រាជធានីភ្នំពេញ៖ តារាចម្រៀងប្រុសជើងចាស់ដែលមានទឹកដមសម្លេងពិរោះស្រទន់ លោក រិន សាវ៉េត បានធ្វើអោយមហាជនមានការចាប់អារម្មណ៍ និងកោតសរសើរពីទឹកចិត្តសុភាពរាបសារនិងបានថែទាំអតីតភរិយាបានយ៉ាងល្អរហួតនាងលាចាកលោកនេះទៅដោយរោគាពាធ ។ យ៉ាងណាមិញ បើទោះបីជាមានមានភរិយាថ្មី…
រាជធានីភ្នំពេញ៖ តារាចម្រៀងប្រុសជើងចាស់ដែលមានទឹកដមសម្លេងពិរោះស្រទន់ លោក រិន សាវ៉េត បានធ្វើអោយមហាជនមានការចាប់អារម្មណ៍ និងកោតសរសើរពីទឹកចិត្តសុភាពរាបសារនិងបានថែទាំអតីតភរិយាបានយ៉ាងល្អរហួតនាងលាចាកលោកនេះទៅដោយរោគាពាធ ។
យ៉ាងណាមិញ បើទោះបីជាមានមានភរិយាថ្មី និងកូនទៅហើយ ក៏តារាចម្រៀងប្រុសរូបនេះនៅតែអាល័យភរិយាទី១ ដូចដើម។
ជាក់ស្តែងតារាចម្រៀងប្រុសប្រចាំផលិតកម្មរស្សីហង្សាមាសរូបនេះ ស្រាប់តែស៊ែររូបភាពនៅក្នុងហ្វេសប៊ុក ដែលជារូបអនុស្សាវរីយ៍ចាស់ៗ ក្នុងន័យនឹកអាល័យភរិយា១ ដែលបានស្លាប់អស់រយៈពេលប្រមាណជាបីឆ្នាំហើយ ជាមួយនឹងការសរសេររៀបរាប់នឹកស្រណោះថា « ពេលវេលារសាត់ទៅជាច្រើនឆ្នាំ » ។
យ៉ាងណាមិញ តាមរយៈការស៊ែរឡើងវិញនូវរូបភាពចាស់ទាំងនោះ មហាជនសង្កេតឃើញថា នេះជារូបភាពនៅអំឡុងពេល ដែលភរិយា១របស់តារាចម្រៀង រិន សាវ៉េត ដែលបានទទួលមរណភាពដោយសារជំងឺដ៏កាចសាហាវ កាលពីអំឡុងឆ្នាំ ២០១៧ ដោយបន្សល់នូវកូនប្រុសម្នាក់ជាចំណងដៃផងដែរ។
គួរបញ្ចាក់ផងដែរថា នេះក៏ព្រោះតែតារាចម្រៀងប្រុសរូបនេះ នៅនឹកឃើញដល់ភរិយា១ ដែលធ្លាប់រួមសុខទុក្ខជាមួយគ្នា តែយ៉ាងណា លោក រិន សាវ៉េត បានរៀបការភរិយា២រួច ដែលជាអាណិកជនរស់នៅប្រទេសបារាំង និង សម្រាលបានកូនប្រុសម្នាក់នៅប្រទេសបារាំងផងដែរនាពេលបច្ចុប្បន្ននេះ ៕
ចែករំលែកព័តមាននេះ