នៅក្នុងខន្តិសូត្រ ព្រះមានព្រះភាគត្រាស់ថា អំណត់គឺសេចក្តីអត់ធន់ ជាតបធម៌ដ៏ឧត្តម ព្រះពុទ្ធទាំងឡាយទ្រង់ត្រាស់ថា ព្រះនិព្វានជាគុណជាតិដ៏ឧត្តម អ្នកបួសដែលបៀតបៀនសត្វដទៃ សម្លាប់សត្វដទៃ មិនមែនជាបព្វជិត មិនមែនជាសមណៈឡើយ…
នៅក្នុងខន្តិសូត្រ ព្រះមានព្រះភាគត្រាស់ថា អំណត់គឺសេចក្តីអត់ធន់ ជាតបធម៌ដ៏ឧត្តម ព្រះពុទ្ធទាំងឡាយទ្រង់ត្រាស់ថា ព្រះនិព្វានជាគុណជាតិដ៏ឧត្តម អ្នកបួសដែលបៀតបៀនសត្វដទៃ សម្លាប់សត្វដទៃ មិនមែនជាបព្វជិត មិនមែនជាសមណៈឡើយ ។
សេចក្តីអត់ធន់ជាគ្រឿងលង្ការរបស់អ្នកប្រាជ្ញ សេចក្តីអត់ធន់ជាគ្រឿងដុតបង់នូវបាបរបស់អ្នកដែលមានតបធម៌ សេចក្តីអត់ធន់ ជាកម្លាំងរបស់អ្នកប្រព្រឹត្តធម៌ សេចក្តីអត់ធន់ជាគុណជាតិនាំមកនូវប្រយោជន៍ និងសេចក្តីសុខ។
ក្នុងការងារប្រចាំថ្ងៃក៏ត្រូវមានខន្តីជាចម្បងព្រោះថាមនុស្សម្នាក់ៗតែងពើបប្រទះនូវរឿងរ៉ាវសព្វបែប សព្វយ៉ាងមួយថ្ងៃៗ រឿងខ្លះដោះចេញដោយស្រួល ឯរឿងខ្លះក៏លំបាកដោះត្រូវប្រើគំនិតជ្រៅ ដែលការងារខ្លះត្រូវប្រើគំនិតរួមផងដែរ ខណៈនេះបើខ្វះការអត់ធន់ទេនឹងមិនអាចញុំាងលទ្ធផលការងារសម្រេចល្អឡើយ ។
ហេតុនេះទើបលោកអ្នកប្រាជ្ញខំអប់រំមនុស្សទាំងអស់ឱ្យយកសេចក្តីអត់ធន់មកលម្អជីវិតតម្កល់ស៊ប់ក្នុងចិត្តឱ្យបានសព្វៗកាល ៕ សាន សារិន
ចែករំលែកព័តមាននេះ