប់យកមកដាក់ទ្រុងក្នុងរថយន្ត និងបានបញ្ជាក់ថា ពស់ថ្លាន់មួយក្បាលនេះ វាជាពស់ឈ្មោលដោយមានទម្ងន់ប្រមាណជាជាង ២០គីឡូក្រាម និងមានប្រវែងជាង ៣ម៉ែត្រ។
ក្រោយពីកម្លាំងអភិរក្សសត្វព្រៃ សហការជាមួយ និងកម្លាំងប្រជាការពារខណ្ឌបឹងកេងកង នាំគ្នាឡើងទៅចាប់ពស់ថ្លាន់ មួយក្បាលពីលើដើមជ្រៃដាក់ក្នុងទ្រុងរួចហើយ ក៏បានបញ្ជូនតាមរថយន្តយកទៅដោះលែងនៅឯសួនសត្វភ្នំតាម៉ៅ ដើម្បីថែរក្សាជាបន្តទៅទៀតផងដែរ ៕
ចែករំលែកព័តមាននេះ