AP ផ្សាយថា កាលពីពេល ថ្មីៗនេះសមត្ថកិច្ចម៉ារុកបានចាប់ខ្លួន និងនិរទេសនារីជាតិបារាំង២នាក់ដែលដោះអាវបង្ហាញដើមទ្រូងនៅកណ្តាលទីតាំងប៉មបុរាណដើម្បីប្រឆាំងនឹងការជាន់ឈ្លីលើក្រុមស្រឡាញ់ភេទដូចគ្នា ។ សមត្ថកិច្ចបញ្ជាក់ថា នោះជាអំពើមួយធ្វើឱ្យអាប់អោនដល់សង្គម ។
ក្រសួងមហាផ្ទៃម៉ារុក បញ្ជាក់ថា នារីទាំង២នាក់នោះត្រូវបញ្ជូនចេញ និងហាមចូលប្រទេសដោយសារតែប្រព្រឹត្តអំពើមិនសមរម្យបង្កការអាប់អោនដល់ប្រទេសម៉ារ៉ុក ។ អាជ្ញាធរក្រុងបញ្ជាក់ថា «បុគ្គលដែលពាក់ព័ន្ធត្រូវចាប់ខ្លួនដោយប៉ូលិសនៅអាកាសយានដ្ឋានអន្តរជាតិរ៉ាបាត់ ពោះថតរូបអាសអាភាសនៅបរិវេណទីតាំងបុរាណទួរហាស់សាន ។ នារីទាំង២នាក់នោះជាសមាជិករបស់ក្រុមសកម្មជនស្រលាញ់ភេទដូចគ្នា ។ ពួកនាងបានបង្ហាញខ្លួននៅទីលាន Tour Hussan ជាទីតាំងប៉មបុរាណដែលសាងសង់បានតែពាក់កណ្តាលតាំងពីសតវត្សទី១២មក និងជាផ្នូររបស់ព្រះមហាក្សត្រម៉ូហាម៉េដទី៥ ។ ក្រោយមកពួកនាងដោះអាវបង្ហាញសុដន់នៅចំពោះមុខមហាជន និងថើបគ្នាដោយនៅបរិវេណដងខ្លួនមានសរសេរពាក្យថា «In gay we trust» ។
នៅពេលនារីទាំង២នាក់ថើបគ្នា និងដោះអាវសន្តិសុខមិនស្ថិតនៅទីនោះទេ ៕
ចែករំលែកព័តមាននេះ